|
عايز تتوب عن ...........؟
عايز تتوب؟... ايوة عايزة تتوبي؟... يارييييت ايوة وانا كمان عايزة اتوب ؟............. ياااااااه بجد طب ليه بنقول بحبك وترد وانا كمان وليه بنقول وحشتني او وحشتيني ونرد وانتو اكتر طب ومستنيين ايه؟ علشان نقول انا كمان عايز اتوب وانا كمان همتي اكتر واكتر ؟ قاعدين نقول اصل وفصل ... ونطلع 100 حجة وسبب طب وبعدين ؟ احنا اصلا عارفين حنتوب عن ايه ؟ هو احنا عندنا ذنوب ؟ اكيد كلنا بلا استثناء عندنا ذنوب ... وانا اولكو اوعوا كل واحد وواحدة تقول الا انا معنديش ولا ذنب لان مفيش انسان معصوم من الخطأ وخير الخطائين التوابين طب احنا مش بنتوب ليه ...؟ يا ترى مستهونين بالذنوب ؟ ولا معنديناش نية صادقة ؟ ولا عندنا شك ان ربنا يغفر لينا اللي بنعمله ؟ ولا علشان تبنا وبنتوب كل يوم وبنرجع تاني زي ما كنا ؟ فزهقنا وقلنا خلاص بقى ؟ ولا يمكن علشان بنقول اصل العمر لسه قدامنا بدري لما نوصل 40 او 50 سنة نبقى نتوب بس لازم دلوقتي نعيش شبابنا ونتمتع بيه ؟ موضوعي طويل للاسف مش حيخلص في جزء واحد حدوشكوا واصدعكوا وطبعا انتو عارفين اني " رغاية المنتدى " وان شاء الله حكون قد الموضوع بس عايزة من كل ( مش حقول ماجيكاوي وماجيكاوية ) لانه مش مكانه ولا موضوعه بس حقول كل عضو صريح في المنتدى شاركوا معايا لان عندي امل الموضوع ده يغير في ناس كتيرة واتمنى اكون انا سبب في تغييرهم زي ما كان في ناس سبب في تغييري بطلب من كل حد عنده سبب متخيل انه مقنع بانه مش عارف يتوب او بيتوب ويرجع تاني او حتى مفكرش في التوبة قبل كده سواء كان السبب ده صحبة سيئة ظروف اجتماعية واصل بابي ومامي او حتى انه مش عارف ميقولش ايه الخطأ اللي عنده ولو حيتكسف يبقى يقول انه واحد او واحدة صاحبتها واحنا حنصدقه بس يحكي حكايته مع محاولات التوبة وطبعا ده رجاء ( الصراحة والامانة ) اهم حاجتين او اذا حد تاب فعلا عن حاجة يحكيلنا قصته يمكن نتعلم منها حاجة جديدة وتكون في ميزان حسناته يوم القيامة عايزة اقول اني بصراحة غيرانة من gollom وموضوعه لا للاباحية وعلشان كده قررت اعمل الحملة دي اريد ان اتوب ............... ولكن !!!!!!!!!!!؟ عندي امتحان بعد شوية ادعولي وبعد الامتحان حدخل اكتب موضوعي (على فكرة دي كانت المقدمة ......... وبس ربنا يعينكو ويصبركوا على رغيي كمان وكمان ) |
بجييكى على الموضوع لمجرد انى قريت اسمه انا لسه مفهمتهوش كويس ولا فاهم المطلوب ايه بالظبط بس لما اشوف الردود عليه وخصوصا ردك انتى اكيد هفهم وليا عوده مره اخرى تقبلى تحياتى |
بالتوفيق ان شاء الله واريد ان اتوب ولن رفقة السوء اصدقائى هم السبب احاول اكتر من مرة لكن الهوى والنفس يمنعانى ادعو بلى بالتوبة
|
Versace Jeans Wholesale
|
بعد السلام عليكم ورحمة الله وبركاته ازيكو يا شباب وانتو يا بنات ايه الاخبار اولا شكرا للي ردوا جميعا سواء فاهمين انا عايزة اوصل لايه زي صاحب القلب الحنون او حتى مش فاهمين بس وعدونا بالرجوع زي vindiesel |
والله فكره ربنا معاكى
استمرى اشلاء فى انتظر باقى الحلقات وانك لاتهدى من احبتت ولكن الله يهدى من يشاء واحنا معاكى ونحاول نحد بالاسباب ويارب نكون سبب فى توب ولو عضو على الاقل |
ميرسي admin على كلامك الجميل بصراحة كلامك مشجع جدا انا مش حابة اني اكون عاملة زي الدكتور ولا المحاضر اللي بيلقي محاضرة تقيلة عليكو وعلشان كده مش انا اللي حختار الموضوع انتو اللي حتختارو الموضوع بنفسكو وانا ما عليا الا اني حقسم كل جزء لقسمين قسم اتكلم معاكو في الموضوع ( السبب ) اللي انتو حتقولوه وجزء صغير جدا اقول فيه كلمة او بيت شعر او اية قرآنية احب اننا نعرفها وعلى فكرة وقبل كل ده ( أذكر نفسي واياكم ) باني انسانة عادية جدا لكن الحمد لله مش شيطانة قال ابن الجوزي " من يقع في خطأ فهو انسان ، ومن يصر عليه هو شيطان " |
اقتباس:
جميله قوى المقوله دى استمرى وكل التوفيق لكى وحعله الله فى ميزان حسانتك |
موضوع جميل أوى ياأشلاء ،،، بالنسبة للأسباب اللى تمنع التوبة 1- النفس ... النفس دايماً امارة بالسوء (إن الله لايغير مابقوم حتى يغيروا مابأنفسهم) 2- الصحبة ... مش شرط انها تكون صحبة سوء بس الصحبة عليها عامل كبير جداً ،،، 3-الشيطان ... اللهم انا نعوذ بك من وساوس الشياطين ع ما اظن ان دول اهم 3 اسباب { كل ابن آدم خطاء وخير الخطائين التوابون } " لله أشد فرحا بتوبة عبده حين يتوب إليه " اللهم اهدنا فيمن هديت ،،، اللهم اهدنا إلى ذكرك وشكرك وحُسن عبادتك يارب انر قلوبنا بنور الايمان متابعين معك فى الموضوع وربنا يوفقك فى الامتحانات جزاكى الله خيراً والله المستعان |
بصوا بقى انا كده تقريبا فهمت الموضوع كله وبجد والله بدعيلك من كل قلبى يا اشلاء القلب ربنا يجزيكى عنا خيرا ان شاء الله امين وانا راييى فى موضوع التوبه ده يتلخص فى كلمه واحده بس تفسيرها كلام كتييييييييييييييييييييييييييييييييييييير النفس هذه الكلمه هى العائق الاساسى "ان لم يكن الوحيد" لتأخير التوبه ولو تأملنا هذه الكلمه البسيطه لوجدنا انها تحتوى على كلمات كثيره جدا يطول شرحها بس انا هعلق بالكلمه دى على كلام رامى بس رامى قال ان الصحبه من ضمن الاسباب وانا بقوله لو كانت نفسك كويسه مكنتش هتفضل على علاقه باصدقاء السؤ"الصحبه الوحشه" رامى كمان قال الشيطان من ضمن الاسباب وانا بقوله برضه لو نفسك كويسه كانت هتقدر تقاوم الشيطان وطبعا زى ما احنا عارفين ان النفس اماره بالسؤ وطبعا ده مش كل الشرح لمعنى الكلمه دى بس حاجه تمشى دلوقت لحد ما نشوف النقاش هيوصلنا لحد فين وارجو انى اكون كده فهمت الموضوع وقدرت اوصل وجهه نظرى المتواضعه وانا هتابع الموضوع برضه وليا عوده تانيه وتالته ومليون ان شاء الله |
السلام عليكم ورحمة الله وبركاته ازيكو جميعا يارب تكونوا بخير ها ايه اخبار التوبة قبل أي كلام حبيت بس اوضح حاجة بسيطة جدا هي اني مش عايزة اكون زي الدكتور او المحاضر اللي بيكلم نفسه بالعكس انا عايزة اقعد معاكو على ( المسطبة الماجيكاوية ) ونحكي وندردش المهم نطلع بفايدة في الاخر وعلشان كده انتو اللي حتختاروا المواضيع وانا ما عليا الا اني حعلق على مواضيعكو اللي انتو شايفنها سبب في تأجيل التوبة وفي كل رد حناقشكو في اللي انتو حتقولوه واضيف حاجة بسيطة جدا زي آية او حديث أو بيت شعر او حتى مقولة يمكن افكر نفسي وافكركوا بحاجة كان عليها شويةتراب ( وأذكر نفسي واياكو ) |
السلام عليكم ورحمة الله وبركاته عدم التوبة او الرجوع فيها مبيوصلش الشيطان للنجاح ده الا بصاحب سوء وفي رفقاء السوء حنلاقي كلام كتير :- 1-قال رسول الله صلى الله عليه وسلم 2-قال العامة حبدأ هنا بالاقوال العامة بس مش للاهمية ده علشان افتح نفسكو بس من أقوال العامة :- *الصاحب ساحب:- لان الصاحب بيسحب صاحبه زي موج البحر ما بيسحب الغريق * الصديق قبل الطريق :- لانك لو اخترت حتى طريق صح وقابلت فيه صاحب سوء ولو بالصدفة حيبعدك عن الطريق اللي انت بدأته وفي مثل ليبي بيقول ·الصاحب لو قال الحق راسه تنشق :- بمعنى ان صاحبك حتى لو صارحته بالحق وهو كان من اهل السوء حيستحل دمك او حتى يضرك او يأذيك وفي امثلة كتيرة جدا عند العرب حتى البدو اللي عايشين في خيام عارفين قيمة الصديق والصاحب اما عن اقوال الرسول صلى الله عليه وسلم :- ·"لا تصاحب إلا مؤمنا ولا يأكل طعامك إلا تقي " بمعنى ان الصاحب مش بس يكون مسلم لا ده يا حبذا لو كان مؤمن لان الايمان درجة اعلى من الاسلام وبمعنى كمان ( ودي خاصة للشباب ) ان ميدخلش بيتك الا اللي انت واثق من دينه قبل اخلاقه كمان والا الصديق الوفي اللي يقدر يعني ايه انت دخلته بيتك ·" المرء على دين خليله فلينظر احدكم من يخالل ":- يعني ان الانسان بيكون على دين واخلاق وطريق صاحبه عايز تخطب واحدة :- لازم تشوف مين اصحابها وعايزة تقبلي العريس ده او تلرفضيه :- برضه شوفي مين اصحابه |
طب تعالوا معايا كده نتمشى شوية في عالم الشباب :- حنسال أي مدخن :- ليه بتدخن ؟ او ايه اللي عرفك التدخين ؟ صاحبي اداني سيجارة ...... واخدتها علشان مكسفوش ... وكمان علشان ميقولش عليا عيل وابقى راجل زيي زيه طب تعالوا نسال أي مدمن :- سواء مدمن مخدرات او خمور او حتى دوا كحة: ليه بتعمل كده وعرفت الكلام ده منين ؟ اصل صاحبي قالي ... ده لذيذ جدا ... ومش مكلف خالص .. ولما حتجربه حتحس انك في عالم تاني ومبسوط وسعيد وحتنسى كل همومك علشان كده وغيره عمرنا ما حنلتزم واحنا معانا اصدقاء سوء موجودين في حياتنا بياثروا فينا وللاسف بنتاثر بيهم ·" مثل الجليس الصالح والجليس السوء كمثل حامل المسك ونافخ الكير ، لا يعدمك من صاحب المسك اما تشتريه او تجد ريحه ونافخ الكير اما يحرق بدنك او ثوبك او تجد منه ريحا خبيثة " بمعنى ان الصاحب الكويس التمام يعني زي حامل المسك اما تستفيد بالتطيب والتعطر منه او حتى اذا بعد عنك شوية حتبقى مبسوط بعطره وصاحبك اللي حامل مسك ده ليه تلات حالات : 1-لو كان زيك :- حتتعاونوا مع بعض وتاخدوا بايدين بعض على طاعة ربنا 2-لو كان اعلى منك :- حياخد بايدك ويلرفعك معاه درجات ودرجات ويزود من اخلاقك ودينك 3-لو كان اقل منك : انت حتساعده وتاخد بايده وترفعه كمان وكمان واما لو كان الله المستعان من نافخ الكير :- ( اللي مش تمام ) ( ومعناه الحرفي : الحداد ) يا حيحرق لبسك وجسمك بالنار او بصهدها اذا انت قريب منه واذا بعدت برضو مش حتسلم من الرائحة النفاذة اللي خارجة من شغله |
سؤال مهم جدا : الاقي فين الصحبة الصالحة دي؟؟؟؟؟؟؟؟؟؟؟؟ المسجد حلقات العلم والدروس مجالس حفظ او قراءة القرآن الكريم ومش شرط على كده كمان ممكن تلاقيهم في الجامعة وفي الشارع بس حتلاقي على وجوههم ( سيماهم على وجوههم ) اعرف قصة واقعية جدا كان واحد ملتزم بيحكيها بس انا حخليها للمشاركة الجاية لاني لازم امشي دلوقتي |
انا عاوز اتوب وكلنا عاوزين نتوب عشان كلنا زنوب ان شاء الله هتوب لا ان شاء الله كلنا هنتوب بجد بجد نايس توبيك |
النفس ثم النفس ياجماعة نفسك هية السبب والباقى عوامل مساعدة انت عندك ارادة ونا عندى ارادة محتاجين خطوة وتشجيع نبقا كلنا صحبة صالحة كل واحد يفيد التانى بموضوع مهم بدرس عن التوبة احنا مفروض كمان بدل مانقعد نحكى نبقا ايجابين ونعمل ركن فى المنتدى للتوبة بية كل مايخص التوبة ونبقا اول ناس متخصصين فى الموضوع دة يبقا لية قسم مخصوص وفى النهاية اقول لاشلاء قلب للامام دائما وربنا يوفقك انتى انسانة يفخر بيكى المنتدى واللهم انت ربى لاالة الاانت خلقتنى ونا عبد وعلى وعدك مااستطعت اعوذ بك من شرماصنعت وابوء لك بذنبى فاغفر لى فانة لايغفر الذنوب الا انت
|
ونعمل ركن فى المنتدى للتوبة بية كل مايخص التوبة ونبقا اول ناس متخصصين فى الموضوع دة يبقا لية قسم مخصوص ده كلام جميل جدا يا صاحب القلب الحنون وانا عن نفسي بقدمه طلب للادارة ان كان ميزعلش حد وشكرا جدا للكلام الجميل ده ولو انه كتيييييييييييييييير اوي عليا ويارب اكون عند حسن ظنك بيا |
السلام عليكم ورحمة الله وبركاته فين الماجيكاوية ؟ انتو نمتو من اول الموضوع ولا ايه ؟ اسفة بس كنت متخيلة حلاقي همم اعلى من كده وكنت فاكرة مش حلاحق عالردود في الموضوع ده مش علشان موضوعي لا......... علشان دي مشكلة بتقابلنا كلنا حتى انا عامة انا مش بياس بسهولة ............... وكمان نفسي طويل الحمد لله ممكن نقول النهاردة ايه هو معنى التوبة ؟ التوبة هي الرجوع من اي حاجة تغضب ربنا .............................> لاي حاجة بترضي ربنا وبيحبها من عباده التوبة هي هداية من عند ربنا ، وهي تعتبر الدرع الواقي من الياس والقنوط من رحمة ربنا سبحانه وتعالى التوبة هي اول سطر بنكتبه في حياتنا الصح اللي المفروض مفيهاش الذنوب اللي كنا بنعملها التوبة هي بداية عهد جديد مع ربنا اننا نسيب الذنب ده علشان خايفين من ربنا وعلشان بنحبه التوبة هي بداية الحياة الصح التوبة هي احساسنا بالندم عاللي عملناه هي دموع اخر الليل والناس كلها نايمة هي رغبة في التغيير والتحويل للاحسن والافضل وهي قبل كل ده :- اننا نوقف الذنب وفورا |
·" مثل الجليس الصالح والجليس السوء كمثل حامل المسك ونافخ الكير ، لا يعدمك من صاحب المسك اما تشتريه او تجد ريحه ونافخ الكير اما يحرق بدنك او ثوبك او تجد منه ريحا خبيثة "
فعلا الصديق بقى عمله نادره بس والله موجود مكن يكون اقربالناس اليك بس الناس بتشوف بعيون الاخرين الحمد لله انا ليا صديق من قبل ما نتولد كتب لنا ان نكون اصدقاء بنتشاور فى كل شئ وبنخد برائى بعض وبرضه ببنصح بعض ومش خابب اقول اسمه علشان محدش يقول مجمله او غيره بس ربنا الى يعلم وتعليق بسيط اشلاء الرسول عاش طول عمره يدعى الى الاسلام عمره ما كل ولا مل استمرى لعلكى تكون السبب فى توبه ولو عضو واحد على الاقل ويعالم وتذكرى قول الله تعالى انك لاتهدى من احببت ولكن الله يهدى من يشاء واعانك الله على ذلك |
بعد السلام عليكو ورحمة الله وبركاته مع اني زعلانة من الماجيكاوية اللي همتهم نامت وردودهم قلت بس يلا السلام بتاع ربنا انا جيت النهارده علشان اقول زي ما فينديزل قال بالظبط وكمان زي ما صاحب القلب الحنون قال النفس احنا نفسنا ايه؟ في اربع انواع من النفس يا ترى احنا مين فيهم؟ النهاردة مش حنتكلم عن النفس بذاتها لا انا عايزاكو انتوا اللي تبعتولي وتقولولي انواع النفس هي كذا وكذا واحنا نفوسنا كذا وكذا بس النهاردة حنعملها قاعدة سؤال وجواب يا ترى اللي عايز يتوب بيقوله ايه الشيطان ؟ ونفسه بتقوله ايه؟ السؤال الأول :- ***************** انا وقعت في غلطات كتيرة اوي وتبت منها بس ........... برجعلها تاني انا كده توبتي صح؟ ولا باظت خلاص ؟ ولا كده اخدت الذنوب الاولى والتانية كمان اللي بعد التوبة ؟ معظم العلماء في الدين قالوا :- مش شرط من شروط صحة التوبة انك مترجعش تاني ولكن اللي شرط فعلا هو انك تقلع عن الذنب اول ما تنوي التوبة وتندم عليه وتكون في نيتك ناوي انك مترجعش للذنب تاني ابدا لكن اذا رجعت تاني ؟ يبقى كانك عملت ذنب جديد وتلزملك توبة جديدة السؤال الثاني :- ***************** طيب اذا تبت عن ذنب معين ومتبتش عن ذنب تاني ؟............... كده توبتي دي صح؟ طبعا توبتك صح من الذنب اللي انت تبت عنه طالما الذنب التاني مش من نفس النوع بمعنى انك مش تتوب عن الزنا ( والعياذ بالله ) وتروح تتفرج على مواقع اباحية؟ في الحالة دي توبتك مش صحيحة لكن اذا تبت عن مثلا الكدب ومتبتش عن سماع الاغاني كده توبتك عن الكدب صحيحة لكن الاغاني محتاج تتوب عنها السؤال الثالث :- ******************* انا تبت والحمد لله دلوقتي لكن ...............؟ انا كنت سبت صلوات كتيرة قبل التوبة وصيام كتير وزكاة مال اعمل ايه؟ نمسكها حاجة حاجة :- الصلاة الراجح عند علماء الدين انك تعوض الصلوات دي ....... ازاي ؟ في اكتر من طريقة لكن دي اسهلهم ممكن تصلي النهاردة مثلا فجر اليوم + فجر من اللي فاتك ظهر اليوم فقط عصر اليوم + عصر من اللي فاتك مغرب اليوم فقط عشاء اليوم وعشاء من اللي فاتك وتيجي بكرة تعكس فجر اليوم فقط ظهر اليوم + ظهر من اللي فاتك عصر اليوم فقط عصر اليوم وعصر اللي فاتك مغرب اليوم فقط عشاء اليوم وعشاء من اللي فاتك وفي طريقة تانية انك تصلي النوافل بنيتين :- 1- انك تتقرب الى الله عز وجل 2- انك بتحاول تقضي من اللي عليك الصيام لازم ولابد وحتما انك تقضي الصيام اللي عدى منغير ما تصومه سواء كان 1-بصيام ايام بديلة اذا كنت فاكر عدى منك قد ايه 2- بإطعام مسكين عن كل يوم ( الاطعام حدده العلماء بانه 10 جنيه لكل مسكين ) او تاكله من اكل بيتك اللي حتاكل منه الزكاة الزكاة لازم تتعوض تاني لانها حق رباني وحق ادمي حق رباني انك بتادي حكم من احكام الله تعالى في ارضه وبين عبيده وحق ادمي لان الفقير ليه في مالك حق ربنا اللي كتبهوله السؤال الرابع :- ****************** اذا كان غلطي او ذنبي في حق انسان مش في العبادات نفسها ........... اتوب ازاي ؟ الاصل اننا نرد المظالم لاهلها نعم ؟ يعني ايه؟ بمعنى ان اذا كان لحد حق عندك لازم ترجعه زي ما الرسول - صلى الله عليه وسلم - قال " من كانت لاخيه عنده مظلمة من عرض او مال ، فليتحلله اليوم قبل ان يؤخذ منه يوم لا دينار ولا درهم ، فان كان له عمل صالح اخذ منه بقدر مظلمته ، وان لم يكن له عمل صالح اخذ من سيئات صاحبه فجعلت عليه " رواه البخارىّ يعني ايه برده؟ يعني انت اذا لاخيك حق عندك اديهوله في الدنيا قبل ما تديهوله في الاخرة وساعتها مش حيكون بمزاجك يا تاخد من سيئاته او تديله من حسناتك السؤال الخامس : ********************** انا كانت ذنوبي في الغيبة واغتبي انسان او انسانة او اشخاص واتكلمت عن ناس بحاجات هم ابرياء منها لازم اقولهم ويسامحوني ؟ ولا كفاية اني اتوب ؟ الموضوع هنا متوقف على اذا اخبرتهم باللي انت قلته عليهم :- حيسامحوك ومش حيغضبوا منك ومش حتزيد العداوة بينكو يبقى تبلغهم وتطلب منهم انهم يسامحوك وهنا مش لازم تروح تقول انا قلت عليكو 1-2-3-4-5 لا قول عبارات عامة زي انا يا جماعة غلطت في حقكو كتير او ظلمتكو بكلام وحش ياريت تسامحوني انا خلاص تبت لربنا وان شاء الله مش حرجع للكلام ده تاني لكن اذا كانت نتيجة مصارحتك ليهم حتكون ( بيضا زيادة عن اللزوم ) واذا كانوا حيلحوا ويصمموا انك تحكي التفاصيل يبقى مفيش داعي بس هنا بقى لازم :1- تندم جدا عاللي قلته في حق حد 2- انك تقول قدام اللي حكيتلهم انك مكنتش تقصد الكلام ده بمعنى تكذب نفسك قدامهم 3-انك تشكر في اللي اغتبته امام نفس الناس اللي اتكلمت معاهم 4-انك تدافع عنهم وترد غيبتهم 5- انك تستغفر ليهم بظهر الغيب( بمعنى انك تدعيلهم وتقول " اللهم اغفر لي ولمن اغتبته " اخيرا كل واحد مننا وكل واحدة حتى انا كمان لازم نقعد بورقة وقلم نقول ايه اللي احنا عايزين نتوب عنه ومش بنتوب ليه؟ وايه اللي معطلنا ؟ ولو اي حد نفسه او شيطانه وسوسله بكلام غير اللي قلناه يبعته ويقولنا يمكن يكون عندنا رد |
دعاء التوبة الى الله =============== اللهم إني أستغفرك لكل ذنب خطوت إليه برجلي أو مددت إليه يدي أو تأملته ببصري أو أصغيت إليه بأذني أو نطق به لساني أو أتلفت فيه ما رزقتني ثم استرزقتك على عصياني فرزقتني ثم استعنت برزقك على عصيانك فسترته علي وسألتك الزيادة فلم تحرمني ولا تزال عائدا علي بحلمك وإحسانك يا أكرم الأكرمين اللهم إني أستغفرك من كل سيئة ارتكبتُها في وضح النهار أوسواد الليل في ملأٍ أوخلوة في سرٍ أوعلانية فلم أستحيي منك وأنت ناظر إلي اللهم إني أستغفرك من كل فريضة أوجبتَها عليّ في الليل أوالنهار تركتُها خطأً أو عمدا أو نسياناً أو جهلا وأستغفرك من كل سنة من سنن خاتم النبيين محمد صلى الله عليه وسلم تركتُها غفلةً أو سهوا أو نسياناً أو تهاوناً أو جهلا أستغفرالله وأتوب إليه مما يكرهه الله قولاً أوفعلا باطناً أوظاهراأستغفرالله وأتوب إليه . . منقول |
http://img101.herosh.com/2010/01/17/50101618.jpg متشكرة جدا يا ma7moud@alex دي مشاركة حلوة جدا جدا واتمنى ان اي حد عنده دعاء او معلومة تفيد في موضوع التوبة يكتبها وانا حستناها يمكن توبة انسان تكون على ايدينا وتتكتب في ميزان حسناتنا |
حديث ( إذا تقرب العبد منى شبراً ) الأحاديث الصحيحة 1- عن أبي هريرة رضي الله عنه قال : قال النبي صلى الله عليه وسلم : " يَقُولُ اللهُ تَعَالَى : أَنَا عِندَ ظَنِّ عَبْدِي بِي ، وَأَنَا مَعَهُ إِذَا ذَكَرَنِي ، فَإِن ذَكَرَنِي فِي نَفْسِهِ ذَكَرْتُهُ فِي نَفْسِي ، وَإِن ذَكَرَنِي فِي مَلإٍ ذَكَرْتُهُ فِي مَلإٍ خَيْرٍ مِنْهُمْ ، وَإِن تَقَرَّبَ إِلَيَّ شِبْراً تَقَرَّبْتُ إِلَيْهِ ذِرَاعاً ، وَإِن تَقََرَّبَ إِلَيَّ ذِرَاعاً تَقَرَّبْتُ إِلَيْهِ بَاعاً ، وَإِنْ أَتَانِي يَمْشِي أَتَيْتُهُ هَرْوَلَةً ". أخرجه البخارى ومسلم فى صحيحيهما. 2- عن أبي ذر قال : قال رسول الله صلى الله عليه وسلم : " يَقُولُ اللهُ عَزَّ وَجَلَّ : مَن جَاءَ بِالْحَسَنَةِ فَلَهُ عَشْرُ أَمْثَالِهَا وَأَزْيَدُ ، وَمَن جَاءَ بِالسَّيِّئَةِ فَجَزَاؤُهُ سَيِّئَةٌ مِّثْلُهَا أَوْ أَغْفِرُ ، وَمَن تَقَرَّبَ مِنِّي شِبْراً تَقَرَّبْتُ مِنْهُ ذِرَاعاً ، وَمَن تَقَرَّبَ مِنِّي ذِرَاعاً تَقَرَّبْتُ مِنْهُ بَاعاً ، وَمَنْ أَتَانِي يَمْشِي أَتَيْتُهُ هَرْوَلَةً ، وَمَن لَقِيَنِي بِقُرَابِ الأَرْضِ خَطِيئَةً لاَ يُشْرِكُ بِي شَيْئاً لَقِيتُهُ بِمِثْلِهَا مَغْفِرَةً ". |
http://www.elmjeck.com/vb/%3Ca%20hre.../337796318.jpghttp://img103.herosh.com/2010/01/19/337796318.jpg السلام عليكم ورحمة الله وبركاته شكرا يا صاحب القلب الحنون على مرورك وعلى الاحاديث الرائعة وكمان مش ناسية انك اول حد ابتدى يتناقش معايا في الموضوع ودي حاجة تشرفني كتيير اوي بما انك لسه عضو جديد واخ جديدي لينا في الماجيك |
| الساعة الآن 09:34 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com