|
|
|||||||
| عالم ادم حوار هادف مفيد بدون تجريح |
|
|
أدوات الموضوع | إبحث في الموضوع | انواع عرض الموضوع |
|
#1
2009-02-19, 10:30 AM
|
||||
|
||||
اسكتو !!!!مش طلع كان عندنا مصاصين دماء
امبارح قلت اهدى نفسى شويه واتفرج على التليفزيون جبت فيلم على mbc2 وقلت اتفرج ومن حظى باه طلع عن مصاصين الدماء ال ايه بهدى اعصابى ماعلينا...الفيلم ياجماعه كان فيه مصاص دماء اسمه(ماريوس)وجد نفسه لوحده فى الحياه فقرر انه يختار ضحيه ويعضه ويكونوا سوى فى الحياه الابديه المهم اختار(ستاليت)وتفوق ستاليت على سيده واكتشف عنده فى بدروم تمثالين لملك وملكه(معلش اصبروا)سأل ستاليت ايه قصه التمثالين دول؟؟؟؟ رد ماريوس:: ---- دول ملك وملكه مصاصى دماء العالم واللى كانو بيحكموا فى مصر(اه والله زى مبحكلكوا كده)وكان الملك بيمص دم الشعب المصرى وفجأه زهق وقرر انه مش عاوز يمص دم الشعب تانى... (اكاشا) دى كانت الملكه قررت انها مش هتقدر تستمر فى مص دم الشعب من غير الملك وعشان كده دخلوا فى نوم عميق.... اه والله زى مبحكلكوا كده دى كانت قصه الفيلم ماعلينا بأه من الاحداث واللى حصل ده اللى لفت نظرى... فكرت والجنونه زنت وسرحت بيا واكتشفت: تصدقوا الشعب المصرى ده غلباااان اوى حتى مصاصين الدماء كانو بيمصوا دمه من الاف القرون ولحد دلوقتى مفيش حاجه اتغيرت لا وايه ملك وملكه مصاصى دماء العالم حكموا مصر.....شعب محظوظ محظوظ طب سؤال مهم بأه الملك زهق ورفض انه يمص الدم!!!! فى ناس بقالها 26 سنه ولسه مزهقتش لا دى هتسلمنا لولادها واحفادها على فكره (ليستات)قال ان فى مصاصين دماء عايشين وسطينا ومتخفيين ولا يعلنون عن انفسهم يعنى ممكن انا او انت ونكون متنكرين... المهم فكرت برضه وقلت تصدق انا اعرف مصاصين دماء فعلا عايشين وسطينا...خد عندك: (حبيب قلبى عز)ماصص دم الناس ياعينى واللى عاوز يبنى شقه يدفع تمن الحديد اللى هو اصلا تمن الجوازه كلها(بالمناسبه عامل اعلان جامده الشعار بتاعه حديد عز.........لشباب مصر هههههههه عسل والله) ها كل واحد يعرف مصاص دماء يقولى عشان نكشفه ميفضلش متنكر كده علطول....
__________________
افضل 15 مشارك   
|
| مواقع النشر (المفضلة) |
| الكلمات الدلالية (Tags) |
| !!!!مش, مصاصين, اسكتو, جمال, عندنا |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [صور] ديكور حمام ديكورات حمامات تصميم حمام اشكال صور حمامات 2010 | admin | ديكورات | 5 | 2010-08-13 06:26 PM |
| يامدرسين شوفتوا بيطلع عنينا ازاي | amira abdo | الصـــور ومقاطع الفيديو | 7 | 2010-01-26 07:33 PM |
| قطط جمال جدا | دبدوباية | الصـــور ومقاطع الفيديو | 0 | 2010-01-21 11:05 PM |
العرض الشجري