منتدي q8-one.com - حوار بين مدرس وطالب ظريف شويه

ألفتلكم حاجه طريفه كده يمكن تعجبكم

المعلم : غير صيغة الفعل من المضارع الى الماضي .

الطالب : ما بلاش نتكلم فى الماضى الماضى ده كان كله جراح
المعلم : إنت فاكر دمك خفيف ، إنت عاوز تعلمني الهيافة بتاعتك ؟

الطالب : حاجات علمتهالك ... وحاجات نولتهالك ... وحاجات عيشتهالك .. أيام مكنتي معايا .. بريئة بتحلمي !

المعلم: يخرب بيتك أنت فاكرني بنت يا مسطول ، اعتذر وتوب قبل ما ارميك من الشباك

الطالب : وانا كل ماقول التوبة يا بوي ترميني المقادير ياعين !

المعلم : انا رايح اجيب الناظر يتفاهم معاك ، وحتشوف لما يجي حيعمل فيك ايه

الطالب : الغضب الساطع آت - من كل مكان آت !

المعلم : هزر زي ما انت عاوز وهنشوف هتعمل معاه ايه

حضر الناظر مع المعلم وسال الناظر الطالب :

الناظر : إنت إيه حكايتك مع المدرس ؟

الطالب : حكايتنا يا شوق حكايه الكل عارفها صعب أى كلام يوصفها
الناظر : انت يا ابني بالع راديو والا شريط .. مالك كده على بعضك مزيكا ! انت ما نمتش امبارح ؟

الطالب : نسيت النوم واحلامه = نسيت لياليه وايامه !
الناظر:وإيه اللى مخليك متنامش بقى ان شاء الله
الطالب: كل ليله بسهر بسهر بقعد أفكر انتى بتحبينى واللا أنا بحبك أكتر

الناظر : إطلع بره وخليني اشوف ابوك بكره يا اللى مش متربي ولو مجاليش اعتبر نفسك مطرود

الطالب وهو خارج :أشوف فيك يوم عاللى انت عملته فيه
المعلم للناظر : الطلاب اللي زي دول بتعمل معاهم إيه ؟

الناظر : اطبطب .................وادلع !!