|
حمله الماجيك تحت شعار @@معا للقضاء على عاده قذره@@
السلام عليكم ورحمه الله وبركاته
لقد تعودنا فى هذا المنتدى على المناقشه والجدال ولكن فى الطريق الصحيح ولذلك قبل بدايه شرح الموضوع ارجو من كل الاعضاء ان يدخلوا جميعا لابداء رايهم وارجو ايضا من الاداره تثبيت هذا الموضوع الذى لا يقل اهميه عن موضوع العاده السريه الذى قدمته لنا العضوه كارمن ان هذا الموضوع عاده اخرى ولكنه عاده ذكوريه من بعض المتخلفين من الرجال الذين لا يتعدى مفهوم الزواج عندهم عن مجرد مرأه موجوده بالمنزل ليس لها اى وظيفه سوى اشباع الرغبات الجنسيه واعداد الطعام ونظافه المكان وتربيه الاطفال وفى اخر اليوم لها المكان الذى تنام فيه فقط لا غير اثناء تجولى فى اقسام الماجيك وجدت ردا على موضوع كنت قد كتبته قبل يومين موضوع بعنوان كيف تتعامل مع زوجتك وفى قرائتى للردود على الموضوع وجدت ردا استفزنى جدا لدرجه اننى قررت عمل هذا الموضوع فى الحال بدون سابق ترتيب او تفكير http://www.elmjeck.com/vb/showthread...9225#post79225 الرد كان للعضو محمود سلامه قال فيه بالنص "عندما تدفعك او تضربك امسكها ولاتتركها هية دي الرجالة يا استاذ لو الراجل با المنظر دة اسف يبقي راجل طرطور لا تعليق تقبال مروري وتحياتي" انها قضيه عاده ضرب الزوجه او اهانتها او سبها وشتمها و----و----و----- والرجال الذين لا يعرفون معنى فن التعامل مع الزوجه للحفاظ على البيت من الخراب والهدم ارجو مناقشه هذه القضيه على وجه السرعه وبيان من هو الرجل الذى يستحق لقب طرطور من وجهه نظر كل عضو منا |
انها قضيه عاده ضرب الزوجه او اهانتها او سبها وشتمها و----و----و-----
والرجال الذين لا يعرفون معنى فن التعامل مع الزوجه للحفاظ على البيت من الخراب والهدم فعلا يا محمد دي قضيه خطيره جدا رجاله مش فاهمين حاجه فاكرين اثبات الرجوله بالضرب والشتم وكل هذه الأشياء البذيئه طبعا ده خطأ مليون في الميه يعنى هما الستات دول مش مخلوقات زيكم من ابسط حقوقهم انكم تعاملوهو بإحترام ده الست دي هي اللي شايلاك انت وعيالك هي اللي بتقف جنبك لما بتتعب وهي اللي منظمه ومظبطه حياتك يبقى من ابسط حقوقها عليك انك تعاملها بإحترام وبحنان شكرا ليك محمد على إثارة هذا الموضوع للنقاش |
من حقوق الطفل على ابيه
ان يحسن تربيته وان يحسن اختيار اسمه وان يحسن اختيار امه ما بلك اذا راى الابن ابيه يضرب امه هل يصبح هناك احترام بينهم وكيف تكون هذه الحياه واعلم كما تدين تدان بكره ياتى اليوم الذى يرد الوالد الحق فيه الى امه والرجوله مش بالضرب |
قوة المرأة فى ضعفها
يبقى ازاى احنا نضربها انا ضد الكلام ده وبشدة وفعلا لما بلاقى حد بيضرت مراته بستحقره لان قوة الراجل مش بــ ضرب المرأة بالعكس قوته لما يحميها ويحافظ عليها ومهما عملت لازم يستحمل ويعرف انها زى الزجاج ممكن ينكسر بسهولة والنبى قال: واستوصوا بالنساء خيرا مقلش ادوهم بالجزمة على دماغهم وبعدين ال يضرب مراته يبقى هو ضعيف وملوش شخصية معلش مش هطول عليكم تسلم على الموضوع |
اولا احب ن اشكر كل من قام بالرد على الموضوع
ثانيا احب ان ابين لكم مدى استيائى وزعلى منكم يا اعضاء المنتدى ان هذا الموضوع يجب ان يكون راى عام بمعنى انه ينبغى ان تشارك برايك سواء ان كنت موافق او معترض على الكلمات المعروضه منتظر المشاركات والتفاعل مع الموضوع تقبلوا تحياتى |
ارجو مناقشه هذه القضيه |
فين النقاش اللى قلنا هنعمله؟؟ |
هو فعلا موضوع مهم جدا
ليه في بعض الرجال بيتعاملو مع الست انها جارية عنده تخدمه بس مش اكتر ووقت ماتقول غصب عنها ف مرة لا او تماطل شويه يضربوا ويتهانوا هي الست دي مش انسانه ليها كرامه واحساس زيك منظر الام ايه لما تضرب قدام اطفالها كده هل هتعرف تكلمهم بعد كده او ممكن يربي عند اولادها الكره لابوهم وليه كده فيها ايه لما الست مره غصب عنها تتعصب زي انسان فيها ايه ساعتها لما جوزها يجي يحضنها ويهديها ويقولها انتي اهم عندي من اي شئ ف الدنيا ويساعدها كمان ف اللي بتعمله ليه لا الحياة تعاون اللي بيضرب الستات ده متهايالي سوري بيبقي عنده عقدة او نقص بيطلعه في الستات انا اسفه معلش ده رائي ولو في معارض عادي جدا الموضوع للنقاش وانا مش هزعل من اي اعتراض وهناقش ده رائي المتوضع وميرسي يا فينديزل ع الموضوض لاروعه ده بجد |
ميرسى ليكى يا اميره ويا ريت الكل يتفاعل مع الموضوع |
موضوع جميل جدا يا فان وفعلا يستحق الطرح والنقاش طبعا انا معاك فى ان ضرب الزوج لزوجته وسبها بالفاظ مشينة تجرح مشاعرها واحساسها شئ فى قمة الفظاعة والانحطاط الاخلاقى من الزوج لزوجته . ولكن يجب ان نتفق ان ضرب الزوج لزوجته وسبها ليست عادة لان العادة تشمل مجتمع باكمله ولكنه احساس بالنقص لدى الرجل .، يدفعه هذا النقص لان يكون قاس المعاملة مع زوجته ظنا منه ان بذلك يشبع رجولته ويثبت انه رجل . الرجولة التى اصبح الكثير من الرجال يرسمون لها مفاهيم جديدة خاطئة .،وهم لا يدركون بان هذه المفاهيم تطيح بمعانى ومفاهيم الرجولة من شخصيتهم . الرجولة الجديدة التى رسموها لانفسهم وهو ان " كلمتهم هى الاولى والاخيرة ولا كلام بعد ذلك حتى ولو كانت كلمتهم خاطئة .، ولكنها يجب ان تنفذ " فبذلك يشعر بانه السيد الطاع والسيد المنفذ اوامره . الرجولة الجديدة التى يجب ان يرى زوجته هى الخادمة الضعيفة التى لاحول لها ولا قوة والتى تعيش تحت اقدام سيدها تنفذ له كل ما يريد وكل ما يشاء دون نقاش او جدال ولا يسمع منها سوى كلمة " امرا وطاعة يا سيدى " . هؤلاء الرجال فقدوا رشدهم وصوابهم تخلوا عن عقولهم ورسموا لانفسهم معانى الرجولة وهم يظنون بذلك بانها هى فعلا الرجولة ولكن الحقيقة المستترة فى رسم تلك المفاهيم الجديدة هى اشباع النقص لديهم ليس اكثر ولا اقل . فعفوا ايها الرجال فبهذه المفاهيم انتم فقدوا معانى الرجولة . فالرجولة الحقيقة تكمن فى المعاملة الحسنة مع الزوجة .، ليس باهانتها والتقليل من شانها سواء بالضرب او السب . فالرجولة هى ان تجعل زوجتك اميرة فى بيتك تشاورها وتاخد برائيها .، تجعلها مصباحك لدرب السعادة الذى يضئ حياتك لانها هى كذلك ولا بد ان تعامل كذلك ليس ان تسبها وتضربها . الرجولة اسمى بكثير من ان يشبع الرجل نقص لديه بضربه لزوجته وسبها واسماعها كلام لا تطيق ان تستمع اليه .، فهى بشر مثل كل البشر .، والبشر كرمهم الله . وبعيدا عن كل هذا ..... فان الاسلام العظيم وديننا الكريم دين التسامح والعفو دعانا الى ان يكون التعامل حسن بين الزوج وزجته وان تكون المعاشرة بينهم حسنة وكريمة .، والرسول صلى الله عليه وسلم نبى الرحمة كان اذا احب ان يعاتب احدى زوجاته على شئ كان يضربها بالمسواك وكلنا نعرف ما هو المسواك . لم نسمع فى يوم فى احدى قصص السيرة ان النبى قد ضرب احدى زوجاته واهانها او ان احد الصحابة رضى الله عنهم واسكنا معهم فى جنته قد ضرب زوجته او اهانها . فهذا هو اسلامنا ..... المعاملة الحسنة الطيبة . تانى موضوع جميل يا فان ويستحق النقاش وبما ان اسلامنا ضد ضرب الزوجات فانا ايضا ضده . وارى ان من يهين زوجته رجل قليل الشان ليس لديه كرامة لان كرامة الزوجة من كرامة زوجها .، فان اهانها فقد اهان نفسه اولا . شكرا ليك عالموضوع يا فان واسف عالاطالة تقبل مرورى ورائى . |
السلام عليكم ورحمة الله وبركاته
اولا احب اشكرك على اثارة الموضوع ده لانه فعلا موضوع حيوي وموجود دلوقتي بكثرة ومنتشر جدا جدا وثانيا احب اقول اني عشت التجربة دي صحيح مكنتش بالقسوة اللي انتو بتتكلموا عنها بس عشتها مع زوجي السابق -الله يسامحه - هو كان عصبي شويتين بالرغم من ان اسباب عصبيته كانت تافهة وبسيطة اوي اكتر من اللازم لكنه كان بيواجه الاسباب التافهة دي بخناق وخصام واحيانا وصلت للضرب بس احب اقول للرجالة والشباب كمان اللي في سننا ولسه حيتجوزوا ان الست يكفيها نظرة عتاب والله كافية انها ترجعها لو هي بتعمل حاجة غلط ولو مرجعتهاش يبقى زعل يوم ولو مش كده يبقى زي ما ربنا امر في حاجات كتيرة اوي قبل الضرب وصدقوني لو انا اختكو الصغيرة او الكبيرة حتى اعتبروني زي ما تحبوا بس فعلا الضرب مش هو معنى الرجوله وكمان بالعكس بيصغر الزوج جدا جدا في نظر زوجته وبيخليها تحس انه منغير الضرب ضعيف مش في ايده اي حاجة لكن الراجل اذا اتكلم بهدوء وعقل وحكمة حيكبر اكتر واكتر في عين مراته والله اعرف ناس لما يحبوا ينبهوا زوجاتهم لاي حاجة او يعاتبوهم يخرجوا معاهم في اي مكان - حتى لو اتمشوا شوية في الشارع -وينصحوهم ويعاتبوهم واخيرا احب اقول للبنات والستات كمان متوصلوش الراجل انه يضرب او يغضب لان في رجالة لما بيغضبوا مش بيعرفوا بيقولوا ايه ولا بيعملوا ايه بس بتكون النهاية انكو انتو الاتنين كنتوا سبب في اللي حصل ويمكن توصل لهدم البيت وثالثا واخيرا موضوعك مكنش له حل وبجد بجد اذا كل زوج عمل كده مع زوجته بصراحة مش حيكون في اي خلافات ولا مشاكل ولا كمان طلاق |
اقتباس:
شكرا ليك يا بيكو وانا عاجبنى اوى ردك الجااااااااااااااااااااااااااامد ده |
اولا أحب أشكر العضو الاستاذ vindiesel على الموضوع الشيق جدا جدا جدا وبعدين انتوا هتوجعوا دماغنا ليه ماللى عاوز يضرب يضرب واللى عاوز يشرب يشرب ما دام الزوجه موافقه خلاص انتوا زعلانين ليه وبعدين انا واحد مراتى صحتها بتيجى على الضرب اول ما تقوم من النوم تتخانق معايا عشان اضربها لازم اطحنها انا بشجع كل واحد انه يعذب مراته ويكربكها ويفطرها من العايط وبعدين عادى دى بتبقى تبع الثقافه انا مراتى مخلصه لحد 3 ابتدائى " والعبد يقرع بالعصى " وانا ميكانيكى يعنى لما بحب اجيبلها حاجه بجبلها علبه شحم تشحم بيه ودنها يعنى بعدين الاخ اللى عامل الموضوع زعلان ليه كده متعذب مراتك يا عم وممتعبناش احنا والستات اللى داخلين يعلقوا ميخنقوناش انتى كده كده مسيرك هتتطرحى ارضا من العذاب وعلى راى المثل قوه المراه فى ضعفها فلازم اضربها عشان اخليها ضعيفه وهزيله وهام الستات مبيجوش الا بالضرب ع دماغهم ومش هينفعوا غير لما نشغلهم يبيعوا خضار فى السوق عشان يحسوا بالنعمه اللى هما فيها طول ما هى عايزه اديها الطحن الطحن الطحن الطحن عضو فى جماعه ^:)^^:)^التغيير والهجره ^:)^^:)^ |
اقتباس:
اولا ميرسى ليكى يا مرور الكرام على الكلمتين اللى فى الجووووووووووووووول ثانيا انا اسف انى خليتك تفتكرى الاموضوع المؤلم بتاعك ده مع زوجك السابق ثالثا اتمنى انك تحاولى تنسى التجربه المؤلمه دى من حياتك رابعا اتمنى ان كل شاب وشابه شافوا النصايح اللى فى رد مرور الكرام يعملوا بالنصايح دى علشان نتفادى الخلافات |
وانا يا باشا مشكرتنيش ليه يا باشا والله كلامى حلو وزى الفل اشكنى بقى يا باشا والله انا عاوز اشارك معاكوا ^:)^^:)^التغيير والهجره^:)^^:)^ |
شكرا جدا على ردك وعلى شكرك
وكمان شكرا كمان مرة على موضوعك ومفيش داعي للاعتذار مش سهل ان الانسان ينسى تجربة صعبة عاشها بس الاهم انه كل ما يفتكرها يتعلم منها ومتعديش عليه زي ( مرور الكرام ) والأهم ان مش كل زوجة زوجها ضربها في يوم تشيلهاله وتفضل تفكره بيها كل شوية لا ولو زوج مزعل زوجته وجه جنبها وقالها معلش حقك عليا مكنش قصدي ازعلك والله لتعيط ويصعب عليها كمان انه جه يعتذرلها ويا سيدي لو كرامتك فظيعة اوي يعني هات لها وردة ومتتكلمش ولا كلمة وهي لوحدها حتفهم:) :) |
بسم الله الرحمن الرحيم
اولا لك كل الشكر والاحترام وتقدير على الموضوع احب اعلق على الموضوع واقول انوالرجوله مش جسم قوي او صوت عالي لا الرجوله تفاهم حنيه ثقه لو كل واحد عمل كدا صدقني حيعرف يكسب حب واحترام مراته وبنظري الطرطور هو الي موجود ومش موجود يعني سايب الحبل على الاخر لايعرف مرته ريحه فين ولا جايه منين والف شكر على موضوعك |
اقتباس:
يابنى قولتلك قبل كده لو هترد بالطريقه البايخه دى على اى موضوع تانى يبقى احسن انك متردش وانا مش هقولك اكتر من انك انسان مش كويس |
|
اقتباس:
اولا : أحب أأقولك يا باشا لاحظ ان كلامك جارح وجرحني أنت تعرفني منين علشان تقول عليا أنسان مش كويس انا متربي وعارف يعني ايه نقاش وجدال ونحو ونصوص كمان احنا متعلمين برده وفاهمين في الكلام ده ثانيا :انا بقول وجهه نظري والكلام ده يمشي على أهل بيتي يا باشا أنا لو زي ما انت بتقول كده سبت مراتي تهزر معايا هموت تاني يوم انت متعرفهاش دي قادره دي جت تهزر معايا حتطلي سم في الاكل وقعدت تضحك =)) =))=)) تاني مره حبت تخليني أغير عليها جت في يوم لقيتها بتبوس أخويا ومفهماه اني كده هغير عليها يبقى دي يا باشا أعاملها ازاي بالجزمه طبعا يبقى لازم تقبل بالرأي والراي الاخر وترد عليه بطريقه تليق بمقامي يا باشا عضو فى جماعه ^:)^^:)^التغيير والهجره ^:)^^:)^ |
اقتباس:
انا علشان بحترم حريه التعبير هحترم التعدي عليا بكلمه جهل وبحييكي على شجاعتك انك مخوفتيش مني وشكرا على ردك أنسه لحمه حب عضو فى جماعه ^:)^^:)^التغيير والهجره ^:)^^:)^ |
| الساعة الآن 12:23 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com