منتدي q8-one.com  

العودة   منتدي q8-one.com > ۝ المنتـدى الــعـــام ۝ > اضحك من قلبك

اضحك من قلبك تعالوا نفك عن نفسنا ونفرفش

إضافة رد
 
أدوات الموضوع إبحث في الموضوع انواع عرض الموضوع
  #1  
قديم 2008-08-25, 09:00 AM
الصورة الرمزية كونان
كونان كونان غير متواجد حالياً
 
تاريخ التسجيل: Feb 2008
الدولة: مصر
المشاركات: 359
كونان is on a distinguished road
Love(الماجيك) وصية حسني مبارك......لعائلته!!!!!!!!!!!!!!!!!!

التفت الأسرة حول فراش الزعيم وهو يلفظ أنفاسه الأخيرة




.... قال الزعيم بصوت ضعيف ولكنه حازم فى نفس الوقت


حسنى: كلكم موجودين


سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين


حسنى: طب إسمعوا اللى حقوله كويس


جمال: سامعينك يابابا ... إتكلم


حسنى: مصر دى كنز.. ياولاد ... إمكسوا فيها بإيديكم وسنانكم بنسرق فيها بقالنا سنين وسنين ولسه بتدينا


علاء: هيا دى البركة اللى بيقولوا عليها يابابا


حسنى: أيوه يابنى .... ربنا يبارك لكم ولعيالكم فيها .... ودلوقتى


علاء: إنته على الهوى يابابا ..... إتكلم


حسنى: أنا مش مديون لحد ياولاد ..... يعنى أى واحد يصيع عليكم


ويقول لكم أبوكم كان مستلف منى فلوس تفوا فى وشه على طول


علاء: إطمن يابابا ..... حرامى على حرامى ما يلعبش


حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض فلوس متلتلة متتعدش


مش حقول لكم حافظوا عليها وبس لآلآلآلآ ... زودوها كمان وكمان لاجل ما روحى ترتاح وأنا فى تربتى


جمال: هيا الفلوس اللى إنتا عملتها يابابا دى بتسميها فلوس
شفنى أنا وعلاء حنعمل إيه ولا صحيح حتشوفنا إزاى ..... عموماً ما تقلقش


حسنى : ودلوقتى إسمعوا وصيتى ..... الحكم لاولاد مبارك ... لازم أول ما جمال يحلف اليمين تغيروا إسم مصر وترجعوه زى ما كان زمان أيام الملك فاروق والملكة نازلى (المملكة المصرية)


جمال: مفهوم يابابا ..ز.. خش فى اللى بعده


حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً


علاء: مفهوم برده .... اللى بعده .... ياساتر ده إنته ملل


سوزان:عيب ياعلاء لما تكلم أبوك كده


علاء: بهزر ياماما
حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى


سوزان: هرم !!!!!!! ..... هو دى آخرة صبرى !!! ...... وده يسوى كام ده


!!!! علاء وهو يمسك بالألة الحاسبة : يسوى كتير ياماما .. لو تحبى أتصرف لك فيه ممكن يعمل معاكى مبلغ كويس سوزان: مش ح ارضى باأقل من التلات أهرامات وأبو الهول


حسنى: مش خسارة فيكى ياغالية


أثار النوبة لعلاء .....والأقصر لجمال


ودلوقتى نيجى للميه


الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى


سوزان: إنته أكيد مخبول ... مليار ونص دولار صدقة جارية على روحك !!!!


جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا


علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح


حسنى: أوعوا تفرطوا فى حبيب العادلى من بعدى يا ولاد .. حبيب قلبه ميت وإيده طرشه


وهوه ده اللى ينفع مع الغجر اللى هنا


جمال: بس ما بيعجبنيش شنبه يابابا


حسنى: إنته مالك ومال أم شنبه ..... إحنا بنشترى مجرم


جمال: أعاهدك يابابا إنى حخليه معايا ومش حفرط فيه أبداً


حسنى: الشيخ طنطاوى ياولاد راجل بركة ...... يمين يمين شمال شمال .... أوعوا تفرطوا فيه بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ


علاء: ولا يهمك يابابا ... حاخلى أنكل كمال الشاذلى يصلى عليك


حسنى: والله لو عملتها ياعلاء لكون متبرى منك إلى يوم الدين


علاء: بهزر معاك يابابا


أنكل كمال مش حافظ الفاتحة


حسنى: المشير طنطاوى ياولاد .... مش حوصيكم عليه . . . الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد


سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال


جمال: حاضر ياماما


حسنى: عايز جنازتى ياولاد الناس تحكى وتتحاكى عنها ...... هاتوا المخرج


الإيطالى ده اللى إسمه مكافيللى يصورها


علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا


حسنى: عايز أحلى مدفع يشيل النعش يا ولاد


جمال: مدفع رشاش


سوزان: الهزار مش فى الحاجات دى يا جمال


جمال: آسف يا ماما


حسنى: عايز أدفن فى شرم الشيخ ياولاد جنب أولمرت وشارون


علاء: بلاش كفر مصيلحة يعنى ؟


حسنى: لأ كلها براغيت ياعلاء ........ وإسم شرم الشيخ كمان.. أشيك بكتير





منقول
رد مع اقتباس
  #2  
قديم 2008-08-26, 03:20 PM
الصورة الرمزية nada minnie
nada minnie nada minnie غير متواجد حالياً
 
تاريخ التسجيل: Jun 2008
الدولة: alex
المشاركات: 656
nada minnie is on a distinguished road
افتراضي

تحفه بس احنا كده هنتاخد امن دوله ربنا يستر
رد مع اقتباس
  #3  
قديم 2008-08-26, 06:36 PM
الصورة الرمزية بلابل
بلابل بلابل غير متواجد حالياً
 
تاريخ التسجيل: Jun 2008
الدولة: من بعيد
المشاركات: 2,589
بلابل is on a distinguished road
افتراضي

اية ياعم عبقرينو دة

احنا كدة هنروح فى دهية

ولا اقلك احنا كدة كدة ريحين فى دهية

مش هتفرق كتير

موضوع جميل
رد مع اقتباس
  #4  
قديم 2008-08-26, 11:13 PM
الصورة الرمزية night_fox
night_fox night_fox غير متواجد حالياً
 
تاريخ التسجيل: Mar 2008
المشاركات: 1,310
night_fox is on a distinguished road
افتراضي

موضوع جميل
ووصية متخرش المية
ههههههههههه
شكرا
رد مع اقتباس
  #5  
قديم 2008-08-26, 11:42 PM
دبور دبور غير متواجد حالياً
 
تاريخ التسجيل: Aug 2008
المشاركات: 3
دبور is on a distinguished road
افتراضي

كلامك جرىءووصية تمام التمام
تقبل تحياتى
رد مع اقتباس
  #6  
قديم 2008-08-28, 01:58 PM
3esam 3esam غير متواجد حالياً
 
تاريخ التسجيل: Jul 2008
الدولة: مصر
المشاركات: 3
3esam is on a distinguished road
مميز(الماجيك)

هاهاهاهاهاهاهاها انت دمك خفيف اوي يا مان بس كده ممكن نروح بعيد
رد مع اقتباس
  #7  
قديم 2008-09-01, 09:42 PM
حمدى عبدالله حمدى عبدالله غير متواجد حالياً
 
تاريخ التسجيل: Aug 2008
المشاركات: 3
حمدى عبدالله is on a distinguished road
افتراضي

جهز شنطتك يانجم علشان الرحله هههههههههههههه والله أنت راجل بجد
رد مع اقتباس
  #8  
قديم 2008-09-02, 12:35 PM
الصورة الرمزية Silver
Silver Silver غير متواجد حالياً
*_* عـدو المرأة *_*
 
تاريخ التسجيل: Feb 2008
الدولة: مـــــــــ ام ـــــصــــ الدنيا ـــــر
المشاركات: 5,052
Silver is on a distinguished road
افتراضي

ياخوفى يا بدران ،،،

نروح فى داهية إحنا والماجيك كمان
__________________
رأيت الهَم في الدنيا كثير ... وأكثره يـكون مــن النساء

فلا تأمن لأنثي قــط يوما ... ولوهبطت عليك من السماء

رد مع اقتباس
  #9  
قديم 2008-09-02, 05:31 PM
الصورة الرمزية THE KING
THE KING THE KING غير متواجد حالياً
مراقب
 
تاريخ التسجيل: Feb 2008
الدولة: اسكندريه
المشاركات: 4,738
THE KING is on a distinguished road
افتراضي

لا تعليق ...
رد مع اقتباس
  #10  
قديم 2009-02-25, 05:34 PM
الصورة الرمزية manolly
manolly manolly غير متواجد حالياً
مشرفه العاب الماجيك
 
تاريخ التسجيل: Feb 2009
الدولة: manolly world
المشاركات: 4,675
manolly is on a distinguished road
افتراضي

هههههههههههههههههههه
الله يرحمك ماتحاولش تعملها تانى
__________________


رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
[شعر] قصيدة حسنى مبارك (احمد فواد نجم) ahmed.dodo منتدي الفنون الادبيه 0 2010-01-26 02:23 AM
ايميل الرئيس محمد حسنى مبارك DADA555 سلة المحذوفات 1 2009-01-22 09:27 PM
صور قصر محمد حسنى مبارك, مش هتقدر تغمض عنيك كونان الصـــور ومقاطع الفيديو 5 2008-07-22 06:01 PM


الساعة الآن 10:35 PM.


Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd. TranZ By World 4Arab
www.q8-one.com