متقراش الموضوع ده لو سمحت...بعد إذنك متدخلش
 

أنا مش قلتلك لو سمحت متدخلش




مش قلتلك متقراش الموضوع وحذرتك




يعنى لازم تدخل وتشوف فيه ايه














اللى انا عاوزه أوصلهلكم من العنوان ده اننا فى

أوقات كتير أوى بنلاقى تحذير على حاجه معينه

وبرضو مفيش فايده بنعمل الحاجه دى

ونحاول نكتشفها بكل الطرق الممكنه واللى مش ممكنه كمان

منغير ما نبص على العواقب والنتائج اللى ممكن تعود علينا بسبب الفضول ده

مع ان لو مكنش فيه التحذير ده
كان ممكن تعدى علينا عادى


وزمان قالوا:

أحب شئ للنفس ما منع



فهل هذه ظاهرة تدل على عدم الوعي



أم أنها طبيعة في بني البشر



ليه دايما بنتدخل فى اللى ملناش فيه



والفضول بيغلبنا فى كل الأحيان


ده حتى بيقولوا:


الفضول قتل القط




يمكن حد منكم يقولى ده حب إستطلاع



هقولكم لأ




حب الاستطلاع بيكون فى الأشياء المتاحه لينا

لكن لما نحشر نفسنا فى اللى ملناش فيه ده

بيكون فضول قبيح


ياريت تتكلموا معايا فى الموضوع ده
ونتناقش ونشوف آرائكم

يااااااااااااااه
ده انتوا كلكم طلعتوا مش حشريين
كويس اوى والله
بقالى كذا يوم حاطه الموضوع ده ومجاليش ولا تعليق
الموضوع ده صاحب اقل عدد مشاهدات
وده بيعنى ان اللى فى المنتدى كلهم مش فضوليين خالص
والله حاجه كويسه أوى
وانا اللى قلت ده اكتر موضوع هياخد عدد مشاهدات
ان مكنش حتى مشاركات
يا سلام
ايه العقل اللى نزل عليكم فجأه ده يا أعضاء المنتدى؟؟؟
فجأه كده بقيتوا مش حشريين ومبتدخلوش فى اللى ملكوش فيه
سبحان مغير الأحوال من حال الى حال

لالالالالالالالالالالالا
انت هتقولنى كلام مقلتوش
بس مستغربه حبتين

على فكره انا من عشاق د.أحمد خالد توفيق
وشخصيته المستعاره
د.رفعت اسماعيل وعندى اعداد ما وراء الطبيعه كلها
وفعلا قريت ما وراء الباب المغلق
تناول الموضوع ده بشكل جيد فعلا
لو كنت برضو قريت الروايه الأدبيه
مش فاكره كان اسمها تقريبا ذو اللحية الزرقاء
واللا ايه مش فاكره
اللى جاب لمراته قصر فيه 100 غرفه وقالها قدامك 99 غرفه تفتحيهم براحتك
الا غرفه واحده
وبقت عايشه حياتها فى جحيم انها لازم تفتح هذه الغرفه
وعندما فتحتها حدث ما لا يحمد عقباه
ميرسى رضوان

يا حول العالم
هو ايه اللى انا بعمله؟؟؟
انتوا مش طايقنى ليه كده
طب هفضل اعمله ايه رأيك بقى
هو ايه ده اصلا انا مش عارفه بس هعملوا برضو
ههههههههههههههههه

قال يعنى بقول
يا حول الله يارب
زى كده
يا سلاطين الزبادى
بدل يا صلاة النبى
خدعه يعنى
كركركركر
أنى بضحك معاك
بفتح الباء والضاد
هههههههههههههه

ضحك
بضم الضاد
ما شاء الله
ماشى يا حاج مش هنضحكوا تانى

طبعا عشان الشجره دى كانت محرمه
وطبعا
كل ممنوع مرغوب
هى دى الطبيعه البشريه
بس برضو ده ميمنعش اننا لازم نتحكم فيها ونعمل كنترول على نفسنا
لأن
من تدخل فيما لا يعنيه سمع ما لا يرضيه
ميرسى يا محمود عالمرور

انا لو مدخلتش في الوقت المناسب وكان الموضوع يخصني ممكن الموضوع ينقلب عليه انا

صح ولا مش صح؟؟؟؟؟؟؟؟؟؟؟؟؟؟؟؟؟

اوكى صح يا محمد
بس اصلا لو كل شئ قدامك بيقولك ان الموضوع ده ميخصكش ولو سمحت متتدخلش فيه
ساعتها بقى لو دخلت يبقى انت بتستهبل وتبقى حشري
مش انت يعنى اقصد اى حد

يا كارمن الحشرية الي انتي بتتكلمي عنها دي..................

غريزة عند كل انسان لازم يستخدمها في الصح والغلط

هو انا كل ما اقول لحد حاجه يقولى غريزه فى الانسان
طب ما هو كل حاجه فى الدنيا هى غريزه فى الانسان
لازم نستخدمها فى الصح ومنستخدمهاش ابدا فى الغلط والا الدنيا هتبقى غابه
طب ما الجنس غريزه فى الانسان
الكذب الغش
الخيانه
المكر
كل دى غرايز فى الانسان
معنى انها غريزه يبقى خلاص نسلم بيها
الحشريه غريزه فى الانسان بس ميصحش نستخدمها
مش من حق اى انسان على وجه الارض انه يتدخل فى خصوصيات انسان تانى
او يتحشر فى شئ لا يعنيه
المفروض احترم خصوصيات الناس زى ما انا عاوزه الناس تحترم خصوصياتى
شكرا يا محمد

اوكى يا محمود ده مزاج
بس دى حاجه غلط مش هنقدر نكدب على نفسنا ونزيف الحقايق ونقول انها حاجه صح
متزيفوش الحقايق ده الحق شق الليل