|
ميت ألف فرصه عشان أسيب مصر
ميت ألف فرصة عشان أسيب مصر... ولا عمري سبتها علشان هي بلادي... إللي بجد بحبها بحبها بكدبها وصدقها بحب فيها أصالة وندالة أهلها بحب فيها السهر بحب زيفها وأصلها بحب فيها طلعة الشمس... تنور وشها بحب فيها القمر... طالع يغازل حسنها بحب فيها المشي... على شط نيلها وبحرها بحب فيها بناتها... راسمين ملامح شعبها دي بنت مايصه... وحاطه ورده فـ شعرها ودي بنت جد... ونازله جري لشغلها هتلاقي فين بلد فيها الكنايس والجوامع.... بتحضن بعضها مسلم مسيحي... إخوات راضعين طيبة من صدرها نبع الحنان... ويناموا حاضنين أرضها هتلاقي فين تاني... بلد كل حاجه فيها تخليك تحبها هتقولي ظالمه... هقولك برضو بحبها هتقولي ضالمه... ما هو ده سواد شعرها هتقولي زحمه... هقولك علشان بنعشق أرضها هتقولي فيها فساد... هقولك ده من طيبة شعبها جرب كده تسهر ولو وحدك على ضف نيلها... وحبها جرب تشوف بنت حلوه مع صحبتها جمبها بتحبها... شايلة في قلبها هموم الدنيا كلها... وبرضو بتحبها جرب كده تاكل دره وترمس على شطها... وتشوف وشوش الناس واضحك زيها طب وانت ماشي لوحدك ووقعت في مشكله... مش بتلاقي ألف واحد جمبك بيحلها... لا تعرفهم ولا يعرفوك بس جمعكم حبها أهي هي دي مصر... زاحمه ظالمه... فاسده ضالمه... مش مهم... ده كفايه خفت دمها... هأفضل لمصر أقول وأعيد... أنا أصلي عاشق أرضها... وطبعا ده كله كلام في الهوا... أنا لو تجيني نص فرصة هقول لها... بالسلامه يا مصر... ومش عايز أشوف وشها... وهي دي بقى ندالة أهلها... منقول |
اقتباس:
موضوع رائع يا كارمن وبجد فيها كلام جامد جدا تسلم ايدك |
انتى مين فيهم
هتسيبيها ولا هتفضلى فيها؟ ارسى على حاجة |
يا رضوان بتقولك نص فرصه حتى ما جتش فرصه كامله
ولو فرصه بسمسم حتى دى ندالة اهلها هههههههههههههههههههههه تسلمى يا كااااااااااارمن |
ميرسى ليك بلابل على المرور
مشكور |
اقتباس:
عامة أنا بنت هسيبها ليه الدور والباقى عليكم انتوا يا شباب مصر |
اقتباس:
بعد ما يقعدوا يحكوا ويتحاكوا عن مصر ويقولوا فيها أشعار أول ما تجيلهم الفرصه يضربوا مصر واللى جابوا مصر بالجزمه متشكرين يا مان عالمرور |
اقتباس:
مصر دى عمرى حياتى حبى مهما عملت فيا ومهما حصلى فيها عمرى كله فداها |
أنا أصلاً سايب مصر وقاعد فى السعودية زهقت من السعودية وعايز أروح مصر لأن عندى فى مصر بس أصحاب والواحد زهق من الغربة ,بس انا كنت روحت السعودية علشان زهقان من مصر وكان نفسى اديها بال.......... موضوع رائع يا كارمن تسلمى |
اقتباس:
أصالة وندالة أهلها تيجى ازاى بس ومابتصدقى نص فرصة واسيبها بعد كل الكلام الحلو اللى فى الاول تيجى تقولى هاسيبها وكمان نص فرصة |
| الساعة الآن 03:06 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com