رحلتي للعلاج في الهند بمدينة بنجلور
كيفكم؟ ان شاء الله طبيين. احكي لكم تجربتي للعلاج في الهند بمدينة بنغلور وكيف الواحد يرتب رحلته العلاجية خاصة اذا كان معاه أهله، كنت محتارة أسافر مومباي او بنغلور لعلاج الوالدة لأنها تعبت كثير من آلام الركبة والمفاصل وعايشة على المسكنات والوالد الله يحفظه كان يبغى يعالج اسنانه و يشوف جراح قلب كبير لأنه بالسعودية قالوا له جراحة قلب مفتوح عشان عنده انسداد شرايين وقلنا ما دام كلنا رايحين فنسوي فحوصات شاملة. طبعا انا كنت المسؤولة عن تخطيط الرحلة والحجوزات وبما انها اول مرة اسافر للهند فلازم ارتب وانسق مع جهة موثوقة تساعدني لأنه علاج مو سياحة، بديت ابحث بالنت وقررت نروح بنغلور ولقيت اسماء سواقين في بنغلور وكلمتهم لكن انتبهت لحاجة انهم ما يقترحون الا دكاترة معينين و لا لقيت لهم سيرة ذاتية او خبرة بالمستشفيات وحسيت الموضوع انه عمولة بينهم وخلاص وغير كذا كيف اثق بجهة مالها سجل تجاري او معتمدين. بتقولون عني موسوسة لكن بالعقل انا مو مستعدة أتعامل مع ناس مالها خبرة بالطب ولا يدلوني على مستشفيات معروفة ولا يقدرون يترجمون لي الكلمات الطبية بالعربي وقت الاستشارة الطبية، المهم لقيت ارقام لمنسقين عرب ونفس الموضوع كلهم طلاب صيدلة ويدرسون ومن كلامهم حسيت فيه استغلال مثلا واحد منهم عطاني تكلفة الفحوصات الشاملة بالدولار وطلبت منه التفاصيل ايش تشمل الباقة فما رد علي، وبعد يومين ارسل لي تفاصيل بس غير بالسعر ورفعه غير كذا سألته يقدر يحجز لي بفندق قال ايوا واعطاني سعر مبالغ وضعف السعر الموجود بموقع بوكنغ لحجوزات الفنادق ومنسق يمني آخر يطلب ١٥٠٠ ريال رسوم خدمة. سحبت عليهم لأنه عرفت مالهم أمان ولا راح يفيدوني او يوقفون معي اذا صار شيء سيء لا قدر الله.
ودخلت تويتر ولقيت حساب اسمه سفير الهند (safiralhind@) وتابعت تغريداته فلقيت انه خبير بالهند وفاهم فيها وبحثت عنه بغوغل فشفت تقارير سياحية بنفس الاسم بمنتدى زاد المسافر وحسيت أنه شخص مشهور بالسياحة الهندية من خلال ردود الناس ومواضيعه، تواصلت مع صاحب الحساب لمساعدتي بترتيب الرحلة وسألته اذا يقدر فقال لي انه عنده شركة سياحية خاصة واستثمارات بالقطاع الصحي و أنه علاقاته شخصية مع إدارات المستشفيات في الهند و يا ناس بدون مجاملة الرجال اخلاق و تعامله رسمي وقال لي بنرتب لك الرحلة والمواعيد لكن بعدما ترسلي التقارير الطبية و براجعها واشوف لك الاستشاري الانسب، ارسلت له التقارير وبعد يومين ارسل لي السيرة الذاتية لجراح قلب شهير اسمه محمد (مواعيده ما تطلع الا بالواسطة لأنه من قائمة جراحين القلب النخبة بالهند) و جراح عظام اسمه جوروراج (خبرته اكثر من ٢٠ سنة وعمل في بريطانيا اكثر من ١٠ سنوات) والحمد لله ارتحت لتعامل سفير الهند واختياراته و ارسل لنا خطاب الدعوة الطبية الموجهة للسفارة الهندية عشان نطلع التاشيرة الطبية لأنه رد الدكتور جوروراج كان أنه والدتي تحتاج عملية تبديل مفصل الركبة لتطور الحالة ونصحني ابو ريان (سفير الهند) بالتاشيرة الطبية وان القانون الهندي يلزم المستشفيات بوجودها اذا كانت فيه جراحة. غير كذا ساعدني باختيار فندق ٤ نجوم اسمه (سترس) بسعر اقل من بوكنغ لانه كنت ابي فندق نظيف على شارع تكون حوله مطاعم او مقاهي عشان الواحد يغير نفسيته و رتب لنا سائق خاص يفهم عربي ومترجمة هندية وأكد لنا المواعيد الطبية.
سافرنا للهند واستقبلنا السواق ورحنا الفندق وارتحنا، اليوم الثاني رحنا بعد الفطور لمستشفى كولومبيا آسيا وقابلتنا المترجمة لتساعدنا بالمستشفى (رسومها ١٥٠٠ روبية هندية يعني حول ٩٠ ريال سعودي لمدة ٩ ساعات) وكنا حاجزينها من عند سفير الهند وعملنا الفحوصات الشاملة واستشرنا جراح العظام و لأن الوالدة السكر كان عندها مرتفع فالجراح طلب ضبط السكر لعدة أيام وبعدها بيجري عملية تبديل مفصل الركبة وعطونا التكلفة حول ٢٢ الف ريال واتصلت على سفير الهند اذا يقدر يكلم المستشفى لتخفيض المبلغ وفعلا الله يجزاه الخير تواصل معهم بعدما زودته برقم الملف وخفضوا لنا المبلغ الى ١٨٠٠٠ ريال وزارنا ابو ريان (سفير الهند) يوم إجراء العملية وتابع الإجراءات والحمد لله اجريت عملية ناجحة للوالدة. الوالد ايضا اقترحوا عليه جراحة قلب و تركيب دعامات ولكن تخيلوا بدون عملية قلب مفتوح بل بالمنظار والدكتور محمد هو احد الجراحين بالعالم الي ينعدون على اصابع لإجراء هذه العملية وفترة التأهيل تكون فيها أقل واهم شيء مافيه ذاك الجرح الكبير وقررنا أنه نرجع لبنجلور لجراحة القلب بإجازة المدارس القادمة. اما بخصوص علاج الاسنان فرحنا عند دكتورة اسمها زهرة مرررة ممتازة وهذه بعد نصحنا فيها سفير الهند وما قصر وجاء معنا عشان يترجم لنا مع انه مشغول والحمد لله ركبنا تركيبات ثابتة للوالد للفك العلوي والسفلي وكلفتنا بحدود ١٢٤٠٠ ريال بعد الخصم واستغرق التركيب ١٢ يوم وعلى فكرة الدكتورة تعالج بعض نجوم السينما والمشاهير ومنها أم النجمة الهندية المفضلة عندي بريانكا تشوبرا. ما اخفي عليكم ابوي الله يحفظه انبسط جدا بعد الابتسامة الجديدة وقال ناوي يتزوج على أمي ههههه واللي لاحظته من تجربتي انه سفير الهند (ابو ريان) ما قصر معنا في اي شيء من ترتيب السواق والاستقبال بالمطار والمواعيد الطبية واختياره للدكاترة و حتى كنا نسأله عن المطاعم والاسواق وماشاء الله ينصحنا بأشياء تناسبنا خاصة هو عاش بالسعودية اكثر من ٢٥ سنة فيفهم الذوق السعودي والخليجي ويعطي نصائح من واقع خبرته و اللي حاب يتواصل معه هذا رقمه ٠٠٩١٩٩٠٢٢٤٤٥٧٠ وانصحكم فيه وناوين ان شاء الله نرتب من عنده رحلة عائلية لكيرلا لأننا قابلنا عائلة قطرية بعيادة الاسنان وكانوا توهم راجعين من كيرلا وكانوا يمدحون في سفير الهند. استودعكم الله .. مع تحيات أم نورة
2017-09-13, 04:46 PM
رحلتي للعلاج في الهند بمدينة بنجلور
المواضيع المتشابهه
العرض العادي
