بسم الله الرحمن الرحيم
السلام عليكم
موضوع جميل جدا انا قررت اتبناة وبعتبرة مشروع حياتى
الاول اكيد اكتر الناس هتقول ان القسم دة مش مكانه بس ممكن محدش يدخل القسم الاسلامى
المهم انا مشروعى ان اللى نفسه يصلى بس مش قادر او فيه عقبات بتخليه مش بيصلى المهم انه مش بيصلى وخلاص ....اكيد كل واحد فينا من جواة نفسه يبقى كويس ونفسه يبقى احسن واحد عند ربنا ويكاد بيحسد العلماء والدعاة على انهم قربين من ربنا ونفسه يقتدى بالرسول صلى الله عليه وسلم ......وبعض الشباب احيانا بيعدوا مع نفسهم وبيكلموا نفسهم هو انا امته هصلى والتزم بالصلاة دا انا بكبر فى السن والعمر بيعدى بسرعه طب ازاى هقابل ربنا وهقوله ايه لما يسالنى ليه مكنتش بتصلى ودة اول حاجه هتحاسب عليها ......بس للاسف احنا بتقابلنا مشاكل كتير اوى زى ان مفيش فلوس ومفيش شقه للزواج ومفيش مصاريف تخلى الواحد يقدر يتجوز ويعيش ومفيش شغل ومفيش ومفيش بس احنا بننسا ان فيه حاجه اسمها صلاة وصبر وهما دول اللى هيحلوا لينا كل مشاكلنا كلها بس المهم ناخد الخطوة الاولى وهى"الصلاة" لانك لو صليت والتزمت بيها يبقى خلاص كل حاجه اتحلت وعلاقتك برينا هتتطور ويبقى افضل وافضل .
طب ايه الحل للى مش بيصلى ؟؟؟؟؟؟
الحل عندى باذن الله بس واحدة واحدة واللى خلانى اعمل الموضوع دة انى والحمد لله بصلى وملتزم بيها جدا من زمان مع العلم انى مش منضم لاى طائفه ولا اى جماعه من الجماعات المعروفه كل الحكايه انى بصلى من غير اى انتماء سوى انى "مسلم" وعلى فكرة بغلط وبعمل ذنوب بس بتوب لربنا وبرجعله وبيتوب على واحيانا بيراودنى حوار ان الشطان بيوسوس لى للذنوب وبعمل الذنب بس بقول انا ربنا هيتوب على اما الشطان فدة داخل النار داخلها وعمر ربنا مهيتوب عليه علشان كدة املى فى ربنا كبير جدا ومتفائل خير بالجنه وبنعيمها
اسف على الطاله
المهم اى حد مش بيصلى يقول ومينكسفش لاننا هنا اخوات ومش عاوز حد يرد على الموضوع ويقولى شكرا وكدة
لا دا عاوزكم تقولوا انكنتم بتصلوا ولا لا ولو فيه حد مش بيصلى يقول وانا باذن الله معاة واحدة واحدة من غير تعقيد
بس بشرط اللى هيقول انه مش بيصلى يوعدنى فى الرد انه هيصلى الفرض اللى جاى من الخمس فروض ودى اول خطوة
يا جماعه متخفوش الحقوا نفسكم قبل ميصلوا عليكم
الحكايه سهله جدا والله بعد كدة هتبقى عادة وعمركم مهتسبوها صدقونى
يلا يا شباب خلينى اساعدكم يلا
منتظركم باذن الله
والسلام عليكم ورحمه الله وبركاته
