اسف!!!!!ليه هو انت دوست على رجلى من غير ما تقصد؟؟؟
 

　
اسف لية هو انت دوست على رجلى؟؟؟؟؟؟؟؟؟

كانت نازلة على السلم والدنيا كحل ف وشها

وهو قابلها على السلم وقالها :

انا اسف


ردت وقالتله : على ايه هو انت دوست على رجلى من غير ما تقصد ؟!!


انا بتكلم على مين بقي ؟



انا بحكى على منى زكى وكريم عبد العزيز

ف مشهد من فيلم اضحك الصورة تطلع حلوة


ايه بقي الموضوع ؟

ولا اي حاجه

القصة انهم كانوا بيحبوا بعض جدا وبعدين فجاة سابها وخطب واحدة تانية


ولما عرفت الخبر كانت مخنوقة وهتموت

لما شافها قالها : اسف

قالتله : على ايه انت دوست على رجلى من غير ما تقصد ؟!!





لما بتدوس على رجل واحد ف الشارع من غير ما تقصد

بيكون كافى ان احنا تقوله



اسف/ة

لكن لما تجرح حد بتحبه جرح كبير يا تري المفروض برضو

تقول نفس الكلمة ديه !!!



اسف/ة

وتقدر تقول بقى الاسف هيعمل ايه ؟

هيرجع الدنيا بمبى بعد ما بقيت كحلى مش عايز اقول سوده كمان ؟


ولا هينسينا الايام والذكريات وكل الحاجات ؟

كل واحد فينا كم مرة جرح او هان حد بيحبه

وبعدين رجع بكل سخافة وقاله اسف ؟


دا باعتبار ان الكلمة دى بتعوض الالم والليالى الحزينة

اللى الواحد ممكن يعيشها لو اتجرح من حد بيحبه ؟




كام مرة اتجرحت او جرحت حبيبك ؟

امك او ابوك او خطيبك او خطيبتك او جوزك

او مراتك او ابنك او بنتك او صاحبك او حتى اي شخص بجد ميستاهلش ده منك ؟؟

ورجعت وقلت



اسف !!


قدامنا 3 حلول

-1-

يااما نعزل نفسنا عن الناس لانحبهم ولا نخليهم يحبونا

علشان اما نرجع نجرحهم مش نوجعهم

-2-

يا اما نفكر مليون مره قبل ما نجرح

-3-

او ندور على تكفير للى عملناه غير الكلمة دى


ياتري اي حل اسهل؟!!!ولا في عند حد حل رابع؟!!

لان ما ينفعش نساوى الدوس على الرجل من غير قصد مع جرح

القلب ولا ايه

ياه يا ميمو
فعلا الفيلم ده انا كل ما بشوف اللقطه دى فيه بحس كده بحاجه غريبه
صحيح ليه هو انت دوست على رجلى
ازاى اسف
مينفعش اسف مع الجرح
واسف بتاعتك دى هتعملى ايه ان شاء الله
بصي يا مانوللى
انا عندى حل رابع غير الحلول التلاته دول
انا بقول الناس تستحمل ومتبقاش حساسه زياده عن اللزوم
سمعتى
ليه تشكى وتلوم الناس
ليه تبكى وتكون حساس
تفكيرك محتاج تغيير
الدنيا ابسط من كده بكتير
احنا مش هنقدر نمنع الناس من انهم يجرحونا
لكن نقدر نأقلم نفسنا اننا ميهمناش الجرح ده
انا عن نفسي اقنعت نفسي بشئ
ان مش هيأثر فيه بعد كده جرح اى انسان
ومش هيهمنى اى شئ
ولا هعمل اعتبار لأى حد جرحنى ولا هتأثر
ايه رأيك بقى في الحل الرابع ده؟؟

ميرسي ليك محمود عالمرور والرد
بس ليه بتحسسنى انك بتقولهالى هههههههههههههههههههههههههههه

بصى هو اكيد منقدرش نمنع نفسنا اننا نتجرح
بس حكاية اننا نأقلم نفسنا مع الجرح دى صعبة شوية
بالسهولة اللى انتى متخيلاها اكيد
صعب اوى ان الانسان يكون مجروح ويحسس نفسه ان عادى والدنيا ربيع مفيش مشاكل
زى ما قال محمود


الاحساس نعمة

بس باردو لازم نحاول ننسي جروحنا
ميرسي كارمن عالمرور

اعتقد يا اسامة ان اللى بيجرح بيكون متهاون اوى بالكلمة دى
لكن المجروح هو اللى بيحس اوى انها صعبة

ميرسي لمرورك