|
أبوس إيديكم متفضحوناش يا بنات!!!!!
آنستي العزيزة.. لو ربنا فك عقدتك.. واتخطبتي..فإليك نصائحي حتى تأخذي بخطيبك من مركب الخطوبة بس خليها وانتو مكتوب كتابكم بلاش خروجات من غير عقد (عشان الرقابة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد.. أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقه 1- لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا 2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفّي زي ما إنتِ عايزه.... 3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزاكي تنسى تمامًا.. السلطانية اللي بتقيميها على بقك ف البيت.. وتدلدقي على روحك بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة..... 4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.. 5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.. 6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك.. 7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت.. 8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي.. 9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.... ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح هدومك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا |
فن الاتيكيت المزيف
مشكور ليكى على الموضوع |
دائما مميزة وبنت بلدوهية دي خفة دم المصريين الموضوع ممتاز
|
يا سلام يا سلام هى دى الوصايا العشر ربنا يكرمك
علشان كده انا مش ناوى اخطب يعنى هتبقى خطوبه وشهر واحد وبعدين الجواز |
اقتباس:
فعلا بس متنساش ان ده هزار ميرسي على مرورك اسامه وخللى بالك اكيد انت مش هترضى ان خطيبتك متكونش شيك في تعاملها مع الاكل |
اقتباس:
والله انا بيسعدنى كتير اوى انى ارضيك |
اقتباس:
ما هو بعد الجواز بردو لازم الواحده تبقى شيك مش في الخطوبه بس ميرسي هيما على مرورك |
اقتباس:
شبك فى التعامل مع الاكل معتقدش اداب الاكل اهم من الشياكه فى الاكل وبعدين تكون شيك فى التعامل معايا انا قبل الاكل |
ما هو اداب الاكل
بتؤدى الى الشياكه فى التعامل مع الاكل وهما الاتنين بيكملوا بعض ولابد منهم وعشان تبقى شيك في التعامل معاك لازم بردو تبقى شيك فى التعامل مع الاكل لازم الشياكه في كل شئ عشان ميحصلش نفور من اى طرف للطرف الآخر واللا أنا غلطانه؟؟؟؟؟؟؟؟؟؟؟ |
اقتباس:
|
هو مفيش فايده
ده انت مصمم بقى ماشي يا سيدى عارفه انى مش هاخد معاك ولا حق ولا باطل ميرسي يا اسامه على مرورك |
ههههههههههههههههههههههههههههههههههههه
مش حنسة يسلمو عللى الموضوع |
هههههههههههههه
تصدقى معلومات باردو لازم ناخد بالنا منها بس لما ييجى هو بس يخطبنى وربنا يسهل في العزومات بعد كدة وبعدين ده احنا الشياكة نفسها فاكرة البيتزا اللى فى الجامعة هههههههههه |
ههههههههههههههههههه
يالهووووويز ده انا اتشليت وانا بقطعها سكينه هباب ميرسي مانوللى على مرورك ميرسي ملكة الحب والرومانسيه منوره المنتدى وكل اهل سوريا منورين |
المشكلة ان ده بيحصل بس ف الخطوبة لكن فى الجواز تلاقيها
واخدلها 3 كراسى وحاضنة طبق الكوشرى وطز ف ال قاعد جمبها كفاية عليه يعد ع شلتة ويمص ف ايديه تسم الايادى يا عسل |
هههههههههههههههههههههههههههههههههههه ههههههههههههههههههههههههههههههههههه بجد اول مرة اضحك فى الامنتدى من قلبى |
ههههههههههههههه
يعطيك العافيه ياقمر علم وينفذ وحنرفع راسك |
هههههههههههههههههههه
ميرسي كتير علي وأحمد ولمحه عالمرور الجميل نورتونى |
انتى شكلك كده من بتوع الكفور والنجوع ههههههههههههههههههههههههههه انا مش قادر امسك نفسى من الضحك على الكلام اللى مش متوقع انى اسمعه من واحده بنت |
صحيح ملكوش أمان
يعنى الواحده تكون محفلطة ومتزوقة وتشوفها قمة الرقة والشياكة وكلها يومين وبعد الجواز تقلب الشاويش عطية مش بعيد حتى تلاقيها همممم تلاقيها بتحلق شنبها بالموس ههههههههه ولا اييييييييييييييه؟ |
ده أنا حسيت ان وحش بياكل مش انسه خالص ههههههههههههههههه تسلمى كارمن |
ههههههههههههههههههههه بس لية التعذيب دا كلو متخليها على طبيعتها احسن ولا اية بس تسلمى على الموضوع يا قمر |
اولا تسلم ايدك ياكارمن
بصراحه اهم مافي البنت روحها وليش شياكتها ف الاكل ولا المعامله والشكل الخارجي اهم شئ الروح والروح بتجيب كل شئ |
ندى وبوسبوس وصاحب ورضوان ومحمد
ميرسي كتير على مروركم |
| الساعة الآن 08:58 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com