|
كلام اليوم ومصطلحات الشباب
يبدأ يوم الشباب عندما تتجمع (( العصابة ))
يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إليه مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو حتة (( شامبو )) يعنى ريحتها حلوة ومستحمية !!! ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه )) ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!! ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة )).... وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى )) وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ... ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) .... وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ... (( ملسكوبيتش )) يعنى بخيل ... (( شامورتى )) يعنى خنييق .. (( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!! ولو الولد تعبان فى المذاكرة يعنى (( جايب جاز والشراب هوى ومتخرتق )) !!! وأكثر مصطلحات متداولة هذة الايام (( العب باشكا )) يعنى العب على المكشوف !! (( حطيت إيدى على البلف )) يعنى فهمت الموضوع !!! (( أدعك الفانوس دلوقتى )) يعنى ممكن تمشى وترحل !!! (( أرحلك )) أخرجك من الشلة !! (( الجوند )) فلوس !! (( مكيش القفف )) معاه فلوس كتير !! (( يا صباح المظلات )) للمتقدمين للكليات العسكرية !! (( فهمـى )) يعنى نفض وكبر الجمجمة !!! (( أحلق )) طنش !!! (( انت حتزاولنى )) انت حتشتغلنى !!! (( مهييس )) عامل دماغ وطاير قووى !!! (( يا صباح اللى بتغنى )) صباح الخير !! (( يا مساء الليل )) يعنى يا مساء الخير !!! (( فوكك )) سيبك من الموضوع دة !!! (( أراك أمس )) يعنى مش عايز اشوفك تانى !!! (( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!! (( كل معرفتى بيه .. هاى باى )) يعنى مش صاحبى قوى !!! (( شوليطى . موليطى )) يعنى مش معايا فلووس .. مفلس !! ومن مصطلحات الاغانى المنتشرة بكثرة هذة الايام الاتى : (( انا رايح ألعب مع روبى )) يعنى انا رايح الجيم !!! (( تعالوا نحصل ماريا )) تعالوا نلعب شوية !! (( انت بتقلد روبى ؟ )) يعنى بتخبى وبتدارى !! (( أنت كدة تعجب بوسى سمير )) يعنى انت حطيت النقط على الحرووف تقبلوا تحياتى VINDIESEL :-c |
جاااااااااااااااااااامد
وفعلا اكتر المصطلحات مكنتش اعرفها بس انا هدرسها منك هههههههههههههههههه تسلم |
ههههههههههههههههههههه شكرا ياباشا ع المصطلحات اللوكس دي |
شكرا لكل من اعطانى رأيه و رده
ولكن انتظرورا المزيد من المصطلحات تقبلوا مرورى :-c |
|
أصلى يا مان
موضوع فى اللذيذ رااااااااايق |
سلمت يداك يا غالي
|
ميرسى على الموضوع
تسلم فينديزل |
تسلم ع الموضوع
|
موضوع فله يا برنسسسسسسسسسسسسسسس
|
THANXXXXXXXXXXXXX
:-c |
اشكركم جميعا تقبلوا مرورى VINDIESEL :-c |
مصطلحات اخر روشنه
وكلام كله فى الهجايص داحنا اللى دوبنا الشبارى جوا اللبارى بالدهلكة لك الله يا لغتنا العربية |
انت كده كفاءة ودكتوراه فى الحداقة
:d |
"السح سندح دناوه شكلماطه فى العقور قشطه بالحبشتكات"
ده مصطلح انا مش فاهمه لو حد عارفه ياريت يقول بس يكون بجد مش تاليف |
كوووووول جدا يا برنجي
تسلم إيدك |
هههههههههههههههههههههه
ايه المصطلحات العجيبة دى منكم نستفيد |
والله دى بقت مصطلحات تلخبط المخ وتجنن العاقل
|
أصلى يا مان
|
"السح سندح دناوه شكلماطه فى العقور قشطه بالحبشتكات
إوعى تقولها وانت لواحدك بالليل يا محمد أحسن دي بتستدعي ملك الجان شخصيا وإنت مش قده |
| الساعة الآن 04:07 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir