انت حر ما لم تضر !!!!!

[mahmodsalama]

بسم الله الرحمن الرحيم

حر ما لم تضر ......نعم انت حر ولكن للحريه حدود وهكذا تعلمنا فى المدارس وتربينا عليها فى المنازل وطبقناها فى المساجد ودور العبادات .....

ولكن ظاهره انتشرت فى الفتره الاخيره وهى (((التحرش الجنسى ))) ووصلنا الى ما لايحمد عقباه

والسؤال على من تقع المسئوليه ؟؟؟؟ ومن المسئول حتى تتم محاسبته؟؟

والاجابه من وجهة نظرى المتواضعه::::::::

افتقدنا الوازع الدينى مما ابعدنا عن تعاليم ديننا ..
.وسائل المواصلات المزدحمه " لان يطعن فى راس احدكم بمخيط من حديد خير له من ان يمس امراه لا تحل له"
جرائم اللسان من الفاظ وعبارات "وهل يكب الناس على وجوههم فى النارالا حصاد السنتهم"

البنات :::: بما يرتديه بعضهن من الملابس الضيقه والشفافه والكاشفه

غياب التربيه فى المنزل المصرى:::::فدور كثير من البيوت فى التوجيه صار معطلا بسبب استغراق الاب والام فى الركض وراء توفر متطلبات الحياه من خلال العمل فى الصباح والمساء

غياب التربيه فى المدارس :::: فاين القدوه واين المربى الفاضل الذى اصبح همه اليوم الدروس الخصوصيه لزيادة دخله المادى فلا حصلنا لا على تربيه ولا على تعليم

بعض الفضائيات ووسائل الاعلام ومواقع الانترنت :::تبث المفاسد فاين الرقابه عليها ؟؟

غياب امن الشارع المصرى ::ادى الى ضياع هيبة القانون المصرى والامن العام فلا قانون يطبق بدون استثناء
ولا شرطه تحمى نظاما بدون مخالفات ,,,,فاين الشرطى المصرى الذى كنا ننام فى حماه ليلا ونعيش فى احترامه نهارا

الحاله الاقتصاديه تفقد الامل فى الشباب فى الارتباط الحلال فى ظل البطاله والغلاء

فلابد من علاج اوجه القصور والا فسوف نصل الى ما لايحمد عقباه ويجب ان يتكاتف الجميع للعمل على اعادة التربيه والحفاظ على القيم والمبادئ الرشيده

يجب على كل شخص ان يضع نفسه موضع كل بنت وكل سيده وهل يرضى على نفسه ما سوف يحدث لهن ؟؟؟؟
ويبقى السؤال ..... هل الحريه هى التى ادت الى هذه الظاهره؟؟؟ ام نحن من نفهم الحريه بطريقه خاطئه ؟؟؟؟

[karmen]

الحاله الاقتصاديه تفقد الامل فى الشباب فى الارتباط الحلال فى ظل البطاله والغلاء

فلابد من علاج اوجه القصور والا فسوف نصل الى ما لايحمد عقباه ويجب ان يتكاتف الجميع للعمل على اعادة التربيه والحفاظ على القيم والمبادئ الرشيده

يجب على كل شخص ان يضع نفسه موضع كل بنت وكل سيده وهل يرضى على نفسه ما سوف يحدث لهن ؟؟؟؟
ويبقى السؤال ..... هل الحريه هى التى ادت الى هذه الظاهره؟؟؟ ام نحن من نفهم الحريه بطريقه خاطئه ؟؟؟؟


لا طبعا احنا اللى فاهمين الحريه بطريقه غلط جدا
الحريه اصلا هى الامل المنشود لكل الشعوب والكائنات
الحريه هى الميزه التى فضل الله البشر بها
يبقى ازاى نقول ان الحريه غلط
لا احنا اللى غلط
وزى ما بتقول دايما يا محمود
نعيب زماننا والعيب فينا وما لزماننا عيب سوانا
ميرسى عالتوبيك

[mahmodsalama]

شكرا علي الرد يا كارم

[follow me]

اولاّّ
موضوع جميل جداّ يا حوده

ثانياّ

الوعى الدينى فعلاّ بقى عمله نادره .. و قليل اللى بيسعى وراه عشان يحصن نفسه ضد اى مخاطر بنتعرضلها
يعنى الشباب بدل ماهو مش لاقى شغل و مش عارفين طبعاّ دى مشكلتهم ولا مشكله البلد .. اياّ كان يعنى
الشباب دول لو بيفكروا ازاى يخلوا حياتهم كويسه .. هيلاقوا بدل الحل 10 حلول .. و خصوصاّ لو اتقربوا من ربنا و خلوا العلاقه بينهم و بينه سبحانه و تعالى تبقى كويسه و مفتوحه و مفيهاش حدود

التحرشات بقى اللى فى المواصلات دى .. بقت ظاهره و مش عارفين حلها ايه
البنت تركب مع السواق و لو لقاها لوحدها يطلع بيها على اى مكان او يكلم حد من صحابه يقوله معايا فريسه
قال يعنى عازمه على العشا .. و يا سلام لو شاب نازل من الميكروباص و فى بنت قاعده على الكرسى جنبه
متحلاش التعديه غير من الناحيه بتاعتها .. قال يعنى بياخد بركه منها .. و ناسيين ان لينا اخوات بنات و لينا امهات و لو ملناش هيبقى لينا زوجه و اولاد و اللى اعرفه بقى

كمــا تدين تدان

بخصوص الشرطى المصرى بقى .. نقدر نقول رحمه الله
الا قليلين منهم يعنى

دلوقتى حضرتك الشرطى ده ممكن بدل ما يحرس البلد يحرسك وانت بتقضى اى مصلحه
ولا عزاء للشرفاء
:d:d

وسائل الاعلامـ ... مظبطه شباب البلد و بتمدهم بالمراجع القويه اللى تنفعهم فى الزمن ده سواء وسائل سمعيه او بصريه او ملموسه
\:d/\:d/\:d/
و الشباب ينسى الدنيا كلها قصاد التليفزيون و البلاوى اللى بتحصل فيه




كفايه بقى .. انا رغيت كتير
بس الموضوع فعلاّ يطول فيه الكلامـ