|
رأيك فى الشات وبكل صراحه!!!
بناءا على طلب سيلفر وبعض الأعضاء عن فتح موضوع عن الشات والمحادثات عبر الإنترنت بعد أن لاقى موضوع (هل فتاة النت سيئه ولا يفضلها الشباب) الكثير من الجدل والآراء المختلفه فإننى أطرح اليوم موضوع للنقاش وهو موضوع الشات وتحدث الشباب والبنات عبر الايميلات وغرف الشات المختلفه هل ترفض أن ترتبط بإنسانه تتحدث مع آخرين عبر الإيميل وغرف الشات المختلفه؟؟ أم أنك لا تمانع فى أن تتحدث هى عبر الإيميل ولكنك ترفض غرف الشات؟؟ أم أنك توافق ولا يمثل لك الامر مشكله؟؟ وهل الشات خطأ للبنات فقط؟؟ أم أنه خطأ للجنسين؟؟ وهل تمانع إذا فى أن تتحدث البنت مع فتيات مثلها عالشات ؟؟ أم أنك ترفض كل شئ يتعلق بهذه المحادثات عبر الشبكة العنكبوتيه؟؟ ياللا أنا عملت الموضوع عشان ناس كتيره كانت عاوزه تدى رأيها فيه ياريت كله يتفاعل |
مشكورة يا كارمن على تلبية الطلب وكعادتى سأعلق آخر واحد متابع من ع الدكة منتظر البقية |
كعادتك يا رامى
أوكى أنا بقى شكل هدايتى هتبقى على اديكم من ساعة موضوع (هل فتاة النت سيئه ولا يفضلها الشباب) وأنا عماله بفكر لا قيت ان فعلا آرائكم صحيحه واعتراضكم على الشات والايميلات صحيح وبصراحه أنا بقالى تقريبا كده شهر مش بفتح الايميل خالص وعاهدت نفسى انى مش هفتحه اطلاقا فى الفتره دى غير لما أخلص تفكير ونقاش فى الموضوع ده لعلى أقتنع انه فعلا خاطئ وبإذن الله ألغى من دماغى حكاية الايميلات والشات دى انتوا لو كنتم اعترضتوا على المنتديات والانترنت عامة كنت هفقد الثقه فى رأيكم وكنت هقول ان ده مجرد تفكير أنانى متعنت ضد المرأه لكن اعتراضكم على الشات خاصة خلانى أفكر فى وجهة نظركم واللى خوفنى أوى انى لاقيتها صحيحه الى حد كبير وفضلت أتساءل مع نفسى هل فعلا المحادثات على الايميلات خطأ ولاقيت انه فعلا مفيش راجل يقبل على نفسه ان البنت اللى هو مرتبط بيها تكون بتكلم شباب على التليفون مثلا أو فى الجامعه أو كده طب ما هى هى الشات برضو غلط والولد مش هيقبل ان البنت تكون بتكلم غيره عالشات ما هو كله زى بعضه |
فتاة النت ليست سيئة ولكن
اهم شيئ ان تكون الثقة متبادلة بين الاتنين وكل واحد يراعى ربنا فى الكلام الى بيتقال لان لو كل واحد فهم ان الى بيكلمها دى ممكن تكون اختة والبنت لازم تعرف ان غلطتها ب 1000 غلطة وهتتحاسب عليها هيبقى النت فى حدود التعارف للصداقة وليس لانشاء علاقة الا لو كانت الثقة موجودة بين الطرفين يمكنهم انشاء علاقة للحب شكرا يا كارمن على الموضوع الجامد دا |
ميرسى ليك يا هيمه على المرور
وجهة نظر برضو مستنيين آرائكم وتفاعلكم وأديكم شايفين الموضوع مهم قد ايه يعنى مينفعش حد يزوغ وميقولش وجهة نظره |
ميرسيه عالموضوع بس فيه شباب لما بيحكوا عالنت ويلاقي بنت يحبها بجد ويعمل معاها علاقة ويكونوا متفهمين من المحتمل انهم يخذ قرار مافيش حكي في الشات ثاني مع اي حد
|
بجد يا كارمن موضوع حلو جدا انا رائي ان بنت النت مش سيئه لانها بتتكلم بحترام وادب سواء كان الشب الي معها كويس او لاء ولمى بتحس ان الشب مش كويش اتوقع انها بتلغي من عندها ودا مش مانع برضوه ان في بنات نت مش كويسين |
على راى الفنان الكبير عمرو دياب ضحكت يعنى قلبها مات ........وخلاص الفرق مبينا الشات انا اكتر حاجة بكرها على النت الشات انتى عارفة لو ناس اصحابى ماشى وبكلمهم ماشى بس فى معرفة انما غير كدة لا حاجة خنئة لان قليل جدا لبيكلم بصراحة فيهم ومبثقش فى حد معرفوش على النت يعنى احنا هنا على المنتدى كل واحد فينا رسم شخصية معظم الاعضاء الى بيمر على معظم مواضعهم ورردودهم مفيش مانع انى ممكن اكلم حد من على المنتدى على الشات انما اخش على غرف وكدة استحالة مضحكش عليكى كنت فى الاول بخش زمان اوى بس دلوئتى ابداااااااا هو انا فاضى اسيب مشروعى وقعد اتعرف على الشات ههههههههههههههههه انما بالنسبة للحبيبتى لو هتقعد تكلم زميلاتها ماشى انما تكلم رجالة وتتعرف عليهم لية هو انا خرنج ههههههههههههههههه |
اقتباس:
وجهة نظر برضو شكرا ليك عالرد والمرور ومنور المنتدى |
اقتباس:
لكن احنا بنتكلم على البنات الكويسين بس يكونوا بيتكلموا عالايميل والشات كلام محترم ومجرد صداقه وتعارف هل ده غلط وهل انت تقبل ان اللى انت ترتبط بيها تكون بتكلم شباب تانيين عالشات بإحترام طبعا لأن موضوع انها تكلم بشكل غير محترم ده موضوع مفروغ من أمره تماما وكلنا عارفين ان دى تبقى مفيش تربيه خالص |
| الساعة الآن 10:21 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com