|
صندوق بريد الأعضاء
الموضوع ده أنا لاقيته فى منتديات تانيه وعجبتنى فكرته فقلت أجيبهلكم هنا
الموضوع بإختصار ده هيكون صندوق بريد الأعضاء يعنى اللى عنده أى رساله لأى عضو ممكن يكتبهاله هنا وكل عضو طبعا هيدخل الصندوق يشوف يمكن يلاقى رساله تخصه الرساله دى هتكون فى أى حاجه ممكن يهدى للعضو فى الرساله بيت شعر أو تعليق يحب يقلهوله ممكن رسالة حب رسالة تقدير وامتنان رسالة تحذير للعضو أو مساعده أى حاجه تخطر على بالكم وهيكون طبعا للرساله شكل ياريت محدش يخالفه الطريقه من:...................... الى:..................... نص الرسالة:.................... ياريت الموضوع يعجبكم وعايزه تفاعل وياريت اللى يدخل ويلاقى رساله عشانه يرد عليها او حتى يكتب اى حاجه توضح انه قرا الرساله دى |
اوك يا كارمن انا مش معترض بس مش كل الرسايل تتكتب هنا ولا اى حاجه مسموح بيها عادى
|
أنا مقلتش ان أى حاجه مسموح بيها
أكيد كل واحد قاضى نفسه وكل واحد عارف ايه الصح وايه الغلط وايه اللى ممكن يكتبه هنا وايه اللى مينفعش يكتبه يعنى أنا عندى رساله من:كارمن الى:ملاك الروح النص:انتى وحشتينى جدا يا ملوكه ونفسى بجد ترجعيلنا بألف سلامه ربنا يوفقك فى امتحاناتك ومتغيبيش علينا كتير كده تانى عامله ايه فى الطب ياريت تكون دراسته سهله وحشتينى يا ترى بقى الرساله دى فيها حاجه غلط لو فيها حد يقوللى؟؟؟؟؟؟؟؟؟؟؟ |
يا بنتى انا ما اقصدش غلط
يعنى حد زعلان من حد يكتبله او اى حاجه مش سب او قذف والكلام ده ده طبيعى مش هينكتب هنا |
يا ابنى عادى
معلش متزعلش انا اصلا قافشه اوى النهارده عشان عندى امتحان بكره ومش مذاكره حاجه متزعلش سورى بجد انى قفشت كده |
ربنا معاكى فى امتحان بكره لو مش مزاكره
اعدى برشمى اهو اسمك عملتى حاجه |
هههههههههههههههههه
ايوه صحيح عندك حق اهو ابقى عملت اللى عليه نصيحه رائعه بس لو اتقفشت بالبرشام مش هيحصلك كويس \m/\m/\m/\m/\m/ |
ههههههههههههههههههههههههه هه
انا اول واحد هخلع على فكره ما ليش دعوه انا ما قلتلكيش حاجه وانا وش ذلك برضه ده انا غلبان |
ههههههههههههههه
غلبان ؟؟؟؟؟؟؟؟؟ والله كنت فاكراك جولدن مان طب ابعت رساله يا غلبان |
من: Silver الى: أعضاء الماجيك نص الرسالة: والله أنى أحبكم فى الله |
من:كارمن
الى:أدمن نص الرساله:أحب أقولك انك انسان محترم جدا وجدير فعلا بإنك تكون أدمن ومدير فعلا تستحقها ولا يستحقها غيرك والله أنا بحبك فى الله يا اسامه وبحس إنك إنسان فيه كده جدعنة ولاد البلد ومستعد تساعد أى حد منى ليك رسالة حب وتقدير وإحترام |
من: ميدو إلى: كارمن الرسالة: والله موضوعك هايل فتقبلي فائق احترامي وتقديري |
شكرا ميدو ربنا يخليك عالرساله
من:كارمن إلى:مانوللى الرساله: ايه يا بنتى مش ناويه بقى تدخلى الماجيك على فكره انتى واحشه كل الأعضاء وكلهم عمالين يسألوا عليكى وعلى فكره فيه ناس معينين سألوا عليكى كتير أوى ونفسهم تدخلى ياريت تدخلى بقى وتبطلى تقل ماشى؟؟ |
من: هيمة فرج
إلى: اعضاء الماجيك كلهم الرساله: هو انتوا نسيتوا هيمة فرج ولا اية محدش بقى يسال عنى عايش ولا مش عايش على العموم كلكم وحشتونى ومستنى السؤال |
من:كارمن
إلى:هيمه فرج الرساله:والله العظيم يا هيمه منقدر ننساك أبدا واحنا بنسأل عليك علطول مش انا بس لا ده كل الاعضاء وممكن اعرف بقى انت بتغيب كتير ليه حاول تدخل بانتظام ياريت وعاوزين الشغل بتاع زمان |
من:منتدي الماجيك إلى:من يجب منتدي الماجيك الرساله: احب اشكر كل من ساهم فى راقى المنتدي وتقدمه واهم شئ روح المحبه الى بين الاعضاء ويريت كل واحد هند شئ ميبخلش علينا بيه وانا محاضر ليكم مجموعه هدايه بالعبيط تقدير من الماجيك لكل عاش للماجيك |
من:كارمن
إلى:مانوللي الرساله:طبعا انتى عارفه انا بحبك قد ايه واحنا الاتنين متعلقين ببعض قد ايه طبعا كلام مش هيكفى سنين عمري لو قلته ربنا اللى يعلم مدى حبي ليكي وعارفه بردو مدى حبك ليه حبيت بس اعرفك فى الرساله دى واذكرك ان عمر ما حد هيحبك قدي ابدا وعمر ما حد هيتمنى يبقى صديقك زيي ولا عمر حد هيستحملك او ميزهقش منك ابدا ودايما عاوزك معاه غيري انا |
من/مانوللى
الى/كارمن الرسالة/ ربنا يخليكى ليه يا سارة ومننحرمش ابدا من بعض ونفضل دايما اصحاب على طووووووووول بس انتى تبطلى عصبيتك دى وهتبقى تمام اوى انتى عارفة انا اد ايه بحبك وعارفة انك اقرب حد ليا في الدنيا كلها |
من: عمر إلى: كارمن الرساله: محبوبة المنتدى والله يا كارمن انتى فعلاُ محبوبة المنتدى وفعلاً عضوة ذهبية لا مثيل لها وصعب حد يلاقى اعضاء بالشكل ده وبشكرك على الموضوع الهايل ده |
من:كارمن
إلى :عمر غانم وكل الناس الغايبه الرساله:هو في إيه بقى بجد إنتوا غايبين كل ده ليه طب إدخلوا شقروا علينا وعالمنتدى إن شالله حتى مره في الأسبوع متغيبوش أوي كده ومتقلقوناش عليكم وحشتونا بجد |
من:كارمن
إلى:مانوللي الرساله: مالك يا بنتي ؟ هو في ايه وايه اللي حصل؟ أنا بجد عاوزه أكلمك ضروري وأعرف في إيه يارب يكون خير قلقتيني والله |
| الساعة الآن 10:39 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir