منتدي q8-one.com - موضوع يهم كل بنت

http://www.egylovers.com/pic/bsm-allah.png

http://www.maktoobblog.com/userFiles...re9koxe0zc.gif

الموضوع دة حقيقى يا جماعة

ويهم كل البنات

http://www.yesmeenah.com/smiles/smil...%281327%29.gif

خلينا نتفق الأول ان موضوع الجواز و العرسان و تأخر الجواز ده موضوع حساس جدا..

وصعب جدا انكوا تلاقوا حد بيتكلم فيه بصراحة..خصوصا بالنسبة للبنات....

لأن اللي بتتكلم فيه بصراحة يا إما بيتبصلها على إنها بنت مش كويسه
..يا إما على انها مسروعة ع الجواز .
.يا إما على انها بارت و مش لاقيه حد يتجوزها..عشان كده تلاقوا بنات كتير بتقول ..
جواز ايه بلا نيلة ..يعني هم اللي اتجوزوا كانوا خدوا ايه...انا قاعده في بيت أبويا معززة مكرمة ,ايه اللي يخليني أروح أتبهدل مع حد ماعرفوش..أنا ما بافكرش في الجواز دلوقتي لما أبني مستقبلي
أتحدي ان أي واحدة فيهم مايكونش طموحها الأول انها تبقى زوجه وام .
http://www.yesmeenah.com/smiles/smil...%281327%29.gif

نتفق بقه على أسس تانية مهمة ....عدد البنات في مصر أكبر من عدد الرجاله

دي نقطة أساسية مش عايزة أي حد يناقشني فيها ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38..

http://www.yesmeenah.com/smiles/smil...%281327%29.gif

موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف .ما علينا ده موضوع تاني..بس أي حد بيدرس أو درس في أي كلية في جامعات مصر هيلاحظ ان عدد البنات في أي كلية أكبر من عدد الولاد .
http://www.yesmeenah.com/smiles/smil...%281327%29.gif

نقطة تانية ..الرجالة بقوا حاسين بنفسهم و بيتكبروا على خلق الله من البنات ( يقعدلهم في عينهم و عافيتهم يا رب ) و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم ..طب بص لنفسك يا خويا في المرايه الأول ..طب بلاش بيقولوا الراجل مايعيبوش الا جيبه ..طب ورينا كده و ادخل في ايدك انشالله علبة ملبس ..ألا لأ البعيد هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم

http://www.yesmeenah.com/smiles/smil...%281327%29.gif

لأ و الأفراح ..نككككتة..زمان كنتوا تشوفوا في الأفلام العربي أي بنت تدخل فرح و هي لابسه شيك كده شوية ..يتلموا عليها الشبان و يبقوا عايزين ياكلوها .. و ما تخرجش م الفرح إلا بعريس..دلوقتي نفس التجمعات بس بالعكس ...تلاقي كل أم قاعده هي و بناتها مراقبين الشباب و ياويله اللي يعدي جنبهم...طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا

طبعا الواد يا إما بيطلع يجري ..يا إما حد من صحابه بياخد باله م الكمين اللي وقع فيه ويجي ينقذه على أساس في حد عايزة و كده

http://www.yesmeenah.com/smiles/smil...%281327%29.gif

طبعا ده غير اللف اللي بيقعدوا البنات يلفوه حوالين العروسة عشان يبقوا واضحين لكل اللي في القاعة من كل الجهات ..و لما بيقف اللف تلاقيهم يزقوا في بعض أو يعملوا انهم بيعدلوا للعروسة فستانها أو طرحتها عشان يطلعوا في الفيديو..و يحاولوا يطلعوا في أكبر عدد ممكن من الصور ..يمكن يعجبوا حد و يتكل على الله و ينشلها من عالم الآنسات
http://www.yesmeenah.com/smiles/smil...%281327%29.gif
الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها
http://www.yesmeenah.com/smiles/smil...%281327%29.gif

دلوقتي الكورة بقت في ملعب البنات

طب البنات يعملوا ايه...ده غير العداد اللي بيعد من أول ماتتخرج من الجامعه ...يعني البنت تعتبر بدأت تعنس من أول ما يعدي عليها سنتين أو تلاتة متخرجه و لسه ماتخطبتش

http://www.yesmeenah.com/smiles/smil...%281327%29.gif
بصراحة المجتمع اللي احنا عايشين فيه و اللي بيقيم البنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت انشالله واحده عندها 18 سنة

http://www.yesmeenah.com/smiles/smil...%281327%29.gif
و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها

http://www.yesmeenah.com/smiles/smil...%281327%29.gif

يلا مش عايز حد من البنات يطلع فوق السطح ويقول طلعت فوق السطح هز الهوا كمى كل البنات اتجوزت وانا قاعده جمب امي

http://www.maktoobblog.com/userFiles.../animal001.gif
:::
:::::
http://www.maktoobblog.com/userFiles.../images/80.gif