|
شوية تساؤلات معرفش غبيه واللا عاديه واللا ضروريه(ليها اجابه واللا ملهاش)؟؟؟
هى الكهربا لما بتتقطع بتروح فين ؟؟ ليه في شارع مراد حاطين يافطه مكتوب عليها ابتسم انت في الجيزه .... هى الجيزه دى حاجه تضحك يعنى ؟؟ ليه لما بتطلب ساندويتش من مطعم وتحب تضيف عليه اى اضافه بيزودوا السعر لكن لما بتحب تشيل منه اى حاجه مش بيقللوا سعره ؟ ليه بيقولوا الحب اعمى ؟ مع ان كل اغانى الحب عن العيون نور العين وسحر عنيك وعنيك وحشانى وعينيك كدابين طب لو كان الحب اعمى .. اما ليه واجعين دماغنا بالحب من اول نظره ؟؟ لو اسمك ( ماجد ) وطلعت طيار هتفضل مستحمل قد ايه والناس بتناديلك ( كابتن ماجد ) ؟ الاخرس بيكلم نفسه ازاى ؟؟ ليه بيقولوا على الواحد لما بينام بعمق انه نايم زى البيبيهات ؟؟ مع ان البيبيهات اصلا بيصحوا كل نص ساعه !! معروف ان اللى ( يتلسع من الشوربه ينفخ فالزبادى ) يعنى انا لو نفخت فالزبادى يبقي ده معناه انى اتلسعت من الشوربه !! ليه لو واحد قال قدامى كلمه الاقصر بتيجى فبالى صوره الاثار مع انه لو قال كلمه اثار مش هتيجى فبالى صوره الاقصر !!! ليه الناس مبتقولش ( الرياضة فايز و مهزوم ) غير لما تتغلب !! ليه الشامبو بيبقي بالخوخ الطبيعى مع ان عصير الخوخ بيبقي بنكهه الخوخ !! ليه اللى سايق عربيه ومشغل الكاسيت اول ما يتوه او يدخل شارع ضلمه يروح موطى الصوت !! ازاى بتعرف المسند بتاعك فالسينما ؟!! (اللى عالشمال واللا اللى عاليمين) ليه الناس بتقول لاى حد فالشارع يا ( باشمهندس ) ماعدا المهندس فعلا بيقولوا يا دكتور ؟!! ليه بيقولوا فالاخبار مصرع 9 في فلسطين ومصرع 50 في بغداد ومصرع 57 في زلزال ومصرع 133 في سقوط طائره طب ما يقولوا علطول مصرع 249 واحد في نشره اخبار التاسعه !! ليه لو الواحد يكون واقف مستنى الاسانسير وخلاص داس على الزرار وباين انه منور بيجى واحد تانى ويروح دايس تانى على الزرار!؟؟ ليه لما تيجى تتصل بواحد .. وطلبت الرقم غلط ليه الارقام الغلط مابتكونش مشغوله ؟؟ (علطول كده تلاقيه رد عليك وهزأك) طب لو كانت الارض كلاه ( زى ما بيقولوا ) طب الماتش هيبدا امتى ؟؟ ليه هيفا وهبي بتقول ( انا بردانه اح ) مع ان اح دى تتقال للحاجه السخنه يعنى هى المفروض تقول انا بردانه برررررررررررر طب لو زى ما بيقولوا الدنيا مسرح كبير طب انا بمثل ولا بتفرج ؟؟ ليه بيكلبشوا العربيه اللى واقفه صف تانى وقافله الشارع ... مع ان الشارع بعد الكلبشه بيفضل مقفول برده !! لو الصاعقه نزلت على حد بيموت متكهرب طب لما الصاعقه بتضرب البحر ليه السمك ما بيموتش متكهرب ؟؟ لما الواحد بيعلى صوت الكاست ده بيسحب كهربا اكتر هى الحيوانات بتعطس ؟؟ ليه لما الواحد بيكون جوه عربيه والعربيه داخله نفق ... تلاقي الواحد يوطى راسه وكانه هو اللى داخل النفق مش العربيه !! ليه لما تسال واحد على العنوان وتقوله ( شارع كذا فين ) يقولك هما قالولك فين ؟؟ طب ما هما لو كانوا قاللولى مكنتش هسالك وبعدين هما مين اللى قالولى ؟؟ ليه ليه لما باحب اوقف حد فالشارع بنادى عليه بكلمات ملهاش اصل فاللغه اصلا زى بسست والنبي يا و يا كابتن و باقولك و خد يا و ايوة يا وليه دايما بتوقف الشخص المطلوب ؟!! بيقولوا ( لكل قاعده استثناء ) طب ايه استثناء القاعده دى ؟؟ ليه لما حد يحب يقولك معلومه بيبدا كلامك بجمله بيقولك ( بيقولك العربيات غليت ) !! هو مين اللى بيقولك ليه اللى بيسالك عن الساعه لازم يرفع ايده الشمال ويشاور على مكان الساعه ؟؟ وليه لازم يحلف ( الساعه كم والنبي ) ؟؟ اللى ميقدرش يتكلم اخرس واللى ميقدرش يشوف اعمى واللى ميقدرش يسمع أطرش طب اللى ميقدرش يشم ايه ؟؟ ليه لما تقول لحد حاجه وميسمعهاش تلاقيه هو اللى علا صوته ؟؟ على الكتابه على التيشرتات لازم تبقي بالانجليش ليه مفيش كتابه بالعربي ؟؟ لما زيت الذره معمول من الذره وزيت عباد الشمس معمول من زهره عباد الشمس طيب ال baby oil معمول من ايه ؟؟ ليه الواحد بيدوس على الريموت جامد لما الحجاره تخلص ؟؟ لما البوليس بيهجم على شقه و يكسر الباب مين المسئول يصلح الباب ده ؟؟ لو شفت منظر مؤثر وانت تحت الميه ينغع تعيط ؟؟ الاعمى بيشوف ايه فالحلم ؟؟ هل كان فيه اثار ايام الفراعنه ؟؟ ليه المكرونه الاشكال ( القوواقع والحلزونيه ) بيبقي طعمها احسن من المكرونه العاديه مع انهم مصنوعين من نفس الخامات؟؟ ليه بيقولوا هديه مجانيه ( هى في هديه بفلوس ) ؟؟ ليه ال happy meal بتبقي قليله !! مع ان الوجبه المفرحه لازم تبقي مليانه عشان تفرح ؟؟ ليه بنقول ( باى باى ) ومابنقولش ( هاى هاى ) ؟!! لما الخضار والفاكهه بتساعد على نقص الوزن ... ليه الفيل ما استفادش منها ؟؟ ليه لما الواحد يتكتف بيحس انه عايز يهرش !!؟؟ ليه الاطفال بتسال كل الاسئله الغبيه دى وليه احنا مش بنلاقيلها اجابه !!! |
قولى لنفسك ليه بتسالى الاسئلة الغبية دى
وانتى اللى بتقولى عليان انا غبية من الاسئلة اللى بسالهالك على طوووول هههههههههههه فعلا صدق اللى قال الطيور على اشكالها تقع وكلنا في الهوا سوا |
ماشى يا أم أسئله غبيه
هعديهالك المره دى انا مهما سألت مش هوصل لدرجة أسئلتك المعاقه اخيرا وصلتى ثانك يوم عالمرور يا آنسه |
الموضوع جميل جدا وعادي جدا ثقافة شعوب ودي ثقافة المصريين ولازم نحترم ثقفتنا صدقيني المصريين لهم ثقافة غير ثقافة البشر
هاي قصدي جاي قصدي باي قصدي مع تحياتي صدقيني احسن شعب في العالم احنا المصريين اساءلي بابا او عمك المصريين كانو عمليين اية ايام حرب اكتوبر شوية عدالة وشوية تنظيم وشوية ضمير وبعد كدة شوفي المصريين مع تحياتي |
طبعا يا محمود عارفه ان المصريين أعظم الشعوب
أنا مصريه وأفتخر وأعتز بمصريتى مصر أم الدنيا بس عايزين نصلح الحاجات اللى فيها وندمر الفساد اللى تخلخل جواها مش هينفع كل ما حد ييجى ينقد نقد بناء فى مصر حد تانى ييجى يقوله مصر دى ام الدنيا محدش يتكلم عليها عارفين والله انها ام الدنيا بس ام الدنيا اتملت مفاسد وبلاوى زرقا عاوزين نلحق أم الدنيا قبل ما تموت وتموت ولادها معاها |
يا كارمن كل واحد يصلح حالة صدقيني انتي لو اصلحتي حا لكهوة دة قمة الايمان مع تحياتي
|
أكيد يا محمود
ميرسى ليك |
ميرسياليكي انتي
|
أوكى
|
زيـــــزو
حلو اوى الكلامـ ده يا كارمن فى برضه اسئله كتيـــــر و مواقف فى حياتنا لازم لما تحصل نقول ليـــــــــــــــــه ؟ ؟ ؟ ليه لما نحب حد و يكون هو كل حياتنا يجرحنا ليه مش بناخد بالنا من حد بيحبنا وهيموت علينا ليه بنندم على تصرفاتنا (( طيب م ناخد بالنا ونفكر من الاول )) ليه لما نحب حد نستنى هو اللى يتكلم ليه لو شايفين حاجه وحشه فى حد بنسكت ومنحاولش نقوله فى بعض الاوقات ليه لو جبنا تقدير وحش بنزعل (( طيب م نذاكر كويس )) ليه بنيجى فى اخر ايام الدراسه ونموت نفسنا من المذاكره ليه مبنقدرش نتحكم فى مشاعرنا وعواطفنا مع حد جرحنا ليه لما يسيبنا اللى بنحبه نفتكر ان دى نهايه الكون ليه لما نخلص فى حبنا .اللى بنحبه ميقدرش ده ليه لو بنت اتعاكست فى الشارع عشان لبسها .. بتزعل .. طيب ما تلبسى كويس _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ ليهلما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟! ليه المذيعة بتقول أعزائي أفراد الأسرة.. وهى ما تعرفش حد فينا؟! |
فعلا تساؤلات منطقيه جدا يا زيزو
وللأسف ملهاش اجابه ميرسى ليك عالمرور والرد والاضافه |
يا سلام دانتا اضفت اضافة غريبه بالاضافه لاخرسوألين هههههههههههههههههههههههه كانوا الاغبي في التاريخ هههههههههههههههههههه المذيعه بتتكلم كلام عام مش لازم نسأل ليه امال انتا فاكر اللي قاعدين قدام التلفزيون دول مش افراد اسرة(ممكن يكون الناس بقي حاطين التلفزيون في اسطبل خيول المذيعه بتتمني وقت سعيد احسن من اي وقت مش سعيد ملحوظه: انا نفسي مش بحب الافلام العربي ههههههههه |
ومين يعنى بيحبها يا وليد
دى خنيقه الافلام العربى دى ميرسى ليك عالمرور |
والله ياكارمن الواحد بيشوف الاسئلة شوية يضحك وشوية يستغرب فى حاجات محيرة بجد اقتباس:
هو انتى هنا قصدك ايه ؟!! تسلم ايديك يا زيزو ع الاضافة ومتحرمناش يا كارمن من المواضيع الجميلة دى |
الاجابات وصلت
دى بعض اجابات للاسئلة الى محياركى يست كارمن ليسى جاية من الكنترول هى الكهربا لما بتتقطع بتروح فين ؟؟ بتروح عند بتاع الكهربا ليه في شارع مراد حاطين يافطه مكتوب عليها ابتسم انت في الجيزه .... هى الجيزه دى حاجه تضحك يعنى ؟؟ لا بس عشان تضحكى يقوم واحد معدى يقلك الضحك من غير سبب قلة ادب ليه لما بتطلب ساندويتش من مطعم وتحب تضيف عليه اى اضافه بيزودوا السعر لكن لما بتحب تشيل منه اى حاجه مش بيقللوا سعره ؟ عشان هما طماعين ليه بيقولوا الحب اعمى ؟ مع ان كل اغانى الحب عن العيون نور العين وسحر عنيك وعنيك وحشانى وعينيك كدابين طب لو كان الحب اعمى .. اما ليه واجعين دماغنا بالحب من اول نظره ؟؟ لان بعد اول نظرة بتفقدى بصرك علطول لو اسمك ( ماجد ) وطلعت طيار هتفضل مستحمل قد ايه والناس بتناديلك ( كابتن ماجد ) ؟ لغية محقق حلمى وانتقم من بسام الاخرس بيكلم نفسه ازاى ؟؟ بالاشارة ليه بيقولوا على الواحد لما بينام بعمق انه نايم زى البيبيهات ؟؟ مع ان البيبيهات اصلا بيصحوا كل نص ساعه !! لان البيبيهات بيناموا فى عمق 12 كيلو متر مربع بعد كل نصف ساعة معروف ان اللى ( يتلسع من الشوربه ينفخ فالزبادى ) يعنى انا لو نفخت فالزبادى يبقي ده معناه انى اتلسعت من الشوربه !! اة بس دة يقف على الدرجة المؤية لغليان الشوربة ليه لو واحد قال قدامى كلمه الاقصر بتيجى فبالى صوره الاثار مع انه لو قال كلمه اثار مش هتيجى فبالى صوره الاقصر !!! عشان الاقصر مبتحبش تتصور انما الاثار ليه صور كتير ليه الناس مبتقولش ( الرياضة فايز و مهزوم ) غير لما تتغلب !! عشان يرضوا نفسهم ليه الشامبو بيبقي بالخوخ الطبيعى مع ان عصير الخوخ بيبقي بنكهه الخوخ !! عشان دة ضحك على الدئون ليه اللى سايق عربيه ومشغل الكاسيت اول ما يتوه او يدخل شارع ضلمه يروح موطى الصوت !! عشان العفاريت متضايقش ازاى بتعرف المسند بتاعك فالسينما ؟!! (اللى عالشمال واللا اللى عاليمين) معرفش بس هو الى جنبو بنات ليه الناس بتقول لاى حد فالشارع يا ( باشمهندس ) ماعدا المهندس فعلا بيقولوا يا دكتور ؟!! عشان كلو عند العرب صابون ليه بيقولوا فالاخبار مصرع 9 في فلسطين ومصرع 50 في بغداد ومصرع 57 في زلزال ومصرع 133 في سقوط طائره طب ما يقولوا علطول مصرع 249 واحد في نشره اخبار التاسعه !! عشان الدقة فى الاداء ليه لو الواحد يكون واقف مستنى الاسانسير وخلاص داس على الزرار وباين انه منور بيجى واحد تانى ويروح دايس تانى على الزرار!؟؟ عشان هى دى رخامة المصرين ليه لما تيجى تتصل بواحد .. وطلبت الرقم غلط ليه الارقام الغلط مابتكونش مشغوله ؟؟ (علطول كده تلاقيه رد عليك وهزأك) عشان هو مهزء طب لو كانت الارض كلاه ( زى ما بيقولوا ) طب الماتش هيبدا امتى ؟؟ الساعة الثامنة فى استاد القاهرة ليه هيفا وهبي بتقول ( انا بردانه اح ) مع ان اح دى تتقال للحاجه السخنه يعنى هى المفروض تقول انا بردانه برررررررررررر عشان هيفا الفصول عندها مش متظبتة طب لو زى ما بيقولوا الدنيا مسرح كبير طب انا بمثل ولا بتفرج ؟؟ لا انتى كومبيرس يكارمن ليه بيكلبشوا العربيه اللى واقفه صف تانى وقافله الشارع ... مع ان الشارع بعد الكلبشه بيفضل مقفول برده !! عشان يبقى انت اكيد فى مصر لو الصاعقه نزلت على حد بيموت متكهرب طب لما الصاعقه بتضرب البحر ليه السمك ما بيموتش متكهرب ؟؟ عشان السمك سالب انما الحد موجب لما الواحد بيعلى صوت الكاست ده بيسحب كهربا اكتر عشان الراجل الى فى الكايست بيحب يكهرب هى الحيوانات بتعطس ؟؟ اة لما بيجلها برد ليه لما الواحد بيكون جوه عربيه والعربيه داخله نفق ... تلاقي الواحد يوطى راسه وكانه هو اللى داخل النفق مش العربيه !! عشان دى الاوهام ليه لما تسال واحد على العنوان وتقوله ( شارع كذا فين ) يقولك هما قالولك فين ؟؟ طب ما هما لو كانوا قاللولى مكنتش هسالك وبعدين هما مين اللى قالولى ؟؟ هو بيسالك عشان هو هيفتى |
مشكورين عالمرور وميرسي ليك يا بلبل عالاجابات المقنعه جدا دى |
اقتباس:
ياااااااااااااااه تصدق يا رامي الموضوع ده بقاله ييجي سنه ولسه شايفه سؤالك ده سوري دي غلطة كيبورد لو كانت الأرض كره ؟؟(زي ما بيقولوا) طب الماتش هيبدأ إمتى؟؟ |
| الساعة الآن 02:58 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com