قصيدة رثاء لحال الزمالك.....؟؟؟؟ [الأرشيف]

yousef eldeep

11-24-2009, 02:58 AM

من جماهير الزمالك الي لاعبي الزمالك

الزمالك بيضيع مني *** شايفه لكن غصب عني
روحي مني بيخطفوها*** والدموع بتجري مني

اة ياقلبي لو يحسوا *** بالجراح اللي انت فيها
كانوا خاللوا التلج يغلي *** اللي في قلوبهم عاميها
كان زمانها الدنيا ضحكت *** والفرح يفضل ماليها
مش يخلوا الناس دي تشمت *** والفرح جوا فعنيها
واللي ما يسوي ويسوي*** يضحك الضحكة يداريها

الزمالك بيضيع مني *** شايفه لكن غصب عني
روحي مني بيخطفوها *** والدموع بتجري مني

اة يا قلبي مين هتشكي ! *** اللي ياما دافعت عنهم
لما كانت ناس بتهجم*** وانت تجري ترد عنهم
اللي خلوا عنيك بتبكي*** انت شوفت الويل عشانهم
التاريخ شاهد عليهم *** الفلوس عمت ضميرهم

الزمالك بيضيع مني *** شايفه لكن غصب عني
روحي مني بيخطفوها *** والدموع بتجري مني

اوعي تبكي يازمــــــااالك *** انت شامخ انت عالي
اللي خانك يوم هيندم *** واللي باعك بيعه عادي
لو هتكسب لو هتخسر *** لو هتنزل الف وادي
احنا جامبك مش هنسكت *** عاللي خاين واللي عادي

قوم واصرخ فينا اصحوا *** فوقوا وامسكوا الايادي
كلمه قالها ليا جدي *** ويوم هقولها انا لولادي

الزمالك نبض قلبي *** الزمالك إســـــــــم غالي

يارب ترجع يازمالك

asf hell

11-24-2009, 03:51 AM

لازم تيجى على الجرح
روح يا شيخ ومتجيش تانى

admin

11-24-2009, 05:43 AM

ايه ياعم يوسف

بس حلوه تسلم ايدك

ELMAGIC MHE

12-01-2009, 02:37 AM

ايه الحلاوه دي يا يوسف انت باقيت تكتب اشعار من ورايا

amira abdo

12-01-2009, 03:05 AM

جميله ياسوف تسلم ايدك بس يارب تاثر ف الزمالك بس تسلم ايدك يايوسف جميله بجد