الله يسامحك هتحمل جرحك
إزاى نسيت قلبي ونسيت هوايا
ضيعت ليه حبي وكل الحكايه
الله يسامحك ياللي كنت ف يوم حبيبي
الله يسامحك وإنت ليه إخترت النهايه
وهان عليك تجرح أغلى حبايبك
وإخترت ليه تبعد عن قلب حبك
إنت اللي إخترت الفراق ونسيت غرامنا
وإنت اللي ضيعت الهوا وإنت منايا
وإشهد يا قمر الليل مين اللي باع
وفات ف قلبي الويل فاتني للضياع
الله يسامحك هتحمل جرحك وأنسى الماضي وأرتاح
ضيعت معاك أحلامي
وإزاي هانت أيامي
ولا هقبل أرجع تاني هبعد عن أي جراح
كسرت قلبي بقسوتك علشان بسامح
وكتير بصدق دمعتك وأبدأ وأصالح
يا ما إتخدعت ف رقتك علشان بحبك
وأنسى الألم وأنسى العذاب يا أبو قلب جارح
راضي بحكم الهوا راضي بنصيبي
ومهما تقسى وتظلم إنت حبيبي
والله يسامحك هتحمل جرحك وأنسى الماضي وأرتاح
ضيعت معاك أحلامي
وإزاي هانت أيامي
ولا هقبل أرجع تاني هبعد عن أي جراح
دي أغنيه لمحمد الشربينى
عجبتنى فجبتلكم كلماتها
قولولي ايه رايكم فيها
وقولولي كمان يا ترى تقدروا لو حد جرحكم تسامحوه وتتحملوا جراحكم
وتعيشوا حياتكم
ولا مش هتقدروا تسامحوه أبدا والجرح هيفضل يسيل؟؟
|