منتدي q8-one.com - تحب تتصدم والا تتجرح

الصدمة اهون والا الجرح ؟

بصراحة انا من رائيي ان الصدمة اهون
اصل لما تتصدم في حد انت حبيته بتفوق يعني الصدمة بتفوق لكن الجرح بيموت
الصدمة بتيجي في الراس زي لما تمشي في الشارع ماتخدش بالك ان عمود قدامك اول حاجة بتتخبط هيا راسك وبعد كدة بتاخد بالك من الطريق مابترداش تبص جمبك تاني
نفس النظام في الحب
لما بتتصدم مخك بتجيلة حالة غريبة بتخليك لما تصدف حب تاني بتحاول تتجنب اللي حصلك في الحب الاول

لكن الجرح صعب صعب صعب قوي
لما تتجرح في حد انت بتحبه قلبك بينهار لان الجرح بيبقي في القلب من في الراس

زي برضه لما تتعور في ايدك ويتفتح الجلد وينزل دم بس على الاقل الدم بيبقي بارد مش بتحس بيه وحتي لو عدت السنين عليك واثر الجرح راح لو ابنك اتعور في نفس المكان هاتفتكر ان في يوم من الايام انت كمان اتعورت هنا

نفس النظام في الحب
بتتتجرح في قلبك وبيفضل قلبك موجوع مش بتقدر تنسي وكمان مش بتنزل دم انت بتنزل دموع ***نة قوي قوي قوي قوي انت بتحس بسخونتها وهيا نازلة
فما بالك بقلبك وهوا بيدمع من جوا وبينهار وبيقضي على اي احلام ليك ويخليك تكره نفسك وتكره الدنيا كلها

طبعا انا افضل لا دي ولا دي
بس لما تتصدموا ماتزعلوش صدقوني الصدمة دي مهمة في الحب قوي بتعلم حاجات كتييير مش هاتعرفها غير لما تجرب الصدمة