المساعد الشخصي الرقمي

مشاهدة النسخة كاملة : ارسم ايه؟؟؟

samir aboraia
04-16-2008, 11:47 AM
سهران أنا وزمايلى
ف اسطنها مش ف الوايلى

قالولى ياسمرة ارسم
وفكر ف ايه بتحلم
وأوعاك ف يوم تندم
مادام مش عاوز تتكلم

مش عارف ارسم ايــــه

ارسم شمس هادية
ولاارسم ضحكة صافية
طيب ارسم نجمة باكية

القمر غطى عليه

ارسم حبيبة مستنية
همومها ف شيكارة متعبية
مش فاضل ف عمرها بقية

ضاع العمر منك ليه

ارسم موجة غضبانة
من قسوة الناس زهقانة
بتضرب رملة بحر عطشانة
ولاارسم واحدة من حبيبها زعلانة
خدعها وسابها لنصيبها ندمانة
ونهايتها بين الدروب حيرانة

(تحب ترسم انت ايه)
Edgar_Allan_Poe
04-19-2008, 10:07 AM
أرسم حلم ..مهم ..
زى الأستيكا ..
امسح بيه الهم
تبقى الحياة مزيكا
ونعيش ..بس نعيش
فى امان فى بلدنا
ومفيش شاويش
جربان ..
يجى يختمنا
ونكون احرار ..
زى الشطار ..
ميكنش حمار
هو اللى حكمنا

آه يا وطنى ..



كلـــــــــــــــماتك جميلة
تسلم اديك
sahe2006
04-19-2008, 11:32 AM
ارسم الفرحه بوجهـي واخفـــي الاهات فينــي
ماابـي همي وحزنـي يجرح احساس الخلايـق

من سمع قصة عذابي هـــل دمعه مــن أنينـــي
بمظهري خلني سعيدٍ واخفي في نفسي الحقايق

آه يــاوقتٍ مضى لـــي كله افـــراح وحنينــــي
وآه يا خـــلٍ تركنــي وشب فــي قلبــي حرايـق

حظي العاثر بـوجهـي ويــن ما ارحــل يبينــي
ودنيــتـــي كلها نكــــاده والسعاده لـــي دقايــق

يـا حبيبي ويــن حبك ويــن عهدك يـا ضنيني
خنت عهدي وانا دايم فيك ما خـــون الوثــايـق

كنت اضنك ليَ صادق كنت اضن بانك تبيني
انـا بــي الاشواق تذبــح وانت مرتــاحٍ ورايـق

يا حبيبي عنك ابرحل لو خفوقي بـك سجينـي
كيــف أببقا ويــّا شخصٍ بالهوى دوم يتضايـق

اظهر البسمه بوجهي واكتـــم الآهــات فينــي
ما ابي همي وحزني يجـرح احساس الخلايـق



مبداع كلمات راااااائعه تسلم اناملك
admin
04-19-2008, 01:26 PM
الله عليك ياعم سمير


بجد


بس سيبك انت

يترسمنى او ترسم المنتدي
samir aboraia
04-20-2008, 11:09 AM
نفسى أرسم ناس
مزروع فيهم احساس
وتكون مقابلتهم حلوة
ويقولو لو حتى كلمة
ينفع تتغنى غنوة
ولاييجى يوم عليهم
يقفلو قلوبهم بالضبّة والترباس
samir aboraia
04-20-2008, 11:14 AM
admin
تشرفت حقاً بقلمك المدون على صفحتى
لاتحرمنى من طلاتك

sahe2006

لاتحرمنى أخى من نزف قلمك

وف انتظارك دوماً لتشريفى


edgar

ليس هناك أجمل من كلماتك

حقاً تشرفت بك
Silver
04-20-2008, 08:31 PM
أرسم ليك رد جميل

أبدى فيه إعجاب كبير

ممكن ميكونش ليه تأثير

بس مواضيعك عجبانى يا كبير



مشكور ياعم سمير على الموضوع الجميل ده
samir aboraia
04-21-2008, 11:48 AM
ارسم مراقب رخم
ليل نهار يقول إحم
ماسك علينا اللجنة
فكها بقى وفرحنا
سيبنا ننقل إجابة
ده احنا ياعم غلابة
ده انت مراقب بجد رخم



بمنــــــــــاسبة الامتحانات

silver
مشكور أخى العزيز على مرورك وردك الكريم

كن بخير
THE KING
06-30-2008, 07:46 AM
ارسم عيونك يا جميل
ملاك الروح
08-05-2008, 06:41 AM
بجد كلامات جميله اوي
تسلم يا samirبس حلوه بتاعت المراقب الرخم
samir aboraia
09-06-2008, 11:57 AM
the king
متشكر جداً على كلامك

ملاك الروح

انتظرونى ف قصيدة زجل جديدة
ومشكورة على ردك
karmen
07-14-2009, 03:24 AM
ولاارسم واحدة من حبيبها زعلانة
خدعها وسابها لنصيبها ندمانة
ونهايتها بين الدروب حيرانة

كلمات رائعه
وكل كلامكم جميل اوى تسلم ايدك سمير
وكلام ساهى وادجار كمان حلو اوى
mahmodsalama
08-15-2009, 01:30 AM
ارسم شمس هادئة ممتازة