|
حمله لا للاباحيه ........ انت معنا ؟؟؟
الكلام منقول بالحرف من منتدى أخر لتعم الفائدة ازيكم يا احلى شباب يا اقوى رجاله يا اذكى عقول فى الدنيا كلها انهارده انا جايلكم بفكره حمله ضد الاباحيه اللى بيعملها الغرب وبيدفعوا فيها المليارات عشان اقوى شباب يبقى اضعف واخس شباب عشان حياتنا تبوظ اكيد هنسأل طب واخره الموضوع ايه؟؟؟؟ عايزنا نعمل ايه؟؟؟؟ لو كل واحد حط اى صوره من دول فى توقيعه يبقى شارك http://img228.imageshack.us/img228/2659/453qt.jpg http://img130.imageshack.us/img130/9...0969034859.jpg http://img10.imageshack.us/img10/439...218eb533f9.jpg لو كل واحد فينا عنده المشكله دى وكف نفسه عن الحرام يبقى شارك معانا لو كل واحد فى بيئته عنده واحد صاحبه كدا او اخوه ونصحه لو بكلمه يبقى شارك معانا على الاقل يبقى عندنا حاجه ندافع بيها عن نفسنا قدام ربنا دا اللى فى ايدينا نعمله يا عرب مصر من اولى الدول فى فتح المواقع الاباحيه يا سلام والمنوفيه من اولى المحافظات فى فتح المواقع الاباحيه ايون يا سيدى خلاص معندناش اى نخوه تجاه وطنا عايزين نمع نفسنا من الحاجات دى بصواا انا جايبلكم تاريخ الاباحيه بالكامل وبنقولها وبأعلى صوت لا للأباحيه NO FOR PORNO الإباحية ( Pornography) ،الإباحية هي فن اثاره الغرائز . تختصر الكلمة بـ porn أو porno وهي و تخلط غالبا مع erotica. يمكن استخدام الإباحية من خلال مجموعة متنوعة من وسائط الاعلام المطبوعة الصور والنحت والرسوم المتحركة والتسجيلات الصوتية والأفلام وأشرطة الفيديو، وحتى ألعاب الفيديو تاريخ الاباحيه الإباحية قديمة قِدم الحضارات البشرية وتجلت الملامح الإباحية في بعض المجتمعات القديمة من خلال النقوش والآثار التي تصور أوضاعاً إباحية كثيرة في الحضارات القديمة. مؤخراً، انتشرت الإباحية بفضل تطور وسائل الإعلام. فصناعة المواد الإباحية متزايدة الإنتاج والاستهلاك، ساعد على نموها السريع التطور التقني وظهور أجهزة الفيديو وأقراص الفيديو الرقمية CD و DVD، وشبكة الانترنت. و يوجد أنواع مختلفة من الإباحية تعتمد على الأنتماء الجنسي وحسب الأشخاص. هذا يطلق العنان للإجراءات القانونية من جانب الذين يعارضون الإباحية فاسحا مجالا واسعا للتأويل. كما يوفر فرص العمل المربح على الجيوش من المحامين لدى الغرب. بينما قد تكون منظمة بقوانين تسمح للعاملين في هذا المجال بتطوير وتوزيع إنتاجهم وفق قوانين معتمدة تراعي بين الرغبة البشرية في الإطلاع على هذه الممارسات وبين الرغبة في الحفاظ على مستوى لائق من الأخلاق العامة والفردية بنفس الوقت، كأن يُمنع عرضها على شاشات التلفزيون بدون تحذير عن المحتوى أو منع دخول المراهقين لدور عرض السينما لمشاهدة هذه الأفلام. تجاره الاباحيه في سبعينات القرن العشرين، انتشرت المجلات و الأفلام الإباحية نتيجة الثوره الجنسيه في الغرب, و في الثمانينات مع أختراع الفيديو زادت هذه التجارة بصورة كبيرة, و مع بداية التسعينات ظهرت ألاف من المواقع الإباحية علي الأنترنت و بدات الكثير من الشركات ببيع الأفلام الإباحية عبر الأنترنت وفي دراسة بريطانية كشفت أن ثلث المجتمع الإنجليزي يستخدم المواقع الإباحية على الإنترنت، مما ينعكس سلبا على العلاقة الجنسية الزوجية، وتؤدي إلى حدوث جرائم عنف واستخدام المخدرات، كما وجدت دراسة بريطانية أخرى، ارتفاع معدلات الوفيات عند الرجال في سن 20 ـ 40 عاما نظرا لإدمانهم على تلك المواقع. ويصعب تقدير عائد تجارة الإباحية في الولايات المتحده, ولكن في عام 1970 قدرت دراسة فيدرالية القيمة الكلية للإباحية بما لا يزيد عن 10 ملايين دولار وفي عام 2001 قدرت دراسات مجموع تجارة الإباحية ما بين 2.6 و 3.5 بليون دولار أمريكي وكان توزيعها كالأتي: الأفلام الإباحية ++ 500 مليون إلى 1.5 بليون الإنترنت 1 بليون المجلات 1 بليون المجموع 2.6 و 3.5 بليون نظره الاديان للاباحيه الاسلام يحرم الاسلام الإباحية بكل صورها تحريما مطلقا ويحرم أن ينظر الإنسان لعورات الأخرين المحرمين شرعا (هذا بخلاف الزوج والزوجة) لقول القرآن {قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون ، وقل للمؤمنات يغضضن من أبصارهن ويحفظن فروجهن}سوره النور : 30- وعن ابى هريره""أن النبي قال له(لكل بني آدم حظ من الزنا فالعينان تزنيان وزناهما النظر واليدان تزنيان وزناهما البطش والرجلان يزنيان وزناهما المشي والفم يزني وزناه القبل والقلب يهوى ويتمنى والفرج يصدق ذلك أو يكذبه)"" رواه مسلم و احمد المسيحيه فقد ورد في الانجيل أيات كثيرة ثحرم الإباحية تحريما مطلقا حيث لقول المسيح {اذا نظر رجل لأمراة ليشتهيها فقد زنا بها في قلبه} واية أخرى { فأن كانت عينك اليمنى تعثرك فأقلعها والقها عنك .لأنه خير لك ان يهلك أحد اعضائك ولا يلقى جسدك كله في جهنم.} مين معايا يا شباب؟؟؟؟؟؟؟ مستنيكم يا خير جنود الارض ---- جزى الله خيرا كاتب الموضوع وبالتوفيق للجميع |
اهلا gollom ايه الموضوع الجامد ده انا اول المشاركات في الموضوع واخدت الصورة خلاص وححطها من دلوقتي |
تسلم ايديك يا جولوم حملة لايقاف المواقع الاباحية بمصر ... لا للاباحيه ..."شارك معنا"وأنت فعلاً اتكلمت على موضوع حساس واتكلمت ع حاجة بتنتشر بسرعة البرق والمواقع الاباحية كل يوم عن يوم بتزيد وفعلاً دى بقت حرب " حرب الكترونية " يارب احفظ كل شباب المسلمين ،،،، وهناك موضوع ضد الاباحية ايضاً نتمنى من الجميع المشاركة فيه جزاك الله عنا خير الجزاء والله المستعان |
|
تسلم يا جولد قصدى يا سيلفر بجد فكره حلوه وانا بضم صوتى لصوتك وصوت اشلاء قلب وصوت كل الناس اللى بتفهم وتقول لا للاباحيه مشكور وعارف والله هى مش محتاجه غير عزيمه بجد من قلبك عموما اى حاجه نقدر نتغلب عليها ما دام فينا قلب جامد وعزيمه قويه وصدقنى والله تقدر نعملها ع الاقل نشارك بقلبنا |
فعلا الله عليك والله موضوع
كان يحتاج ان حديفتح الكلام فيه من زمان لان دلوقتى اصلا تقريبا الشباب بيقولو لاللاحترام وكل واحد منهم بيدور على المواقع دى ومش فى حدخالص بيفتكرربنا منهم او بيلغوه لحدمايخلص اللى بيعمله وبعدين يهدى ضميره بكلمه *استغفرالله العظيم يارب* وبكدا يكون ضميره مرتاح والحمدلله شبابنا لسه بخير ولاكن كل ده من الرقابه على الشباب ولادوبنات لان طبعا الغلط مش فيه ولد وبنت حتى كمان فى بنات كدا ولاكن لازم فعلايكون فى وقفه جامده للموضوع ده لانه لوحديلاحظ يلاقيه حاجه اساسيه عالشات ولادوبنات وكباروصغار وبقت حاجه عاديه جدا ومش عيب كمان ولافى ادب ولااحترام ولاحديقول للغلط لا ولاكنه بيشارك فيه اوهواللى بيدورعليه بجدياجماعه لازم كلنا نشارك فــــ الحمله دى ونبقى يدواحده ونقدر نكون مع بعض فــــ الخير ان شاء الله وكل واحد ربنا يقدره بكلمه ميبخلشى بيها على غيره عشان لما ربنا يساله يقدريجاوب وبعدين فى ملحوظه عشان فى ناس بتزعل من الكلام انا معممتش على كل الشباب ولاالبنات بس بعضهم هما اللى كدا والموضوع كان يستحق اكترمن كدا بس بجد مقدرتش اديه حقه والسلام عليكم ورحمه الله وبركاته وتسلم عالموضوع الروعه ده |
ايه ياجماعه انتم فين المفروض
الموضوع ده يستحق اكتر من كدا فين النشاط والمشاركه بتاعتكم لازم الكل هنا يشارك والمفروض ان الكل يدخل ويقول لاللغلط عشان نعرف ان الدنيا لسه بخير وكل الشباب مع حمله لاللاباحيه مشاركين بجد الموضوع يستحق اهتمام من الجميع اللهم ثبتانا على دينك اللهم لاتحملنا مالاطاقه لنا |
بجد تسلموا على الموضوع الرائع ده والمفيد اوى واللى بقى خطر اووى اوى اوى وانتشر انتشار فظييييييييع لدرجه انه بقى عادى الكلام ده يتقال فى الشارع بكل صراحه بين الأصحاب بدون اى حياء (فاذا بوليتم فأستتروا) أنما دول كمان بكل بجاحه بينشروا مرضهم بين بعض وبيقولا الكلام ده لأى بنت ماشيه فى الشارع فى امان الله وتلاقى واحد مريض يقولها حاجه سافله شبهه مع ان البنت بتكون ماشيه فى امان الله وبكل احترام وممكن يكون هو شاف بنات مش كويسه بتتمايص او بتضحك بصوت عالى فى الشارع يقوم قايل كلمه سافله لبنت تانيه ملهاش دعوه بيهم ومتعرفهمش مجرد انها عدت بس ودى حصلت معايا انا شخصيا وللأسف من راجل كبير بس بصراحه مقدرتش امسك نفسى ومسكته هزأته وبهدلته على قد ما قدرت وبجد اليوم ده كنت مخنوقه اوى عشان الى بيحصل وخاصه ان الموضوع ده من الكبار للصغيرين مبقاش حد محترم سنه بجد كل الناس عايزه تشبع غريزتها بأى شكل ومع اى حد زى الحيوانات بالظبط مبيفرقوش انهم فى شارع او لوحدهم ولا بقى اللى بيحصل فى المواصلات والزحمه دى كارثه اكبر تلاقى كله بينتهز فرصه الزحمه وان محدش شايفه ونسوا ربنا اعظم حاجه بجد يا جماعه المواقع دى دمرت مجتمعاتنا بمعنى الكلمه بجد مبقاش فيه حد بيحترم حد ولا حتى بيحترم نفسه ياريت نقف للمواقع دى ونجاهد نفسنا وشهواتنا عشان يرجع المجتمع تانى لطبيعته البشريه المبنيه على الأحترام والأدب والخوف من الله سبحانه وتعالى معلش طولت عليكم بس بجد انا بتضايق اوى لما بفكر فى الموضوع ده لأن رد فعله خرج للشارع واحنا البنات اكتر حد بيعانى من المرضى اللى انتشروا فى الشوارع بشكل مخيف تقبلوا رايى ومرورى |
يعطيك العافيه على الموضوع واهم شي نبدا بنفسنا ربنا يحفظنا ويحمينا
|
عندك حق ياندا مش بقى فى احترام للسن ولا المركز
اللى ممكن الانسان ده يكون فيه لاكن الدنيا كلها على بعضها وعشان واحد شاف واحده مش محترمه زييه بيعتبر الكل كدا ولاكنه مش مدرك ان لسه فى ناس محترمين لانه فقد احترامه لنفسه دلوقتى مش بقى فى حاجه اسمها داكبير فالسن ينصح الصغير ولاكن حتى الناس الكبيره كمان بيقلدو الاطفال وبيقعدوا على نواصى الشوارع يعاكسوا الرايح والجاى خلاص زمن الاحترام ولى لاكن منقدرشى نحكم كدا لازم يكون فى ناس لسه موجوده محترمين وعارفين دينهم وشاريعتهم بتتكلم ازاى وبتحرم ايه وتحلل ايه لاكن دلوقتى الاغلبيه كل حاجه عندهم متاحه الدنيا دلوقتى بقت مولد وصاحبه غايب وفى اغنيه هى شعبى بس كان فيها جمله مؤثره جدا وهى وكانت *كفايه راجل شايب عايب عاكس واحده وطلعت بنته * وهى دى الدنيا بمرها من غير حلوها خلاص الدنيا خربت بناسها |
بجد انا مبسوط اوى ان البنوتات بيشاركوا ف الموضوع وبيدوا رايهم بوعى وادراك وده اهم شئ لانه بيحميهم من خطر الوقوع ف المصيده وانا برجع اشارك تانى عشان ده طلب من حد عزيز عليا اوى ------ وممكن اقول حاجه : الموضوع كله انت --- انت ممكن تدى لنفسك فرصه انك تقع ف المصيده دى ولو وقعت فيها ممكن متعرفش تطلع منها بجد لانها ادمان والله وهتحس انك عاوز تتعالج منه ---- فانصح نفسى قبل ما انصح حد يا ريت متقربش من ده --- متختبرش نفسك لان الشيطان بنسبه كبيره هيغلبك فمتحطش نفسك ف موقف اختيار بين الحاجات دى وعدمها خليك بعيد احسن وخلى عندك ثقه بالله وايمان بقوه ف نفسك تطلعها وقت اللزوم ----- وربنا بعافينا كلنا واخر حاجه لو انت حاسس انك ممكن تقع ف الغلط نصيحه متقعدش لوحدك خلى فكرك دايما ف ربننا حط خلفيه اسلاميه دينيه ايه قران وكمان لو قدرت تشغل قران وانت شغال ع الجهاز يبقى افضل اضعف الايمان ف برامج بتحجب المواقع الاباحيه ممكن تشوفها وتسطبها ع جهازك ----- وان شاء الله خير ويا ريت كل حد عنده حل يقوله عشان نوصل لنتيجه ويمكن حد يهتدى ع كلامك تاخد ثوابه |
وده رابط تحميل برنامج لحجب هذه المواقع
بس ليه نختار اضعف الايمان مع ان فى الاسهل منه وهو اننا نستغفر الله ونصلى ركعتين وندعى ربنا على هدايتنا وهدايه كل الشباب ويكون ده اضعف الايمان بتاعنا بدال مانحط برامج ونبقى بنبعد عن الغلط بالغصب يبقى كده اكننا مش عملنا حاجه لانك هتحاول تدخل على اى موقع ولاكن البرنامج هواللى مانعك احنا عايزينك لما تقول مش بدخل على برنامج يبقى عشان ضميرك وربكمش عشان برنامج مانعك واليكم اخوانى الرابط اللى هيمنعنا http://www.4shared.com/file/57002790...d8/_2____.html |
عندك حق يا لوست لف بس انا بقول يعنى لو خلاص الدنيا ضاقت بيك تعملى ايه تضعف بقى وتقع ف المصيده ولا ف برنامج يمنعك مس يمكن ده يصحى ضميرك ويخليك تفوق وتستغفر وترجع عن اللى ف دماغك وع العموم انا بحاول اقدم حلول اقول حاجه بقى الواحد لو بيحب حد من قلبه بجد عمره ما يعمل حاجه غلط تغضبه فما بالك بربنا لو بنحبه بجد هنحاول ع اد ما نقدر مش نغضبه بس برده ربنا غفور وبيحب اللى بيتوب بعد الذنب وربنا يسامحنا كلنا وع العموم الحاجات دى نتيجه للفضى وهى ف الاصل طاقات مكبوته ممكن احنا نفرغها ف اشياء افضل واحسن وافيد لينا كل واحد يشوف اللى يناسبه ويعمله وربنا يهدينا جميعا -------------------------- صابرين |
مؤثرة على الطاقه هل تؤثر هذه الافلام الاباحية على الانتاج والطاقة ؟ يجيب د.ابراهيم النجار استاذ علم الاجتماع بجامعة عين شمس ان نسبة السكان فى العالم العربى الاغلبية فيها من الشباب وأى مجتمع يرغب فى التقدم والتنمية فانه يعتمد على طاقة الشباب الذى صار اليوم يهدر من وقته من اجل متابعة المواقع الاباحية المنتشرة على الشبكة العنكبوتية والتى زاد معدلها كثيرا فى السنوات الأخيرة ! وأضاف د. ابراهيم أن المجتمع العربى مستهدف من قبل منظمات غربية تكرة ان يكون هناك تقدم فى المجتمع العربى ... وترغب فى أن يتخلى عن العادات والقيم والتماسك الاجتماعى الذى يجعلة مجتمعا نموذجيا ! وأضاف ايضاً أن شبابنا العربى يعشق التجول فى الممنوع ويعشق التجارب وخاصة لو كانت محظورة... فشبابنا يعانى فراغا فكريا ودينيا بسبب الاحتقان الاقتصادى الحاكم للمنطقة والنتيجة ان شبابنا انسحب من الحياة بكل الوانها و أصبح لا يشارك مشاركة فعالة فى الحياة الاجتماعية .. كما أن منظمات المجتمع المدنى أصبحت فى عزلة من الشباب ولم توجههم الوجهة الصحيحة. |
ودول كمان شويه صور بس العلاج مش بالصور
العلاج بالتفاعل والتماسك الاجتماعى لان لو كلنا اتفقنا على مقاطعه هذه المواقع والحفاظ على انفسنا منها فهذا بالتاكيد افضل وهو المطلوب من الحملات ولكى نصيح فالنهايه مجتمع متقدم بشبابه لان الشباب هما *****المستقبل***** http://www.up.qatarw.com/get-11-2009-eoutuhet.jpg http://img9.imageshack.us/img9/9827/53874543.gif http://www.up.qatarw.com/get-11-2009-jreu233e.gif http://www.up.qatarw.com/get-11-2009-bcu30e8n.jpg http://www.up.qatarw.com/get-11-2009-g3nrdech.gif http://www.up.qatarw.com/get-11-2009-5hedx90c.jpg http://img68.imageshack.us/img68/160/erit1.jpg http://www.7ammil.com/upfiles/I3225783.gif http://sub3.rofof.com/img3/011szfbh15.jpg http://up2.m5zn.com/photo/2009/4/18/...gu0nv9.gif/gif http://up2.m5zn.com/photo/2009/3/23/...g161qx.jpg/jpg |
انا بأيد رأي لمحة في اننا فعلا لازم الموضوع ده الواحد يبدأ فيه بنفسه و لو كل واحد بدأ بنفسه كلنا هنتغير و للصح شكرا ليك علي موضوعك الرائع جدا جدا جدا جدا و الهام جدا جدا جدا جدا جدا |
اكيد كلنا ايد واحدة ذد الاباحية وان شاء الله هعمل كل اللى اقدر عليه عشان ارضى ربنا قبل ما ارضى اى حد فى الدنيا |
تسلمى يا غولوم على الموضوع ده
الحاجات دى بتبدا من التربيه السليمه لو كل اب وجه اولاده اكيد مش هنحتاج المجهود والوقت فى حاجات مش مفيده بس ممكن نقول سوء الاختيار والاغراءات التى يتحدانا بها الغرب ويريد ان ياخذ بنا الى طريق لا رجعة منه اذا لا بد ان يبدا كل انسان بنفسه كما قال الله عز وجل بسم الله الرحمن الرحيم ( إن الله لا يغير ما بقوم حتى يغيروا ما بانفسهم ) صدق الله العظيم وخير الخطائين التوابين نعم ولكن لا نتمادى فى اخطائنا فبما اننا علمنا انه خطيء لا بد ان نرجع عنه ويجب الا نكره احدا على فعل شيء لا بد ان يكن من داخل نفسه مقتنع يقول الله عز وجل بسم الله الرحم الرحيم ( ولو شاء ربك لآمن من فى الارض كلهم جميعا أفأنت تكره الناس حتى يكونوا مؤمنين ) صدق الله العظيم ونحن فى زمن القابض فيه على دينه كالقابض على الجمر فاذا منعنا انفسنا عن ما حرم الله وجدنا لذه فى قلبنا وابدلنا الله خيرا منه وقال الرسول صلى الله عليه وسلم استوصوا بالنساء خيرا واتقوا النساء فان اول فتنة بن اسرائيل كانت فى النساء واذا كنتم تحبون الله ورسوله فعليكم الاطاعه ان كنت تزعم حبه لاطعته ان المحب لمن يحب مطيع ويا من تقول سوف افعل فلاتسوف فانك لا تدري متى تموت ومتى تاتى ساعتك بسم الله الرحمن الرحيم ( ان الله لا يؤخر نفسا اذا جاء اجلها ) صدق الله العظيم يا من غره طول الامد الموت ياتى بغته والقبر صندوق العمل لذا اذكر نفسي قبلكم ان نبتعد عن كل ما نهى الله عنه بسم الله الرحمن الرحيم ( وذكر فان الذكري تنفع المؤمنين ) صدق الله العظيم |
*استغفرالله العظيم يارب* لا اله الا الله ولا حول ولا قوة الا بالله العلي العظيم التربية الصحيحة والبيت هما اهم حاجة علشان يكون الواحد مقدر قيمة نفسه بالنسبة للناس كلها ولو الواحد قدر نفسة وقيمتة هيحاول يقدر الناس كلها ونكون جميعا اخوة في الاسلام ونمحي العادة السيئة دي من الوجود خالص http://3.bp.blogspot.com/_lf-Y9Gk0_z...9%8A%D8%A9.jpg http://www.up.qatarw.com/get-11-2009-jreu233e.gif ولكن بردو انا عايز اعرف فين دور الدولة من الكلام دة كلة فين دورهم ياجماعة وبعدين احنا لو عندنا حكومة بتحكم صح وعالم كلة مع بعضة مكنشي الاكلام دة كل موجود و مدام الموضوع دة اتفتح يبقي لازم نتكلم علي كلام كتير اووي لية المواقع دي موجودة علي النت الاطفال دلوقتي بقي الطفل بقي عندة 10 سنين وتلقية يعرف الكلام دة كلة طيب فين دور اهلة هنا من المفروض انهم يرعوة ويوعوة ويخلوة يعرف اية الصح واية الغلط ........ شكرا لك gollom انك فتحت الموضوع دة تقبل مني جزير الشكر والاحترام |
عندك حق يوسف دلوقتى النت بفى مفتوح للجميع
هو ايون زو حدين ووجوده فالبيت مفيد بس مش فكل الاوقات لان اقل حاجه ممكن يعملهاانه بينسينا وقت الصلاه وده بردو مش للكل ولاكن للبعض يعنى فى ناس بتكون محافظه على اوقات الصلاه كويس اوى ولاكن فى اللى ممكن ينسى نفسه ودى من اهم المشكلات وكمان الرقابه مشكله اكبر |
انت قدام الطريقين يا يوسف وعليك انك تختار وتتحمل ناتج اختيارك كل حاجه منها الصح والغلط يعنى ربنا عز وجل اوجد الخير والشر وانت عليك تحكم وتختار والنت ده عالم مفتوح ورابط بين كل الدول وفيه دول زى الغرب بيسمحوا بكده الحكومه ايوه عليها دور بس الى بيعوز يعمل حاجه بيعملها ما هى ممنوعه فى السعوديه وفيه برامج وحاجات تانيه بتفتح المواقع دى بس لو الحاجه اتاخدت اجبار لازم هتدور عليها علشان تعرف هما اجبروك ليه لكن لو اتاخدت باقتناع هتقدر تقرر انت عاوز ايه
|
السلام عليكم ورحمة الله وبركاته ايه يا جماعة هو علشان صاحب الموضوع جايز اتشغل عنه شوية ننام خلاص ؟ ياريت كل اللي عنده فكرة صورة مقال درس ديني تصميم يشاركوا بيها وانا في طريقي ان شاء الله لتصميمات جديدة ( مش انا طبعا اللي عملاها ) للحملة دي وربنا يرجعلنا صاحب الموضوع بالسلامة ان شاء الله |
مين معايا يا شباب؟؟؟؟؟؟؟
كلنا طبعا معاك يا جولوم ربنا يجزيك خير عالموضوع ده لا للإباحيه لن ينتصر الغرب بإذن الله |
| الساعة الآن 05:04 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com