|
الفرق بين بابا وجوزك(بلا جواز بلا هم)
السلام عليكم ورحمة الله وبركاته
دي مجموعة من الفروق بين بابا وجوزك بابا.. دخلتى المطبخ ما دخلتيش .. كله واحد وممكن باباكى يساعدك انما مع جوزك ..مش بمزاجك .. ها تدخلى .. هاتدخلى >:)>:)>:)>:) *************** مع بابا .. فى العيد بيديلك العيديه وفوقيها بوسه .. لكن مع جوزك.. بيقول انت خلاص كبرتى على الحاجات دى >:P>:P>:P *********************** مع بابا.. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله. b-)b-) ********************** مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب \m/\m/\m/ ****************** مع بابا لو حصل حاجه مثلا و كنتى زعلانه .. بيزعل عشانك .. مع جوزك .. بيزعل منك .. ويلومك ازاى تزعلى اصلا x-(x-( ********************** باباكى .. كلمه حلوه ترضيه .. وجوزك .. طول الليل تحايلى فيه ~X(~X(~X( ************************ باباكى وانتى عيانه .. سهران جنبك طول اليوم انما جوزك بيروح ينام فى الاوضه التانيه. :-h:-h:-h *********************** بابا .. لما تدلعى عليه .. بيفرح بيكى انما جوزك .. بيقولك ..اكيد عايزه حاجه :-s:-s:-s:-s ********************** باباكى.. لما تقولى له .. ده حصل كذا وكذا .. بيهتم ويصدقك انما جوزك .. بيقولك .. الموضوع دا وراه ان .. ويشك فى كلامك 8-x8-x8-x ******************* بابا .. لو شافك بتعيطى ها يمسح دمعتك انما جوزك .. ها يقولك يادى النكد %-(%-(%-( ******************** مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص لكن جوزك .. ها يقولك شكلك زى عروسة المولد o=>o-+o-> ***************** مع بابا .. لو طلبتى دوا من الصيدليه . هيجرى و ينزل يجيبه لكن جوزك ها يسالك بكام الأول؟ L-)L-)L-) **************** بابا .. لو طلب منك كوباية ميه .. بيقولك لو سمحتى عايز ميه انما الباشا يقولك قومى هاتى ميه :D:D:D ******************** لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه لكن المحروس .. مافيش قدامك غير يا الاخبار يا الكوره .. يا ميلودى :-q:-q ***************** بابا لو نازل مشوار .. بيعمل ليكى اعتبار ويديكى خبر لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل الباب بسرعه X_XX_XX_X ****************** لو محتاجه فلوس فى حاله طارئه .. بابا ها يديكى من عينيه لكن جوزك .. ها يقولك خدى من بابا =))=))=)) ****************** لو جالك مكالمه غلط على موبايلك.. بابا ها يقولك حصل خير لكن جوزك .. ها يتهمك بالخيانه ... :-w:-w:-w:-w ****************** لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه لكن جوزك ها يقول معلش انا لازم ابلع او ها يقسمها معاكى :-??:-??:-?? ****************** لو اتزحلقتى على الارض ..باباكى ها يجرى يشيلك جوزك ها يقعد يضحك ويقولك ما انتى اللى مش منشفه الارض كويس :)):)):)) **************** لو نفسك تغيرى مكان السجاده ..باباكى ها يقوللك عنك دى تقيله عليكى لكن جوزك ها يقولك مش ضرورى وجع القلب دا :-@:-@:-@ ****************** لو العربيه عطلت بيكى .. بابا.. ها يقولك اقفليها وتعالى وانا ها اتصرف جوزك .. ها يقولك متركبيش العربيه تانى :-t:-t:-t ***************** لو حكيتى لبابا على واحد عاكسك .. ها يقولك معلش .. وبعدين عنده حق . مانتى جميله انما جوزك .. ها يقولك انتى اللى ماشيه مش محترمه \m/\m/\m/ ***************** لو مقدمه على شغل ..باباكى.. ها يوصى عليكى طوب الارض لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره :P:P:P:P ****************** باباكى لو لاحظ انك متخانقه مع اختك .. ها يصالحكوا على بعض لكن جوزك هيقولك خليهم يولعوا دول عيله عجب >:)>:)>:) ********************* مهما باباكى كان متضايق .. لا يمكن تكلميه وتلاقيه مكشر لكن جوزك.. لو متضايق .. مصر كلها هتنكد عليكي استحملى بقى ~X(~X(:((:((:(( فى الاخر احب اقول والله الواحده أكرملها تفضل قاعده فى بيت باباها وماله بيت أبويا اهو منور بيا بلا جواز بلا وجع دماغ وقلبة راس وهم ما يتلم |
اللى يلائى الدلع وما يدلعش يبقى قليل الادب مهو دة الى مبوز البنات اليومين دول انهم مبيأدروش يعيشوا ومبيعرفوش اصلا يحتوى الراجل ودة من كتر دلع اهاليهم فيهم وكان زمان يقوللولك دول بيمزو الولد عن البنت دلوئتى بقى العكس عجبى عليك يزمان فى بيت بابا هتعيشى اة بس فى حياتك فراغ كبير ولما تشوفى مرأة اخوكى بيتهيئلى هتغير كتير كل الاحبة اتنين اتنين وانت لوحدك يجميل وفجأة بابا هينتقل الى رحمة الله مش هيتنيه عايشلك علطول وماما كمان هتحصلو ووهتبصى من حولك هتلاقى نفسك وحيدة مفيش حد يسال عنك حتى اخواتك كل واحد فى حياته مفيش ابن يبوس ايدك مفيش زوج كل همه انو يسعدك ويجبلك الى انت عايزة ساعتها هتندمى كتير انك نسيت مهمتك كامرأة بتكوين اسرة وزوج واولاد تربيهم وتكونى مصدر الحنان ليهم بس للاسف نرجيستك طغت عليكى وحب النفس تملك منك وهتموتى فى شقة بابا ومحدش هيعرف انتى موتى ولا عايشة اصلا لانك متخصش حد |
يالهووووووووووووووووووووى
كل ده هيحصل لا يا عم الواحد يتجوز أحسن بقى هههههههههههههههه بس اما نشوف الدلع اللى انت بتقول عليه ده اللى جوزنا هيدلعهولنا ده هيدلعنا الكوته ويطفحنا الدم |
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد هههههههههه أرائك اليوم صائبة يا بلابل يعجبنى فيك رأى ابن البلد الفاهم والزوج مسيره هيكون أب ويعمل كده برده وعجبى |
مع بابا ... انتى لسه بنوتة مهما كان سنك برضه بنت مع جوزك ... انتى زوجة ومسؤلياتك ومهامك اتغيرت موضوع جميل يا كارمن تابعى نشاطك |
ميرسى ليك يا رضوان عالمرور
|
ان شاء الله يا رامى
وميرسى ليك عالمرور |
مع بابا .. لو طلبتى دوا من الصيدليه . هيجرى و ينزل يجيبه
لكن جوزك ها يسالك بكام الأول؟ l-)l-)l-) هههههههههههههه لا جامده بس والله العيشه فعلا ف بيت الاب اجمل عيشه بس لو جوزي هيدلعني اوك نتجوز بس ده فين ده يبقي بابا احسن ولالا تسلم ايدك كوكي ع الموضوع |
ميرسي كتير يا ميرو على مرورك
نورتي |
الوحده تعيش لوحدها احسلها برده من انها تتحط في الظروف دي تسلمي ياقمر
|
| الساعة الآن 06:39 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com