|
|
|||||||
| المنتدى العام للنقاش الهادف والبناء والمواضيع العامه |
 |
|
|
أدوات الموضوع | إبحث في الموضوع | انواع عرض الموضوع |
|
#1
2009-08-13, 06:41 PM
|
||||
|
||||
عربيــه و عمــاره ... @
مؤهلات الزواج الحديثه عربيه و عماره بالنسبه للشباب محدش فيكمـ سأل نفسه .. لمــا يروح يخطب واحده ... هيتسأل عن ايه ؟؟؟ طيب يا بنات مفيش واحده منكـمـ سألت نفسها هى هتسأل على ايه لما يجيلها واحد يخطبها ؟؟؟ نسيبنا من ده كله ... ولا ليه اى لزمه بالنسبه للأهل (( القوه الضاربه و القابضه )) يا ترى هيسألوا عن ايه لما يجيلهمـ عريس لبنتهمـ ياترى هيسألوا عن أخلاقه .. دينه .. أهله .. مستقبله ولا يسألوا عن عربيته (( نوعها ايه و فيها سى دى بدل الكاسيت ولا لأ و السنتر لوكـ شغال ولا لأ )) ... عمارته (( فين و كام دور و فيها اسانسير ولا لأ و بتطل على البحر الأبيض المتوسط ولا البحر الأحمر )) الغريبه ان اليومين دول ... الناس بقت بتبص للمظاهر الكدابه دى تسأل حد من الأهل دول .. تقوله ليه بتتكلم فى الماديات دى !!!! يقوللكـ .. ياعمـ انا عايز بنتى تعيش احسن عيشه و مش اقل من المستوى اللى كانت عايشه فيه ( على اساس انها بنت مستر بارمـ ديله ) طيب يا عمـ الحاج .. ماهو بنتكـ لو اتجوزت بالمنظر ده يبقى انت كده بتبيعها للى معاه اكتر و برضه بنتكـ لو لقت كل حاجه سهله و متاحه من اولها .. مش هتحس بطعمـ الحياه الزوجيه ولا المعاناه انما لو البنت اتجوزت الشخص اللى بتحبه (( ده بعينها طبعاّ و لو هتتنطط )) و هى شايفه ان الشخص ده طموح و ابن ناس و محترمـ وكفايه انه هيحبها ساعتها يومـ ما يجيب عربيه هتحس بطعمها .. لأنها صبرت معاه و عانت لغايه ما حققوا ده .. ولما يبنى عماره هتكون فرحانه اوى .. لأن بفضل ربنا و وجودها جنبه .. هو و صل للى هو فيه ده تلاقى واحد برضه يقوللكـ انا مش عايز بنتى تتعب فى حياتها ولازمـ تكون مرتاحه .. و انا عارف مصلحتها طيب و انت مالك يا تلمـ م تخليكـ فى حالكـ و سيب البنت تعيش و تجرب عشان تعرف و تحس و تتأقلمـ مع ظروف الحياه و لو جوزها معاه الف جنيه هتعيش و لو معاه ربع جنيه برضه هتعيش مش لو جوزها معاه الفلوس يبقى اشطه و حبيبها و بتاع ... و احلى عشا يتعمل و شموع و حبشتكنات اما لو مش معاه بقى ومنفض (( بسبب الهانم و زن امها طبعاّ بالمظاهر )) ... تبقى ليله الحاجه والدته منيله بـ 60 نيله و الغريبه ان الأب ده تلاقيه بينصح فى الناس بره انهمـ يسهلوا العمليه لو متقدملهمـ حد .. بس هو بالنسباله .. معندوش الكلامـ ده و فى الاول و الاّخر .. كل ده بيتوقف على البنت .. لو بنت جدعه و واثقه فى الشخص اللى بتحبه هتبيع عشانه الدنيا و تستحمل اللى يجرا ...... مهما يحصل انما بقى لو سلبيه و ساذجه و ضعيفه و مالهاش شخصيه .. و كل ده تحت اسم البراءه و الطيبه يبقى حبيبها بقى يروح يقدم فى نادى الحبانيه احسنله (( على الاقل يضمن مستقبله بدل العروسه الى طارت )) ولو اتجوزت ابو عربيه و عماره .. و تعبت فى حياتها معاه .. تروح لـ مامى تقولها شايفه انا بتعامل وحش و مش عارفه اعيش .. ماهو حس انه رايح يشترى واحده .. مش رايح يتجوز ... تبقى دى النهايه الصح طيب خللى العربيه يا حبيبتى تنفعكـ .. اركبيها و اعملى خمسات وامريكانى يمكن تنسى ولا اقوللكـ خدى العماره سبرينتات طالع نازل يمكن تنسى و خليها برضه تنفعكـ خليكى سلبيه و ساذجه و ضعيفه ابو عربيه و عماره طبعاّ لو جت سيرته .. يا سيدى على الاشعار و الكلامـ الحلو و المحترم ابن الناس الطموح اللى ان شاء الله هيعمل حاجه .. كبيره يتقال انه كويس بس مينفعش يتجوز البنت اصل معندوش عربيه و عماره عربيه و عماره مؤهلات الزواج الحديثه عربيه و عماره مقياس الشخص اللى بيتقدمـ عشان يتجوز عربيه و عماره اول معلومه لازمـ اهل العروسه يطمنوا عليها عربيه وعماره حلمـ كل بنت ماشيه ورا كلامـ ابوها و امها ساعتها .. صدقونى ... عمرها ما هتطول الشخص اللى هما مستنيينه د ه بتاع العربيه و العماره .. فى الوقت نفسه اللى هتكون ضيعت منها الشخص اللى مقدمـ حياته عشانها و بيحبها معلش انى طولت عليكمـ .. بس بجد الموضوع ده مهمـ اوى اوى عايز اعرف رأيكمـ ياترى الجواز بقى حب و احترامـ ولا الجواز بقى عربيه و عماره التعديل الأخير تم بواسطة follow me ; 2009-08-13 الساعة 09:27 PM 
|
|
#2
2009-08-13, 08:19 PM
|
||||
|
||||
أهم حاجه بالنسبه لى الأخلاق والدين والطموح والعيله المحترمه
وفوق كل ده وده انى اكون بحبه ان شالله يكون محيلتهوش حاجه طالما بحبه هتجوزه واتحدى العالم عشانه وطالما هو طموح يبقى مقلقش اكيد هييجى يوم ويحقق كل طموحاته اهم حاجه ميكونش عنده خمول وكسلى وسلبى يبقى هيفضل فى مستواه ده طول عمره ثانيا لسه فيه اهالى محترمه وولاد ناس ومش اهم حاجه عندهم العربيه والفيلا اعتقد ان اهلى اهم حاجه تهمهم التدين والاخلاق واكيد طبعا يهمهم المستوى اللى هكون عايشه فيه بس لو انا اقنعتهم ان البنى ادم ده كويس اكيد هيوافقوا بس بينى وبينك هو من حقهم يهتموا بمصلحة بنتهم بس مش زياده عن اللزوم ميأفوروهاش يعنى عشان الشباب تلاقى تتجوز ما هو مش هيبقى هما والزمن والحكومه والظروف المقندله على الشباب وكمان البنات يبقوا عليهم دى تبقى عيشه هباب ربنا يكون فى عون كل الشباب يارب والظروف تتعدل ميرسى زيزو عالموضوع الهادف مواضيعك كلها هادفه وبتناقش قضايا مهمه جدا فى المجتمع سورى عالاطاله
|
|
#3
2009-08-14, 11:40 AM
|
||||
|
||||
|
موضوعك جميل
__________________
|
|
#5
2009-08-15, 02:33 AM
|
||||
|
||||
|
زيـــــزو
اقتباس:
ميرسى ليكى انتى يا كارمن على الرد الجميل و الرأى الاجمل ده و ياريت البنات تبقى متماسكه شويه .. لأن لموضوع بيبدأ من عندها وهى اللى تقدر تقنع اهلها و تبينلهم مدى حبها للشخص ده و تمسكها بيه تخيلى بنت طلبت من باباها عربيه .. طبعاّ ممكن يرفض لأنه مش طلب سهل بس لو قدرت تقنعه ان العربيه دى مهمه ليها فى حياتها و مش هتقدر تعيش من غيرها و طبعاّ الكلامـ ده بأسلوب لبق و مهاره هو هيلاقى ان عندها حق و يلاقيها بتدافع عن طموحها .. هيبجبلها تخيلوا بقى الجواز ده مشروع العمر .. يعنى مش شهرين و اقلب بجد الموضوع مستاهل تضحيه و صبر و مش هبالغ لو قولت كفاح و معاناه نورتينى يا كارمن
|
|
#7
2009-08-15, 04:20 PM
|
||||
|
||||
|
تسلم follow me ع التوبيك
اهم حاجه طبعا الأخلاق والأدب والدين لأن انا لو بيصيت للعربيه وغيره بيتهيألي يوم ما هيجي يغير عربيته هيغيرني معاها
__________________
|
|
#9
2009-08-18, 12:38 AM
|
||||
|
||||
|
قال رسول الله - صلّى الله عليه وسلّم - : ((إذا جاءكم من ترضون خلقه ودينه فزوّجوه، إلا تفعلوه تكن فتنة في الأرض وفساد كبير)).
والله يا زيزو إحنا فى كل مشكلة مش بنعمم لأن زى مافيه الوحش برضه فيه الحلو بس الناس مش زى بعضها كل واحد ليه عاداته وتقاليده بجد يا زيزو موضوع الزواج ده موضوع كبير ومشاكل اليومين دول بقت كتيرة أوى من أول المهر مروراً بالشقة والشبكة والأجهزة والخشب لغاية لما توصل للفرح مواضيع كبيرة هتلاقى كل حاجة محتاجة موضوع نقاش ربنا يسترها علينا فى الأيام اللى جايه والله المستعان
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء 
|
|
#10
2009-08-18, 02:50 AM
|
||||
|
||||
|
زيــــــزو
اقتباس:
الناس دلوقتى مش مركزه فى الدين و الأخلاق و الله التوبيكـ ده حصل بحذافيره بالظبط .. يعنى انا حاكى قصه واقعيه طيب ليه مننفذش كلامـ سيدنا محمد عليه الصلاه و السلام و اهو اسمنا مشينا على كلامه و اخدنا برأيه الناس بقى تفكيرها مادى .. اينعم مش كلهم .. بس الاغلبيه و فاكرين انهم كده أمنوا مستقبل بناتهم .. و الله تفكير غلط جداّ بس مسيرهم يشوفوا نتيجه تفكيرهم ده و يتمنوا بس ان الشخص الكويس ده و اللى كان يبقى جوز بنتهمـ و يقولوا ياريت اللى جرى م كان ربنا يهدى نورتنى يا سيلفو .. و بشكرك على رأيكـ
|
|
| مواقع النشر (المفضلة) |
| الكلمات الدلالية (Tags) |
| عمــاره, عربيــه |
|
|
العرض العادي
