سلمى واللا كارمن؟؟؟

[كابتن مهاب]

أنا عندى سؤال محيرنى لازم كلكم تجاوبونى عليه
ازاى كلكم مهتمين بواحده يدوبك لسه مسجله فى المنتدى مبقالهاش شهرين وواحده تانيه فى المنتدى من أول ما ابتدى كان المفروض ان هى اللى تحظى على اهتمامكم كلكم
فى أعضاء كتير هنا من أول ما المنتدى ما اتعمل وأعضاء بقالهم فيه سنه وأعضاء بقالهم 7 و 8 شهور
ازاى تنسوا دول كلهم وتهتموا بواحده مبقالهاش شهرين
ازاى اعتبرتوها أختكم وعضوه محبوبه على قلبكم بالسرعه دى
لازم تختاروا دلوقتى يا سلمى يا اما اللى اسمها كارمن دى؟؟
لازم ترجعوا لعقلكم ومحدش يهتم بكارمن دى
بصراحه انسانه تغيظ ايه كمية المشاركات والحاجات دى
هى عايزه تخطف الأنظار بأى شكل
أنا بقولها بلسان أعضاء المنتدى كلهم
لا متحاوليش سلمى هى الأساس بردو
وانتى كلها كام شهر والناس هتنساكى
مستنى مشاركاتكم باختيار سلمى كأحسن عضوه
وبطلب من الاداره تسحب منصب الاشراف من كارمن دى عشان هى مش كفء للمهمه دى ومتستحقهاش

[karmen]

أنا أسفه أوى
مكنتش فاكره انى عضوه تقيله على قلبكم أوى كده
لدرجة انك تكلف نفسك وتكتب موضوع باسمى تنتقدنى فيه
أنا مش هقدر أقول حاجه
no comment

[eima]

هههههههههههههههههههههههههههههه

بجد أنا من الصعب أنى أضحك والاخ ده ضحكنى .

للعلم كارمن ده مالوش الا التفسيرات دى .

1 / أن ده مقلب من حد صحبك ، ت بس ده مقلب بايخ .

2 / العضو ده مشركاتة ما عملتش ال 10 حتى يعنى مش متابع المنتدى من قريب لا ده من زمن وعارف كل اللى فيه يبقي ده حد من المنتدى هنا بس داخل بيوزر تانى .

3 / لو عدو والله يبقي فى مصلحتك لأن ممكن تستفادى أكتر من الصديق فالعدو يكاسرك بالنقد ولا يجاملك كالصديق فتطلع عيوبك والعدو ينافسك فيشد همتك أكتر على طلب الكمال والمبادرة الى أشرف الخصال ولاعدو يتشفى بوقعتك فتصبرى فتحصلي على اجر ثواب الصابرين والعدو يخبرك بنقصك فتتلافيه والعدو يخبر الناس بخطئك فيذيع لكى شهرة وأجر وذكراً وكلما خمل ذكرك فتش عنك عدوك وأعلن أسمك والعدو يترصدك فيجعلك مستيقظة دائما لما تفعلية فيظهر لكى بريق يراها الغافلين عنك والعدو ربما يضيقك فيكفر عنك سيئاتك فهو مصيبة تؤجرى عليه أذا صبرتى عنه والصديق فى الغالب تثقي بيه وتفشي له سرك ويطلع على خفيا عيوبك ويحصى أخطائك ليوم الحاجة ويعد غلطاتك يوم الانتقام ويدرك ضعفك وتقلباتك ثم هو المجامل وربما كتم النصيحة وضيع عنك الوقت ( فهو سم فى عسل ) .
أنا كتبت كدا عمتا للدنيا يا كارمن مش على الموقف ده فلو كان صديق يبقي فهمتى اقصد ايه منه ولو كان عدو يبقي كان فى صالحك .

4 / وكلامى ده موجه للأخ اللى كاتب ( أتقي الله ) .

5 / كارمن أظن أنا داخل المنتدى مبقاليش شهر والحمد لله عامل جو يعتبر ربع جوك اللى أنتى عملاه والناس هنا حباكى جدا وفعلا لو ماكنتيش فى المنتدى كان هيبقي مهجور من الردود مش منظر ولا حاجة ويا ستى نهاية الكلام ( الكلاب تعوى والقافلة تسير ) ( حادثنى السفية أبيت أن أكون له مجيبا فزداد سفاهتا وحقد وزدت أنا عطرا وطيبا ) ( ولا تحسبن غدر الزمان أذا صاحت الكلاب على جثث الأسود فأن صحت فالكلاب كلاب والأسود أسود ) .

[Silver]

ومن أنت لتتكلم ؟!!

ومن أعطاك الحق لتتكلم أصلاً ؟!!

وعلى أى أساس تتكلم بلسان أعضاء المنتدى ؟!!


فكل كلامك هنا ليس له أدنى أهمية

وهى محاولة دنيئة للإيقاع بين الأعضاء

فماذا يفعل أصحاب القلوب الضعيفة تجاه الناجحين ؟!!

محاولة فاشلة منك ... ولن تجدى بأى نفع

"لم يبقى فى الناس إلا المكر والملق

شوك إذا لمسوا إذا رمقوا"


وأحب أقولك : أن إحنا هنا كلنا أخوة

فليس مجرد أنه منتدى يجمعنا

بل أكبر من ذلك بكثير " شئ كبير على الأغبياء مثلك أنهم يفهموه "

وهذه المواقف هى التى تزيدنا حب وصداقة أكثر وأكثر

((فجزى الله الشدائد عنا كل خير عرفتنا عدونا من صديقنا))


وأحب أن أضيف أن كارمن أو سلمى كلهم هنا أخواتنا

وكل منهما له صفاته ومميزاته التى تميزه

وهما محبوبين من الجميع وبيحبوا بعض أكيد

وطبعاً مش محتاج أعدلك وأقولك أن بنوتات المنتدى كثر

تقدر تشوفهم بنفسك من الإحصائيات

أدعوا الله أن يزيد محبتنا ويبعد عنا كيد الحاقدين



وحاقد ومثير للفتن مثلك لا مكان له بيننا

وعليه مبروك عليك حظر عضويتك

ونقولها دائماً لأمثالك :

" الكلاب تعوى والقافلة تسير "




-: ملحوظة :-

سأترك الموضوع هكذا بدون تحريره أو نقله إلى السلة

لكى يراه الجميع ويعلم مدى الحب بيننا

ويكون درساً لمن يأتى بعدك

وسأكتفى بغلقه فقط

والله المستعان