|
كيف تتعامل مع زوجتك
عندما تمشى مبتعدة عنك وهي غاضبة ( إلحق بها )
عندما تنظر إلى شفاهك ( قبلها ) عندما تدفعك أو تضربك ( امسك بها ولا تتركها ) عندما تطيل لسانها عليك ( قبلها وقل لها انك تحبها ) عندما تكون صامته ( اسألها ما المشكلة ) عندما تتجاهلك ( أعطها اهتمامك الكامل ) عندما تريد الابتعاد عنك قليلاً ( لاتوافقها الرأي ) عندما تراها في أسوأ حالاتها ( قل لها أنتى جميلة ) عندما تراها تبكي ( أحضنها ولا تقل شيئاً ) عندما تراها تمشي (تربص لها قليلا وأحضنها فجأة من الخلف) عندما تكون خائفة ( أحميها ) عندما تضع رأسها على كتفك ( أمل راسها قليلا وقبلها ) عندما تأخذ منك شيئاً عزيزا ( دعها تأخذه فلن يكون أعز منها ) عندما تمازحك ( مازحها وأضحكها ) عندما تشك بك ( انسحب قليلا لتعطيها وقتا للتفكير ) عندما تقول لك أنك تعجبها ( فهي حقا تكن لك مشاعر اكبر ) عندما تمسك يديك ( أمسك يديها وداعب أصابعها ) عندما تقول لك سرا ( أحتفظ به ولا تخبر به أحداً ) عندما تنظر إلى عينيك ( لاتلتفت حتى تلتفت هي ) عندما تقول أن العلاقة انتهت ( فهي لازالت تريدك ) أبق على خط التليفون معها ( حتى لو لم تقل شيئا ) عندما تغضب ( احضنها بقوة ولا تتركها ) عندما تقول أن كل شئ على مايرام ( لا تصدقها بل تحدث معها عن المشكلة ) عاملها كأنها كل شئ مهم لك في الحياه |
تسلم يا غالى على الموضوع
|
تم النقل الى القسم المناسب
|
ايه الحلاوه والجمال ده يا محمد
والله لو كل راجل عمل كده مش هيبقى فيه مشاكل ابدا بس بصراحه انا شايفه ان الموضوع ده قمه في الرومانسيه وزياده اوى يعنى مش واقعي خالص ومش ممكن راجل هيعمل كل اللى انت بتقول عليه ده ابدا عالعموم ربنا يهدى كل الرجاله تسلم ايدك يا محمد عالموضوع الرائع |
ياااااااااااااااه هو في زوج يعمل ده يبقي فارس الاحلام اللي خطفها علي حصانه الابيض وطار بس يارب يبقي فعلا ازواج كده متهايالي مش هيبقي في زوجين زعلانين ابدا وانا شخصيا اتمني واحد زي ده طبعا لكني اعتقد انه صعب بس ليه لا الله اعلم بردو
|
عندما تدفعك او تضربك امسكها ولاتتركها هية دي الرجالة يا استاذ لو الراجل با المنظر دة اسف يبقي راجل طرطور لا تعليق تقبال مروري وتحياتي
|
اقتباس:
هو اللى عاوز يحافظ على بيته وميخربهوش يبقى مش راجل ؟؟ هم اللى عاوز واللى عاوز واللى عاوز ------- دول كلهم مش رجاله ومجرد طراطير ؟؟ يا استاذى الفاضل انت ممكن تتفادى المشكله فى وقتها ويبقى فيه تصرفات تانيه لما الامور تستقر شويه يعنى هو الانسان اللى يضرب واللى يشتم واللى يعمل واللى يسوى هو ده اللى يبقى راجل فى نظر سيادتك ؟؟ وميبقاش طرطور ؟؟ قال رسولنا الكريم صلى الله عليه وسلم ليس القوى منكم بالصرعه وانما القوى منكم من يمتلك نفسه عند الغضب صدق الرسول الكريم صلى الله عليه وسلم ولا انا كلامى غلط يا اعضاء الماجيك ؟؟؟ انا قلت اعضاء الماجيك يعنى من الجنسين علشان متقولش انى منتظر راى البنات بس لا انا عاوز راى البنات والصبيان |
اقتباس:
بس لو كانت الرجوله في نظرك هي الضرب والتملك والشده يبقى انت فاهم معنى الرجوله بمفهوم خاطئ تماما المرأه لما بتزهق عليك شويه او ترفع صوتها مره دي مش جريمه لأنها بتبقى ساعتها هلكانه او متضايقه او مخنوقه جدا وغصب عنها بتدفعك او تعلي صوتها عليك ايه المشكله لو انت ساعتها احتضنتها وحسستها انها مش لواحدها في المشاكل وتحمل المسئوليه صدقني هي ساعتها هتحس بغلطها وعمرها ما هتفكر انها تضايقك ابدا ولا بفعله ولا بلفظه وهتبقى انت كده في نظرها وفي نظر كل الناس الراجل الحنين المتفهم الجينتلمان زي ما بيقولوا تحب تضربها وتبقى الراجل الهمجي المتوحش القاسي طب وليه القسوه على زوجاتنا وليه منبقاش حنينين ده الرسول عليه الصلاة والسلام كان بيقول ان الضرب يكون بالسواك وضربه خفيفه كده عشان الزوجه تفهم مش الضرب المتوحش اللى انت شكلك عاوزه آسفه عالاطاله وياريت متاخدش الموضوع بمحمل شخصي ده مجرد نقاش وحوار |
اقتباس:
ياريت اشوف الردود على الموضوع ده http://www.elmjeck.com/vb/showthread.php?t=12738 |
وكنت عاوزه اوضح حاجه كمان يا أستاذ محمود
عندما تدفعك او تضربك هنا مقصود بيها لما مثلا تكون متضايقه جدا وفي لحظة غضب راحت زقتك أو بعدتك عنها فإيه المشكله لما تستحملها شويه وهي متضايقه طبعا مش المقصود بيها انها تضربك كده وخلاص مش هبل هو مش هتضربك يعني ضرب ضرب واذا كان المتكلم مجنون فالمستمع عاقل واكيد كانت واضحه قصادك معنى تدفعك او تضربك |
احبائي اعضاء الماجيك المراة هي امي واختي وزوجتي وبنتي المراة هي الجمال والحياة ولاكن ان تدفعني او تنهرني تطلق فورا
|
اقتباس:
بس مهما كان اهى وجهة نظر ولا بد تحترم شكرا بيبو على ابداء وجهة نظرك |
اخواني اعضاء المجيك انتو شعبتو الموضوع انا كان ردي علي جزئية واحدة وهي دفع واهانة الزوجة لزوجها مفيش واحدة او زوجة محترمة تدفع او تهين زوجها حتي ولو بصة بسيطة الراجل راجل والست ست احنا مجتمع شرقي محترم الاسرة الناجحة التي تحافظ علي التقاليد الدين الاسلامي الحنيف الكل يحترم الكل تقبلو تحياتي
|
اقتباس:
انت عممت الموضوع وقلت ان الراجل ده يبقى طرطور وياريت تقرا الموضوع ده واشوف ردك عليه http://www.elmjeck.com/vb/showthread.php?t=12738 |
اقتباس:
ياريت متاخدش الامور بمحمل شخصى تقبل مرورى |
عندما تضع رأسها على كتفك ( أمل راسها قليلا وقبلها ) من ارقى صور الرومانسيه فى وجهه نظرى |
الموضوع جميل انا عندى كلام كتير ارد بية بس مش عارفة اقولو شكرا ليك |
عندما تقول لك أنك تعجبها ( فهي حقا تكن لك مشاعر اكبر )
|
ميرسى بوسبوس واسامه |
هو الكلام ده ممكن يتحقق لو الزوجه حاولت برضه العكس فى اوقات زهق زوجها ايضا
مش يكون هو الى بيدلل على طول ويحتويها على طول لازم يكون فيه رخو من الطرفين اذا كان احدهم شادد بس ده بعيد عن الواقع |
دي بقى وجه نظرى مجموعه "alska" عندما تمشى مبتعدة عنك وهي غاضبة ( انفضلها ) عندما تنظر إلى شفاهك ( أرجع في وشها ) عندما تدفعك أو تضربك ( أديها في وشها بالبواني ) عندما تطيل لسانها عليك (أقطعهولها) عندما تكون صامته (مصلحه ) عندما تتجاهلك ( انفض لامها ) عندما تريد الابتعاد عنك قليلاً ( المركب اللي تودي ) عندما تراها في أسوأ حالاتها ( احاول استفزها اكتر ) عندما تراها تبكي ( اديها خرقه من المطبخ تمسح بها ) عندما تراها تمشي ( اكعبلها وأأقعد اضحك عليها ) عندما تكون خائفة ( أخضها ) عندما تضع رأسها على كتفك ( اسهيها وهب أشيل كتفي ) عندما تأخذ منك شيئاً عزيزا ( أبلغ الحكومه ) عندما تمازحك ( أأقولها يا بنت الخفيفه ) عندما تشك بك ( أاكدلها شكوكها ) عندما تقول لك أنك تعجبها ( مش مستني رايك ) عندما تمسك يديك ( أأقولها ايديك عرقانه ) عندما تقول لك سرا ( أفضححها ) عندما تنظر إلى عينيك ( أأقولها ايه رايك في الحمار اللي في عيني ) عندما تقول أن العلاقة انتهت ( في ستين داهيه ) أبق على خط التليفون معها ( طول ما في عرض وبكلم ببلاش وفاضي ) عندما تغضب ( أققولها اهدي شويه يا سكر ) عندما تقول أن كل شئ على مايرام ( أفتكس مشكله ) عضو من جماعه ^:)^^:)^ التغيير والهجره ^:)^^:)^ |
اقتباس:
على فكره انت شكلك حد مش كويس او بتلعب على الفاضى لانك لو كنت شفت الموضوع من الاول وتابعت الردود كنت هتعرف انه عليه خلاف وخناقه وتيجى انت سيادتك بكلل تفاهه وتقلبه لموضوع ضحك وتهريج ده ايه الاستخفاف ده؟؟ يا ريت متردش على اى حاجه تانى لو هترد بالمنظر ده |
اقتباس:
على راسى يا باشا والله والله يا باشا انا عاوز اهدى الموضوع بس انا لاقيتكوا متعصبين بس مش فاهم ليه اصلى مراتى حته طينه مبتفهمش ههههههههههههههه يل باشا اضحك اضحك محدش واخد منها حاجه ^:)^^:)^التغيير والهجره^:)^^:)^ |
عندما تكون صامته ( اسألها ما المشكلة ) التعاون والالفه لحل المشكله لازم يبقوا موجودين بين اى زوجين |
| الساعة الآن 07:43 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com