منتدي q8-one.com - قصص حب من دفاتر فتاة شقية جدا ( متجدد)

اكيد اول حب يكون لأبن الجيران
الواقف في البلكونة يا كبدي ولهان
وعمل فيها شمشون
ولا نجم من نجوم زمان
بس انا بقي مش عادية
تقولوش كده رومانسية
وخليط من خانكة وعباسية
ولا يا اخواتي وردة في زهرية
زي ما تقولوا كده
لهطة قشطة .. طبق مهلبية
حاجة كده تتحط علي الجرح تطيب
وصوتي نغم ولا صوت العندليب
اول القصص مش مع ابن الجيران
ضربه في قلبه
نكدي طالع لأمه
اول قصصي من ابن البقال
واد عال عال
بيجري في ايديه المال
يشوفني يتلخم
ما يحسبش اديته كام
يا سلام يا سلام
لما اديله جنيه
ويرجع لي باقي عشرة جنيه
واد واقع علي بوزه
اهو ده اللي البنت تعوزه
كده يبقي حب وغرام
وتعذيب في الواد يا حرام
لحد ما في ليلة بيضا
ابوه شاف عمايله السودة
فلوس من الدرج بتنقص
ومرواحي للبقالة مش بيخلص
طرده من الدكان
اهو بقي فقير فقران
خلاص ننقل علي غيره
ماه المبدء
حبيه وفرقعيه
ماهو بقي فقران
اخييييه علي ده حب اخيييه