المساعد الشخصي الرقمي

مشاهدة النسخة كاملة : سوءااااااااااااااااااال

mahmodsalama
08-27-2009, 11:13 AM
http://www.samysoft.net/forumim/slam/fdgdfgd.gif


نعلم جميعا ان عدد الانسات والارامل والمطلقات تقريبا 10مليون

السوءال

هل لو وصلت البت الجامعيه مثلا طب او هندسه سن ال35 سنه
ولم تتزوج وتقدم اليها شاب صنيعي (بسيط) او حداد او ميكانيكي
هل توافقين علي الزواج منه
برجاء عند التعليق يكون عقلي وليس عاطفي
البرنس الوحدانى
08-27-2009, 11:32 AM
محمد هرد عليك بطريقة عقلانية

هى ادامها حلين يا اما تتجوز الميكانيكى او تعد عانز طول عمرها
فأنا من رايي تتجوز على الأقل تلاقى بيت ليها يسترها

تحياتى

وفعلا سؤال حلو وعايزين نقاش
THE KING
08-28-2009, 03:44 PM
سيبك من الوظيفه اهم حاجه الأخلاق ..
karmen
08-30-2009, 02:54 PM
سوررررررررررررررررررى
عندى اعتراض للأسف
وبعقلانيه ومنغير تحيز ولا عاطفه
المستوى التعليمى شئ مهم جدا ويعتبر من أساسيات قيام حياه زوجيه ناجحه
فى 90 % من الحالات ودى دراسات علم النفس بيكون السبب الرئيسى للطلاق
هو ان الرجل بيكون مستواه التعليمى منخفض عن المرأه
لو كانت الست هى اللى مستواها التعليمى اقل بتكون النسبه بسيطه للطلاق حوالى 20%
أما العكس فبتبقى النسبه رهيبه
فيا فرحتى
عشان الناس متقولش عليه عانس أسمحلهم يقولوا عليه مطلقه
لا بصراحه انا عندى عانس احسن من مطلقه
المستوى التعليمى والتكافؤ فى كل شئ أهم حاجه لقيام حياه زوجيه ناجحه
ولا حب بقى ولا غيره
البرنس الوحدانى
08-31-2009, 12:32 AM
كارمن اسمحيلى اعترض على كلامك
اوك عارف ان المستوى التعليمى ليه مؤثرات لكن المؤثرات دى احنا ال بنخلقها
يعنى الطلاق بيحدث لما المرأة هى ال تتعالى على جوزها بانها متعلمة اكتر منه وتتكبر عليه لكن لو تواضعت
صدقينى هتعيش حياة طبيعية ودة بالعكس جوزها هيحترمها اوى لان هى متواضعة مع انها اعلى منه

واحب اذكر مثال
ان خادم الرسول صلى الله عليه وسلم جوزله واحدة من عيلة كبيرة اوى
يبقى معنى كدة ان ده مش غلط والا الرسول مكنش عمله

تحياتى
karmen
09-01-2009, 02:58 AM
عليه الصلاة والسلام
بس مش عارفه يا علي
اسأل أى حد كبير
باباك مامتك عمك
شوف هيقولولك ايه في موضوع التوافق ده
التوافق في المستوى الاجتماعى والمادي والتعليمي ده شئ مهم جدا عشان تكون الزيجه ناجحه
التوافق هنا مش معناه التساوي أو التشابه التام
بس يكون حتى مستواهم قريب من بعض الى حد ما
يكونوا من نفس الطبقه الاجتماعيه او طبقتين متقاربتين
الحاله الماديه تكون متقاربه
المستوى التعليمى
الشكل
يعنى ميكونش واحد قمور جدا ويتجوز واحده وحشه جدا
أو العكس
لازم تقارب في كل شئ
وبكده يضمنوا حياه ناجحه
وطبعا التوفيق ده من عند ربنا
بس هما يعملوا اللى عليهم والباقى على ربنا
لو مكتوبلهم حياه سعيده اوكى
مش مكتوب يبقى اوكى برضو
mahmodsalama
09-02-2009, 12:14 PM
اولا اشكركم علي الردود صدقوني انا اعرف مهندسات وطبيبات متزوجات من من ازواج من غير شهادات او دبلومات