|
ليه الحب بيضيع مننا ومين السبب?
الــــــــــــلام علــيكم ورحــمة الله وبــركـاتــه ــــــــــــــــــــــــــــــــــــــ موضوعنا للنقاش هو من المسئول عن ضياع الحب وهو موضوع من اكثر المواضيع حساسية هذه الايام ولذلك نرجو المناقشة ومعرفة الاسباب الايجابية والسلبية فأذا تكلمنا عن الحب ــــــــــــــــــــــــــــ فهو من اسمى واجمل المشاعر التى يشعر بها الطرفين سوء الشباب او البنات وهو غريزة وضعت بداخلنا ولكن حينما يضيع هذا الحب من يكون المسؤل عن ضياعه هل الشاب هو المسؤل وهو دئما صاحب القلب القاسى الذى يقسى ويغدر بحبيبته؟ ام انها البنت التى تطلب طلبات مستحيلة وكذلك خيانه ****** الموضوع حقا محير ويجيب مناقشتة على اكمل وجه وهو من المسؤل عن ضياع الحب ـــــــــــــــــــــــ |
طبعا اللي انت بتتكلم فيه ده يا يوسف موضوع فعلا مهم جدا و كويس جدا جدا جدا بس واضح ان الشباب هنا مش مهتمين بالموضوع ده بس انا اقولك ان ساعات الاتنين بيبقوا سبب في ضياع الحب ده بسبب تحكيم العقل زيادة عن اللازم انا مش بقول انك تسيب عواطفك و مشاعرك هي اللي تحدد مصير الموضوع ده لازم يبقي في عقل بس مش عقل اللي هو يؤدي الي المصلحه الموضوع يا يوسف ملهوش علاقة ببنات او ولاد اي حد ممكن يبقي السبب في ضياع الحب ده و ممكن يبقي حد ملهوش في الموضوع اصلا. و شكرا لك اخي يوسف علي الموضوع الجميل ده و يا ريت يبقي في تفاعل شوية يا جماعه تقبل مروري يوسف |
بص يا معلم احنا كلنا شباب "اولاد وبنات" يعنى اللى انا هقوله كلنا عارفينه كويس لاننا بنشوفه كل يوم فى الجامعات بتاعتنا وبيحصل ادامنا ممكن يكون الولد هو السبب فى ان الحب يضيع وده طبعا لانه بيبقى حاسس انه هو الراجل ويأمر وينهى براحته من غير ما ياخد باله من مشاعر حبيبته ونلاقيه كمان بيفرض سيطرته عليها غصب عنها وبالتالى طبعا بيبقى ليها حق انها متستحملهوش وتسيبه ويبقى فراق بلا عوده وهنا يكون الولد هو السبب فى ضياع الحب وعلى العكس ممكن تكون البنت هى السبب فى ان الحب يضيع وده نتيجه انها بتتدلع زياده عن اللزوم وطلباتها مبتخلصش ومش بتسمع الكلام سواء صح او غلط وكل شويه نازله زن على ودانه فى طلبات ممكن ميكونش يقدر عليها وتفضل تحسس الولد انها بيتقدم لها ناس كتير وان هو لازم يحمد ربنا على انها لسه راضيه بيه وطبعا لازم بعد ده كله يبقى فراق وقطيعه ويبقى البنت هى السبب فى ضياع الحب اعتقد ان الكل فاهم كلامى وطبعا لو هنتكلم باستفاضه يبقى مش هنخلص النهارده |
فعلا انتو الاتنين عندكم حق ياجماعة طيب ماهو ممك يكون الحب من طرف واحد ود يسببة ضياع من الترف الاخر صح بردة ولا انا غلطان شكرا لكم علي ردودكم الجميلة وارجو المزيد اية ياجماعة انا راي البنوتات العسولات انتو فين انتوا اختفيتوا ولا اية علشان فعلا الموضوع دة مهم جدا يلا انا مستني الردود وياريت تكون بسراحة من الجميع |
يا يوسف انت لو دخلت في موضوع الحب من طرف واحد يبقي انت دخلت في موضوع تاني خالص غير اللي انت بتتكلم فيه ده لان الحب من طرف واحد ده كارثة و موضوع كبير جدا بس الطرف التاني مش بيبقي ليه زنب يا يوسف لانه مش حاسس بالطرف الاول و الطرف الاول بيفضل طول عمره خايف يواجه الطرف التاني عشان ميتصدمش منه و لو واجهه و الطرف التاني موافقش ده حقه لانه اصلا مش بيحبه فده كده ميبقاش ضياع حب ده كده ميبقاش في حب اصلا غير من الطرف الاول و هيبقي هو اللي غلطان. يا جماعه ارجوكم تفاعل الموضوع حلو بجد تسلم ايدك يا يوسف |
اولا تسلم على الموضوع ويعطيك العافيه السبب في ضياع الحب ليه اسباب كتير ساعات بتكون الظروف الي الشباب اكتر شي عايشنه وساعات بتكون مجرد مرحله وساعات الاهل وساعات بتكون عدم تحمل يعني في كتير بيختاره للاسف الطريق الاسهل الحب في الزمن دا بقي نادر وللاسف احنا الي وصنا لكدا ولمن نجي ندور عليه طبيعي مش حنفهم مين الغلط بس الحب فيه بس خلينا ندرو على نفسنا الاول
|
تسلم ايدك يوسف على الموضوع المهم والمحير ده أنا من رايى ان ادام الحب ضاع يبقى هو مكنش حب اصلا بمعناه الصح ممكن يكون مش من الطرفين ممكن يكون طرف بيحب بجد وطرف داخل يجرب او ممكن يكون الطرفين بيحبوا بعض بجد وده غالبا بينجح الا لو استسلموا لأى معوقات قدامهم الأهل مثلا او البطاله يعنى لو الحب ضاع او انتهت قصه الحب يبقى السبب يا الولد يا البنت يا الأتنين يا اى عامل خارجى اثر فى علاقتهم ده من رايى انا وميرسى يوسف لموضوعك وسورى للتأخير فى الرد |
ياحمد انا مدخلتش في موضوع تاني ولا حاجة فعلا شاعات ممكن يكون الحب من طرف واحد ودة بردة ممكن يبوظ الموضوع صح شكرا لك احمد شكرا ليكي لمحة حب بس فعلا الحب نادر في الزمن دة لكن فعلا في حب حقيقي في اشخاص محددة وبعدين احنا لما نلاقي نفسنا اكيد هنلاقي الانسا الي بنسق فية جدا ونحبة صح فعلا عندك حق nada minnie فعلا طيب يعملو اية علشان يقفوا قدام المعوقات انا من رايي الانتحار للطرفين ههههههههههه شكراnada minnie ارجو من اعضاء المنتدي انت يتعاملو مع الموضوع باكثر فاعلية ويردو لانه موضوع مهم جدا شكرا لمروركم جميعا |
بصراحة انا شايف ان موضوعك مميز وحساس في نفس الوقت
وكمان من رأي ان البنت او الواد مش هما السبب دايما ممكن في اسباب تانية .... زي الاهل الي بيكرهوا ان ابناءهم يحبوا في وقت مبركر او يكون ليهم تجاارب في الوقت ده اعذرني يا يوسف يا حبيبي ده بس دلوقتي بس عشان تعبان حبتين ليا عودة .... تقبل تقيمي |
اولا موضوع مميز جدا يا يوسف ثانيا بقى رأى المتواضع الحب حاجة جميلة اوى واحساس رائع فوق الوصف حاجة بتخلينا سعداء اوى اوى بيها احساس بنلاقيه فى حاجات كتير اوى اجمل حاجة فى الدنيا لما تلاقى حد بيحبك وانت بتبادله نفس الاحساس واجمل حاجة برده فى الدنيا لما يكون اللى بتحبه حاسس بيك وبيفهمك علطول الحب بنلاقيه فى حاجات كتير اوى فى حياتنا لأنه بيتولد مع الانسان وبيكبر معاه بيتولد بمجرد ما الانسان بيتولد بنلاقى نفسنا بنحب الست الطيبة اللى كانت سبب فى وجودنا فى الدنيا اول ما بنزل من بطن امى بلاقى نفسى بحبها غصب عنى وبحس بيها ومش برتاح غير فى حضنها بعد كدة لما بكبر بعرف ان فى راجل هو اللى بيراعينى وبيعملى كل اللى انا عاوزه وبيتعب عشانى وهو والدى ولما بكبر شوية بعرف اصحابى وببدأ يبقى فى حب من ناحيتى ليهم شوية شوية واصحابى بيكتروا ويبدأ حبى ليهم يزيد لحد ما الاقى شريكة حياتى واحبها وتحبنى يبقى الحب موجود فى حياتنا علطول بس زى ما الحب ليه مزايا برده ليه عيوب الحب سلاح ذو حدين أولا حب طاهر وشريف ومش فيه اى مصالح ثانيا حب مصلحة وده بنلاقى فيه خيانة وجرح وحاجات كتير اوى وحشة بس عاوز اقول حاجة اننا ما نقدرش نجيب العيب فى الاخر على الحب لأن اى مشكلة بتحصل بنبقى احنا سببها لو حبينا بعض بجد وارتبطنا ببعض هيبقى الحب حاجة جميلة اوى معلش يا يوسف طولت عليك بس ده رأى المتواضع |
فعلا بجد انت عندك حق يابوسف بسي بسراحة ساعات الطرفين يايوسف بيكونو هما اللاتنين غلاطنين ولزما ييجوا علي نفسهم في كل حاجة بيعملوها وحسين انهم مش هيردو بعض وفعلا موضوع جامد جدا يايوسف شكرا لك |
كلام جميل جدا جدا جدا من كل الاعضاء اللي ردوا و كل واحد ليه وجهة نظره اللي مقتنع بيها و كلهم صح علي فكرة بس انا عن نفسي عايز اسمع اراء تانيه اكتر يا جماعه و شكرا للجميع علي الافادة |
شكرا لمشاركتك احمد fox man يلا ياجامعة تفاعلو لاني فعلا الموضوع مهم جدا |
يجماعه الموضوع ده مهم جدا جدا بس المشاكل بتكون مشتركه بين البنت والولد وانى البنت بتشوف انها صح والولد بيشوف نفس الشي انه صح بس الى بيحب ما بيكرهشي ولا بينسي ولكن ممكن العلاقه تتغير والحب يقل شويه شويه بس بيرجع تانى لو في حاجه سعدتهم تانى زى مكلمه موقف جميل مناسبه سعيده مقبله رقيقه لكن في حاجه ما ينفعشي الرجوع فيها وهيا الخيانه من اى طرففيهم اى كان الولد او البنت يعنى عاوز اعرفكم انى الحب عمره ما بيبعد ولا بيضيع بس ممكن ينجرح ويموت وبنتهى |
الله الله الله الله بجد كلام جامد جدا يا دودو ايه يا ابني الحلاوة و الجمال ده تسلم ايدك بجد يا دودو علي الكلمتين دول ياله يا جماعه عايزين تفاعل اكتر من كل اعضاء المنتدي |
فعلا الله عليك يوسف موضوع مميزجدا ويستاهل المناقشه فيه
من رائيى ان مش دايما الانفصال من اى حدمن الطرفين لانه زى مقال برينس ممكن يكون من الاهل =((اولا=(( الحب لوحب صادق من الطرفين عمرماى طرف منهم ولاالولدولاالبنت هيقدروا الاستغناء عنه بمعنى ان كل منهم هيبذل اقصى مجهودلاسعادالاخرفيكون ليه الانفصال =((ثانيا =(( اقدر اقول ان الانفصال من الولد اذا كان هواصلا مش كان بيحب بمعنى انه كان بيتسلى بالحب ده وبردو من البنت لان مش كل الحب صادق وطاهر بالمعنى اللى دايمانتكلم عن الحب بيه لان فى ناس متخصصه كلام اصلا فالحياه وبيعرفوا ازاى يأثروا على اى حدطبعازى مابنشوف قدامنا كتير وفالاخريطلع اصلا انه مش هيتجوز البنت اللى ارتبط بيها وممكن ده يحصل كمان من بنت بس مش كلهم لان البنات عامتالمابيحبوابيحبوابجدوبيبقوا نفسهم يعملوا اى حاجه ترضى اللى بتحبهولاكن فى اللى يقدرمعنى الحب وفيه اللى بيستهترفيه وياخده على انه مجردلعب اوتسليه لحدماخلص جامعه وكدا يعنى وفى ناس بجدتستاهل الحب والتقدير ده وفى ناس اصلا مش بتقدر معنى الحب اطلاقا=(( وشكرا جدا عالموضوع %%-وتقبل منى مرورى%%- |
كلام مظبوط (lost) بجد تسلم ايدك علي الافادة و لسه يا مجاعه احنا عايزين كل الاعضاء تقول رائيها في الموضوع بجد و بعد كده نبدأ نتناقش فيه يعني كل عضو يدخل يقول رائيه و بعد كده نبدأ نتناقش في كل المشاركات |
كلام جميل جدا من العضوة المميزةlost loveالحب لوحب صادق من الطرفين عمرماى طرف منهم ولاالولدولاالبنت هيقدروا الاستغناء عنه بمعنى ان كل منهم هيبذل اقصى مجهودلاسعادالاخرفيكون ليه الانفصال شكرا لمرورك اية الكلام الجامد دة يابن حتتي ياجامد وفعلا عندك حق لكن في حاجه ما ينفعشي الرجوع فيها وهيا الخيانه من اى طرففيهم اى كان الولد او البنت يعنى عاوز اعرفكم انى الحب عمره ما بيبعد ولا بيضيع بس ممكن ينجرح ويموت وبنتهى شكرا لمرورك احمد وشكرا لمروركم جميعا تفاعلو ياجماعة الموضوع مهم جدا جدا جدا اية ياadmin انت فين ردك انا مستني ردك يامعلم يالا ياجماعة |
يالا ياprince of alex ادخل وكمل ردك علشان فعلا الموضوع ده مهم جدا للناس كلها وانا عايز الردود تكون كاملة وواضحة لكي تنهار زروة الكلام الخاطئ ومش prince of alex بس لا انا عايز اشوف رد admin ......وsliver يالا ياجماعة تفاعلو مع الموضوع لانة موضوع مهم جد وتقبلوا مني جزير الشكر ولاحترام |
واضح يا يوسف ان الناس دي مش فاضيالنا و لا فاضيه للموضوع ده و لا حاسه باهميته تعالي نفتح باب المناقشة انا و انت في الموضوع ده و اكيد الباقي هيدخل و يرد و يشارك |
يالا ياجماعة انا هوافق علي كلام احمد وهافتح مجال للحوار في الموضوع دة وهاعمل نظام جديدانا هاعمل الموضوع دة نظام شات كل واحد يخش ويرد بنظام االشات بالضبط بس علي شرط يكون فقط للموضوع وهو لية الحب بيضيع مننا ومبن السبب انا بسراحة عجبتني الفكرة دي اوي وانا حاسس ان هي هاتعجبكم اوي الفكرة دي يالا ياجماعة كلكم تفاعلو مع الموضوع لانة مهم جدا تقبلوا مني جزيرلا الشكر والاحترام |
يلا ياجماعة انا هبدا ............... اية معني الحب بالنسبة للشباب والبنات اية معني ان واحد يقول كلمة بحبك وهل ينفع يقولها لاي حد يالا انا مستني الردود ياجماعة من الشباب ومن البنات يالا وانا هبدا معني الحب هو ان لا احب االشئ الذي امام عيني ولكن حب الانسان من طبيعة اخلاصة وطريقة تفاهمة معي ومعني كلمة بحبك ان افعل شي للحصول علية من كثرة الحب الذي احبة |
طيب انت هنا يا يوسف بتتكلم عن حب الانسان لشئ مش حب واحد لوحده بس كلامك مظبوط و اللي فعلا بيحب حاجه يعمل عشانها المستحيل بس مش دايما بتنجح يا يوسف انك تاخد الحاجه دي و هي دي عقبات الحب ياله يا جماعه عايزين مشاركات و افادات اكتر و اكتر |
عارف ياحمد لية الواحد ميكنشي متفائل دايما ويعمل الحاجة الي هو بيحبها وعايزها انت عارف لية علشان الانسان .. .. .. .. جبان عارفيين لو مبيخفشي كان عمل اي حاجة في سبيل ان الحب ميضعشي ودي هتبقي حاجة كبيرة جدا لاني الحب كدة عمرة ماهيضيع ابدا ولا يحصل انفصال من الطرفين بسي انت عارف الاعضاء بتوع المنتدي بتعانا انا حاسس ان هم زي الشي الي فوق دة هيفضل طول عمرة جبان هيخافو بردوا ويطلعوا الي في قلبهم بالنسبة مين الي هيضيع الحب من الشباب او البنات بسي مش عارف لية انا زعلان لاني انا غلط في كل الي في المنتدي وقلت ان هما جبنات بسي هما المفروض يااكدوا ليا ان هما مش جبناء لاني انا فعلا انا عرفهم واحد واحد من الردود علي جميع المواضيع |
كلامك مظبوط يا يوسف بس انت خليت العيب علي اللي بيحب ليه متكونش الظروف يا ابني انا شايف ان الظروف بتبقي ساعات اقوي من اي حاجه يا يوسف و مش بتقدر تعمل اي حاجه |
شكرالي لكل اعضاء المنتدي لاتاحتهم الفرصة بكتابة الموضوع والرد علي نفسي وارجو من المدير نقل الموضوع الي سلة المحذوفات طالما الموضوع لم ينال اعجاب الكل فارجو ان ينقل الي سلة المحذوفات وشكرا للجميع تقبلو مني جزيل الشكر ولاحترام |
مش عارف اقولك ايه يا يوسف انت عندك حق بس انا قولتلك افتح مجال للحوار بيني و بينك بس و اللي عايز يدخل يرد و يفيدنا اهلا و سهلا مش عايز براحته احنا مش هنضرب الاعضاء علي ايديهم عشان يردوا كبر يا عم يوسف و كمل و انا معاك اعتبره شات يا عم و انا و انت بنتكلم في الموضوع ده بس |
| الساعة الآن 11:43 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com