|
والله يا معلم ..
انت المشرف بتاعنا برضو يعنى لازم نتوصى بيك .. وان شاء الله اشوفلك أسئله تليق بيك وححاول اجهزها فى خلال ساعه |
جلسه خاصه للمشرف
بــــــلابـــــل س1:- الاسم والسن والعنوان والهواية؟ س2:- ايه افضل الاقسام فى المنتدى بالنسبه ليك وبتحب تشارك فية؟ س3:- ايه افضل موضوع عجبك فى المنتدى؟ س4:-تقيم المنتدى بكام فى المية؟ س5:_ ايه رايك فى الحب وهل تعيش قصه حب حاليا ام لا؟ س6:-ليه غالبا الحب بيفشل مش بيكمل للاخر ؟ هل ده عيب فى اللى بيحبوا ولا عيب فى الزمن ولاعيب فى ايه؟ س7:-اذا كنت تحب فاوصف شعورك فى جمله ؟ ولو مش بتحب اوصف بردوا شعورك؟ س8:-ايه احلى فتره مريت بيها فى حياتك؟ واصعب فتره؟ س9:- نظره عين من حبيبتك بتمثل ليك ايه؟ س10:-هل تقبل تتجوز واحده مطلقه او ارمله؟ س11:-ايه الفيلم الرومانسى اللى لما بتشوفه بيبقى نفسك تكون انت بطل الفيلم ده؟ س12:-هل ممكن ترتبط بواحده عن طريق النت؟وليه؟ س13:-هل هناك فرق بين الحب والعشق؟ ولو فى فرق ايه هو الفرق ده؟ س14:-لو عندك بوم اجازه وفاضى تحب تقضيه مع مين وفين؟ س15:-تقول لمين الكلمات الاتية 1 - اتخنقت 2- الله يباركلى فيك 3-عرفت اللى فيها 4- ربنا يخليك ليا 5- بحب الحب اللى جمعنا 6- مخادع وبايع وقلبك حجر 7-بحبك وحشتينى 8- حبك خطر 9-تبقى اغلى الحبايب مهما تبعد ياغايب 10- مكنتش مبين وعامل حنين ماكفايه بقى تمثيل انتهت الاسئله يالا كفايه عليك كده انا عملت كل الجلسات اللى قبل كده 12 سؤال بس طبعا انت مشرف القسم ده فلازم اتوصى بيك شويه يارب الاسئله تعجبك وانا فى انتظار ردك |
والادارة توصى بالاهتمام بمشرفنا بلابل
لانه عزيز علينا اوى |
رد يابلابل على كل الاسئلة
ربنا معاك دى محكمة بجد |
احم احم
شكلنا حناخدها غيابي هبعتله رساله ونشوف الوضع |
هههههه احنا مستنيين الاجوبه يا بلابل
|
صبراً بالله يا عمرو
وبلابل موجود ... واحنا متابعين والعيون تترقب اجوبة بلابل |
ياعم عادى........
|
صبركم عليا انا معاكو والله بس كدة كتير اوى ياعمرو عادى انا هجاوب على كل الاسئلة ياهيمة ولا يهمكو خالص |
انا والله هجاوب عليهم بس اصبروى علية لغاية الساعة 1 بليل لانى بجد مشغول اوى اوى ممكن انا اسف عن التاخير غصب عنى بجد والله |
خد راجتك على الأخر
|
س1:- الاسم والسن والعنوان والهواية؟ الاسم: محمد سمير بلابل السن:22 العنوان: اسطنها مركز الباجور محافظة المنوفية الهواية: كرة القدم والماجيك س2:- ايه افضل الاقسام فى المنتدى بالنسبه ليك وبتحب تشارك فية؟ والله الاقسام كلها ممتازة وبحب اشارك فيها معادة اقسام الالعاب والترفية مشركاتى فيها قليلة س3:- ايه افضل موضوع عجبك فى المنتدى؟ سجلو حضوركم يوميا بالصلاة س4:-تقيم المنتدى بكام فى المية؟ 85 وممكن تكون 100 بس لما يكون فى مواضيع للنقاش بجد س5:_ ايه رايك فى الحب وهل تعيش قصه حب حاليا ام لا؟ الحب اجمل شئ فى الوجود: لو عشتها لازم اعشها بجد مش تقضية وقت وخلاص س6:-ليه غالبا الحب بيفشل مش بيكمل للاخر ؟ هل ده عيب فى اللى بيحبوا ولا عيب فى الزمن ولاعيب فى ايه؟ غالبا المعظم بيكون من الاشخاص بس فى الزمن الى احنا فى دة بسبب المعيشة بس لازم تكون الصراحة والامان بنهم متوفر جامد س7:-اذا كنت تحب فاوصف شعورك فى جمله ؟ ولو مش بتحب اوصف بردوا شعورك؟ ملقتشى حل فى حبها غير انى افضل احبها س8:-ايه احلى فتره مريت بيها فى حياتك؟ واصعب فتره؟ فترة الصداقة والحب دول احلى حاجة تعشها فى حياتك كلها واصعب شئ الى حصل لى انبارح اعز صديق لى انا وجوست توفى الى رحمة الله تعالى فى حادث وتم دفنة بعد صلاة الفجر مباشرتا اسئلكم الدعاء لة س9:- نظره عين من حبيبتك بتمثل ليك ايه؟ الاطمئنان س10:-هل تقبل تتجوز واحده مطلقه او ارمله؟ لو كانت الى بحبها قبل ما تصبح لحد غيرى ممكن ولو احد من الاقارب او المعارف او واحدة الدنيا بتقلب فيها ممكن لو جوازى منها هيسعدها ويحسسها بالاطمئنان س11:-ايه الفيلم الرومانسى اللى لما بتشوفه بيبقى نفسك تكون انت بطل الفيلم ده؟ عمر وسلمى دة اعز فيلم بحبة س12:-هل ممكن ترتبط بواحده عن طريق النت؟وليه؟ ممكن لو دارت الصداقة بنا وتقبلنا وحصل بنا كلام كتير وهى شفتنى انى كويس وانا شوفتها كويسة لية ميحصلشى ارتباط بس فى احوال كتيرة حكاية انك تكلم بنت على الشات بتبقة مقالب واكيد الكل عارف كدة س13:-هل هناك فرق بين الحب والعشق؟ ولو فى فرق ايه هو الفرق ده؟ الحب احساس جميل ولو انت عشتة لازم تنهية نهاية سعيدة ذى ما بيقولو ولكن العشق حكاية طمع واننية بتبقة عاوز الشئ دة ليك لوحدك ووقت متحس بملل تتركة بس فى مثل انا سمعتة من احد الاشخاص بيقول لو الزوجة بتحب زوجها لازم تكون اربعة فى واحد زوجة : وصديقة : وحبيبة : وعشيقة كدة تحفظى على زوجك ودى وجهة نظرى س14:-لو عندك بوم اجازه وفاضى تحب تقضيه مع مين وفين؟ لو متزوج تبعا معاهة ولوحدنا ولو فى الوقت الحالى مع اصدقائى وفى اى مكان احنا بنحبة ونحس فية بالراحة س15:-تقول لمين الكلمات الاتية 1 - اتخنقت: لواحد صديقى بحبة اوى بس هو علطول بيضيقنى 2- الله يباركلى فيك: لحبيبتى 3-عرفت اللى فيها: للدنيا 4- ربنا يخليك ليا لحبيبتى 5- بحب الحب اللى جمعنا لحبيبتى 6- مخادع وبايع وقلبك حجر مش لحد 7-بحبك وحشتينى لحبيبتى 8- حبك خطر اكيد الى هتحبها هيكون حبها خطر وكلة تضحيات يا اما ميباش حب 9-تبقى اغلى الحبايب مهما تبعد ياغايب لحبيبتى 10- مكنتش مبين وعامل حنين ماكفايه بقى تمثيل دى بقى لاصدقائى المقربين اوى اوى اوى احمد والاء والاء دة ولد والله وديما بنقلها لبعض يارب اكون وفقت فى الاجابة اسئلكم الدعاء لصديقى/ أحمد جمال دخيل انتقل الى رحمة الله امس بعد اذان المغرب وهو عائد الى بيتة ولزوجتة فى حادث عربة بشع ادى الى موتة وتم دفنة بعد اذان الفجر مباشرتا اسئلكم الدعاء لة |
أولاً وقبل كــل حاجه
ربنا يرحم احمد جمال خليل ويسكنه فسيح جناته .. ------------------------------------------------------ ثانياً : بعد الإطلاع على اجابات المتهم رأت المحكمه الأتى .. : محمد متعلق بجميع حياته فى حبيبته .. وعلشان كده لو فقدها حيصاب بالإنهيار وممكن تجيله صدمه .. لأن فى اجوبته بتبين انه بيحب اللى بيحبها حب حقيقي ممكن يكون نادر جدا فى العالم اللى عايشينه حالياً .. ولكن فى اجوبته مذكرش اى حاجه عن أهله (( والده ’’ والدته ’’ اخوته )) وده دليل على انه بيحبهم حب مؤقت لحين رؤية ******ه .. وبعد كده .. حيحبهم بردو بس فى المرتبه التانيه وممكن تكون التالته كمان .. وده فى حد ذاته غلط كبير جداً .. لأن طبعا اللى ملهوش خير فى أهله ملوش خير فى حد لذلك قررت المحكمه الأتى :- السجن لمدة 6 أشهر مع الأشغال الشاقه .. وبياخد اعفاء من الأشغال الشاقه بسبب حسن الحب .. |
انتظروا الجلسه القادمه للمشرف
mr piarte |
جلسة المشرف mr piarte
س1:- الاسم والسن والعنوان والهواية؟ س2:- ايه افضل الاقسام فى المنتدى بالنسبه ليك وبتحب تشارك فية؟ س3:- ايه افضل موضوع عجبك فى المنتدى؟ س4:-تقيم المنتدى بكام فى المية؟ س5:_ ايه رايك فى الحب وهل تعيش قصه حب حاليا ام لا؟ س6:- ايه اكتر حاجه بتحبها فى حبيبتك؟ واكتر حاجه نفسك تغيرها فى حبيبتك؟ س7:-ايه اسوء حاجه فى الحب (الخيانه - الكذب - الغيرة - النفاق) اختار حاجه منهم وقول السبب س8:-الى اى مدى انت متسامح فى الحب ؟ والى اى مدى تتعصب فى الحب ؟ س9:-هل فى فرق بين خيانه المراه وخيانه الرجل فى الحب.؟ ولا كلها خيانه ؟ س10:-ايه السبب اللى لو حصل يخليك تبعد عن حبيبك ؟؟ غير الخيانه والكذب ؟ س11:- هل الحب درجات؟ ولو هو درجات تعتبر نفسك فى الدرجه الكام؟ س12:-تقول لمين الكلمات الاتية 1 - مش قادر ابعد عنك 2- وماله لو ليله تهنا بعيد وسبنا كل الناس 3-عرفت اللى فيها 4- مكنتش مبين 5- افتكر لى اى حاجه كانت حلوه منى 6- مخادع وبايع وقلبك حجر 7-بحبك وحشتينى 8- حبك خطر 9-مفيش فايده 10- قرب كمان فى انتظار اجاباتك |
لديك جلسه بالمحكمه
نرجو الصراحه
|
السلام عليكم
اسف على التاخير س1:- الاسم والسن والعنوان والهواية؟ الاسم\سعيد السن\ 20 العنوان\مصر ام الدنيا الهواية مش فاضى اهوى حاجة س2:- ايه افضل الاقسام فى المنتدى بالنسبه ليك وبتحب تشارك فية؟ المنتدى كلة الله ينور يعنى س3:- ايه افضل موضوع عجبك فى المنتدى؟ والله فى مواضيع كتيييير جميلة ومفيدة والمشكلة انى مش هقدر احدد موضوع واحد علشان مظلمش حد س4:-تقيم المنتدى بكام فى المية؟ الصراحة........... 90 % عاوزين اختلاط اكتر بين العضاء علشان احنا يعتبر عيلة واحدة س5:_ ايه رايك فى الحب وهل تعيش قصه حب حاليا ام لا؟ الحب ده اجمل نعمة من ربنا واللى بنعيش علية وانا بعيش قصة حب فعلا س6:- ايه اكتر حاجه بتحبها فى حبيبتك؟ واكتر حاجه نفسك تغيرها فى حبيبتك؟ كل حاجة فيها جميلة بس اكتر حاجة بحبها فيها كسوفها ده سحر خاص بيها هيا بس واكتر حاجة نفسى اغيرها فيها العند س7:-ايه اسوء حاجه فى الحب (الخيانه - الكذب - الغيرة - النفاق) الخيانة طبعا والكذب دى اكتر حاجة بكرهها فى اى حد اختار حاجه منهم وقول السبب س8:-الى اى مدى انت متسامح فى الحب ؟ والى اى مدى تتعصب فى الحب ؟ لابعد مدى ممكن تتخيله وده علشان حبيبتى كمان متسامحة جداا ومفيش تعصب ابدا علشان اجمل حاجة بيننا لغة الحوار وبنفهم بعض علطول س9:-هل فى فرق بين خيانه المراه وخيانه الرجل فى الحب.؟ ولا كلها خيانه ؟ كلها خيانة س10:-ايه السبب اللى لو حصل يخليك تبعد عن حبيبك ؟؟ غير الخيانه والكذب ؟ النصيب س11:- هل الحب درجات؟ ولو هو درجات تعتبر نفسك فى الدرجه الكام؟ الحب مش درجات ده حب يا جماعة يعنى كلمة خطية جدا يعنى مثلا انا بحب اخواتى وبحب اهلى جداااااااااا مش معقول يعنى اقول بحب كذا بدرجة كذا لا بحب فلان يعنى مقدرش استغنى عنه س12:-تقول لمين الكلمات الاتية 1 - مش قادر ابعد عنك 2- وماله لو ليله تهنا بعيد وسبنا كل الناس 3-عرفت اللى فيها 4- مكنتش مبين 5- افتكر لى اى حاجه كانت حلوه منى 6- مخادع وبايع وقلبك حجر 7-بحبك وحشتينى 8- حبك خطر 9-مفيش فايده 10- قرب كمان بحبك وحشتينى الله عليك مفيش غير دى اقولها لحبيبتى علشان الحمد لله الحمد لله الحمد لله مفيش فى قلبى اى كره لاى حد شكرا ليك واسف على تاخيرى للمرة التانية |
الهم ارحم احمد جمال خليل
واسكنه فسيح جنانك |
اية يا عم عمرو الكلام دة انا من غير اهلى ولا اسوة وكمان انا والله معنديش غير ولدى ولدتى واخواتى فى الدنيا كلها والله اعلم انهم فى المرتبة الاولى عندى قبل نفسى كمان بس لاحظ انت ان اسئلتك كلها فى المنتدى وحب شخص لشخص انما اهلى دول حاجة تانية عندى ومن غيرهم فعلا يجيلى ا نهيار كفاية دعوت ست الحبايب لية كل يوم الدنيا وما فيها وشكرا على البرائة |
جزاكم الله كل خير على شعركم اتجاة وفاة صديقى الهم ارحم احمد جمال دخيل واسكنه فسيح جنانك الهم ما امين |
اقتباس:
انا بجد عجبتنى اجاباتك كلها وصراحتك برده .. وخصوصاً فى السؤال العاشر .. بصراحه اجابات جميله جدا وصريحه جدا ورومانسيه جدا جدا .. والحكم طبعاً البراءه |
محمد باشا ..
انا مقلتش انك بتكره اهلك بس انا شايف انك لو اتجوزت بكره هتبقى مراتك واولادك وعيلتك كلها فى المرتبه الاولى .. وبعديها هيكون اهلك .. لأنك زى ما بتقول دعوة ست الحبايب الصبح بالدنيا كلها .. .. .. .. |
انتظرواااااااااا
الجلسه المفاجأه لل admin وهتكون عامه لكل الأعضاء كل عضو ينزل 3 اسئله لغاية اول 5 اعضاء .. |
انا الأسئله بتاعتى ::::
س1 / اسمك وسنك وعنوانك وهواياتك وايه اكتر حاجه بتحبها ؟؟ س2 / ايه الحاجه اللى نفسك تعملها فى المنتدى محتاجه مساعده من الأعضاء ؟؟ س2 / لو فى عضو فى المنتدى يعتبر عمود من عواميد المنتدى ولو مشي العضو ده المنتدى يتخرب حاله .. وحصل بينك وبين العضو ده خلاف زاتخانقتو وشتمك .. ايه حيبقى تصرفك فى الحاله دى ؟؟؟؟ ارجو الصراحه يا عم الحج فى انتظار اسئلة الأربع اعضاء الباقيين |
وبعد ادمين انا حرشح بلينكي
|
ياعم عمرو ياريت بعد ازنك تخليك زى ما انتى ماشى لان انت كدة بتخلط الدنيا ببعضها رجاء تخليك على النمط الى انت كنت ماشى علية احسن انت كدة بتغير اساس الموضوع ياريت ترجع ذى الاول وانت الى تخطار وتنزل الاسئلة كلها تقبل مرورى |
انا الأسئله بتاعتى ::::
س1 / اسمك وسنك وعنوانك وهواياتك وايه اكتر حاجه بتحبها ؟؟ الاسم : اسامه السن 22 العنوان المنوفيه الهوايات النت وكره القدم اكثر شئ بحبه .....هناك الكثير س2 / ايه الحاجه اللى نفسك تعملها فى المنتدى محتاجه مساعده من الأعضاء ؟؟ ان المنتدي يتقدم ويكون له ترتيب عالمى وكذلك وضع كل شئ حصري باسم المنتدي س2 / لو فى عضو فى المنتدى يعتبر عمود من عواميد المنتدى ولو مشي العضو ده المنتدى يتخرب حاله .. وحصل بينك وبين العضو ده خلاف زاتخانقتو وشتمك .. ايه حيبقى تصرفك فى الحاله دى ؟؟؟؟ اكيد لو من اهم الناس فى المنتدي لازم ابقى عليه جدا بس بحدود الادب لان معرفه الناس كنوز وربنا ميجبش زعل ارجو الصراحه يا عم الحج والله الاجابات بكل صراحه |
اية يا عمرو عرفت نزل انت الاسئلة افضل تقبل مرورى |
والله
انا شايف ان دى جلسه خاصه للأدمن بس واللى بعد كده هيكون عادى زى كل الجلسات طبعاً وبعدين انت مش حتحط اسئله ولا ايه النظام |
عادى ... مش مشكلة لو حد سئل الادمن
لأن ده الادمن ودى تعتبر جلسة خاصة وطبعاً أنا مش هأسأل " أخويا " خليها لحد تانى |
انا الصراحة عندى سؤال واحد بس للادمين بتاعنا
ده طبعا بعد اذن الناس كلها وخصوصا بعد اذن صاحب الموضوع السؤال هو يا ترى ايه خططك لتطوير المنتدى؟ اكيد فيه خطه لو ممكن نعرفها علشان نشوف لو هنقدر نشارك شكرا ليكوا واسف اذا كنت طولت عليكوا |
انا مش موافق يا جماعة
الواحد بيبقى ضعيف جدا قدام الحاجات دى وخاصة فى المواضيع العاطفية دى |
عاوزك اسد ياعم الحج
|
الموضوع جميل جدا ومفيش احسن من الصراحه
واتمني إن اتسأل |
انا مع ملاك الروح
وفعلا الصراحه راحه يا جماعه |
انتظروا الجلسه الجديده لمشرفة قسم البنات -- ملاك الروح -- |
ننتظر بفارغ الصبر محاكمة ملاك الروح
|
جلسة المشرفه العظيمه ملاك الروح س1:- الاسم والسن والعنوان والهواية؟ ايه افضل الاقسام فى المنتدى بالنسبه ليكي وبتحبي تشاركي فية؟ تقيمي المنتدى بكام فى المية؟ س5:- ايه رايك فى الحب وهل تعيشي قصه حب حاليا ام لا؟ هل الصراحه شئ مهم بين اتنين بيحبوا بعض ولا لا حتى لو كانت ممكن تزعل حد منهم؟ ايه اكتر حاجه عجبتك شدتك لحبيبك وخلاكى تحبيه ؟ لو انتي حبيتي واحد وهو كمان قاللك انه بيحبك وبعد فتره طويله اكتشفتي انه مش بيحبك وانه كان بيتسلى ...هتعملي ايه؟ وهتفكير فى الانتقام منه ولا لا؟ :-تعملي ايه لو شوفتي حبيبك بيكلم واحدهوانتى مانعاه من انه يكلم اى بنت ؟ ايه السبب من وجهه نظرك فى فشل اغلب علاقات الحب والارتباط بين اتنين ؟ :-هل السن عامل اساسى فى الحب والارتباط وممكن يأثر عليه؟ وهل ممكن يحصل علاقة حب ناجحه بين بنت اكبر من شاب بثلاثه او اربع سنوات ؟ تقولى لمين الكلام ده 1 - اتخنقت الله يباركلى فيك عرفت اللى فيها مخادع وبايع وقلبك حجر لاى حد خداعنى ربنا يخليك ليا بحب الحب اللى جمعنا بحبك وحشتينى حبك خطر تبقى اغلى الحبايب مهما تبعد ياغايب مكنتش مبين وعامل حنين ماكفايه بقى تمثيل و شكرااااااااااا |
جلسة المشرفه العظيمه ملاك الروح س1:- الاسم والسن والعنوان والهواية؟ الاسم:دينا خاطر العنوان :المنصوره الهوايه: الطبخ ايه افضل الاقسام فى المنتدى بالنسبه ليكي وبتحبي تشاركي فية؟ كل الاقسام جميله وبحب أشارك في الكل تقيمي المنتدى بكام فى المية؟ بصراحه دا أول منتدي ادخله ومسجلتش في غيرة وتقيمي 99% س5:- ايه رايك فى الحب وهل تعيشي قصه حب حاليا ام لا؟ اجمل شعور يعيشه الانسان ايوه بعيش قصة حب مع خطيبي هل الصراحه شئ مهم بين اتنين بيحبوا بعض ولا لا حتى لو كانت ممكن تزعل حد منهم؟ لأ الصراحه راحه ايه اكتر حاجه عجبتك شدتك لحبيبك وخلاكى تحبيه ؟ أخلاقه ؛وحبه ليا لو انتي حبيتي واحد وهو كمان قاللك انه بيحبك وبعد فتره طويله اكتشفتي انه مش بيحبك وانه كان بيتسلى ...هتعملي ايه؟ وهتفكير فى الانتقام منه ولا لا؟ بصراحه مجربتش بس أكيد هنتقم :-تعملي ايه لو شوفتي حبيبك بيكلم واحدهوانتى مانعاه من انه يكلم اى بنت ؟ انا مش منعاه بس الكلام له حدود ايه السبب من وجهه نظرك فى فشل اغلب علاقات الحب والارتباط بين اتنين ؟ ممكن الصدق بين الاثنين :-هل السن عامل اساسى فى الحب والارتباط وممكن يأثر عليه؟ وهل ممكن يحصل علاقة حب ناجحه بين بنت اكبر من شاب بثلاثه او اربع سنوات ؟ اكيد السن عامل أساسي علشان يقدرو يتفاهمو وهل ممكن يحصل علاقة حب ناجحه بين بنت اكبر من شاب بثلاثه او اربع سنوات ؟ والله مش عارفه بس ليه لأ لو قدرو يتفاهمو مع بعض تقولى لمين الكلام ده 1 - اتخنقت لدكتور التشريح الله يباركلى فيك لخطيبي تامر عرفت اللى فيها ............ مخادع وبايع وقلبك حجر متخدعتش قبل كدا ربنا يخليك ليا لخطيبي تامر بحب الحب اللى جمعنا لخطيبي تامر بحبك وحشتينى لخطيبي تامر حبك خطر تبقى اغلى الحبايب مهما تبعد ياغايب لخطيبي تامر مكنتش مبين وعامل حنين ماكفايه بقى تمثيل لواحده زميلتي و شكرااااااااااا وشكرا ليك يا عمرو |
اقتباس:
والله يا ملاك من اجاباتك حسيت انك رومانسيه جدا .. وقلبك كبير ويساع ومن الحبايب مليون .. ويابخت تموره بيكي ... ( انا مش بحسد والله ) بس بجد يا بخته بيكي .. وعجبتنى صراحتك واجابتك ولونها يعنى مش دغري اوي بس حالها ماشي .. وعلشان تموره نديلك البراءه ... انتظروا مفاجأت جديده بالمحكمه واول مجرم جديد فى قفص الإتهام |
| الساعة الآن 11:29 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com