منتدي q8-one.com - ليلة فراق شهدت عليها دموع القمر

ليلة فراق شهدت عليها دموع القمر

http://4.bp.blogspot.com/_NJY5I9OkC1...0/27fd93ed.jpg

ليله فراق شهدت عليها دموع القمر

ليله فراق منمش فيها الليل وكان السهر

ليله ما كنت جنبه وفجأه راح

الليله اللى وعدنى فيها يكون افراح

ضحك عليا عشان يصبرنى

وكانت الليله دى اكبر ليله جراح

مش قادره اصدق دا اللى كان ليا

فجأه يروح من بين ايديا

بس دا قدر مكتوب عليا

فجأه وانا ماسكه ايديه

نزلت دمعه من عنيا

كانت دمعه الفراق

وقبل ما يروح بثوانى

بص عليا وباسمى نادانى

وعلى حبنا وعلى نفسى وصانى

نزلت دمعه من عنيا على دمعه خده

والدمعتين نزلوا لحد ما وصلوا قلبه

قالى سامحينى عشان مقدرتش اسعدك

بس فى الجنه صدقينى هسعدك وبوعدك

ولقيت السما بتنقط ميه

عرفت ان القمر بيبكى من حزنه واختفى ضيه

واوراق الشجر نزلت تغطيه

وانا شايفه كل دا وقلبى هيموت عليه

وفجأه

فارقت اديا ايديه

وغمضت عنيه

وانا عارفه خلاص انى مش هشوفها تانى

ورجعت وحدى فى الطريق تايهه وحيرانه

مش عارفه هروح لمين وبعده هعمل ايه وفضلت سهرانه

سهرت مع دموع القمر بتواسى حزنى

واوراق الشجر بتدفى قلبى

واه يا زمن مبتخلناش نفرح بحبنا ليه

اه يا زمن منك ليه القسوه دى عملنا فيك ايه

دا انا من بعد حبيبى ضايعه خلاص

انا من بعده مش هيفرق معايا الاحساس

انا من بعده مش عايزه اشوف الناس

هو دا الحب اللى طلعت بيه من الدنيا

والزمان استكتره عليا

وخده منى فى ثانيه