|
عاوزه خطيبك ينتحر إتفضلى يا ستى ولا يهمك
أحمد ومني ..ناقر ونقير ! أحمد بيحب مني وهي كمان بتحبه قوي تعالوا نشوف المشاكل بتحصل إزاي وإيه اللي يخلي الدنيا تبوظ: بس الحوار بين اللي بيحبوا بعض اليومين دول بقي مختلف قوي مني وأحمد واقفين في عز الضهر علي الكوبري مني: (برومانسية ) شايف النجوم يا أحمد أحمد: نجوم ايه بس في عز الضهر دا أنا الشمس حرقتنى مني: الله ياأحمد بص السحابة اللي هناك دي اللي عليها العصافير أحمد: لا والله ياحبيبتي أنا مش شايفها بس شايف دخان عربيات خنقني مني: يووووووووووووه يا أحمد خليك رومانسي شوية أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت مني: انت مش بتحبني والا ايه أحمد: ياستي بحبك مني: لأ انت كذاب انت مش بتحبني أحمد: يعني أولع في نفسي بجاز عشان تصدقي اني بحبك مني: (والدموع علي خدها) لا يا أحمد أنت تغيرت خالص أحمد: ياحبيبتي والله بحبك مني: لأ يا أحمد متصلحش اللي أنت عملته أحمد: وهو أنا كنت عملت إيه بس مني: (تعيط) اهئ اهئ اهئ أحمد: بتعيطي ليه دلوقت مني: أحمد طلقني يا أحمد أحمد: هو احنا لسة اتجوزنا عشان اطلقك مني: يعني كمان مش عايز تطلقني أحمد يشد في شعره: يادي الليلة السودا أنا ايه اللي خرجني بس مني: كمان خليتها ليلة سودا.. يعني أنا اللي خرجتك غصب عنك أحمد: ياستي مش قصدي. بصي أنا مش هرد عليكي عشان مانتخانقش مني: للدرجادي قرفان مني أحمد: (وشه يحمر من الغيظ) يعني انتي عايزة تتخانقي وخلاص مني: يعني أنا نكدية يا أحمد أحمد: لأ...... أنا مني: انت بتاخدني علي اد عقلي أحمد: حقك عليا وادي رأسك ابوسها مني: ياسلام كده بكل بساطة فجأة يقف أحمد علي سور الكوبري ويرمي نفسه في الميه مني: تفتكر يا أحمد اني كده هسامحك وبردوا تفتكروا ان كدة منى هتسامح احمد لا طبعااااااااااااااااااااااااا لكل واحد خاطب هيقرا الموضوع .. يقول رايه ...احمد عمل الصح ولا لا ؟ واللى مش خاطب قولنا اتعقدت ولا لسه نفسك تخطب ؟ |
اذا كان احمد وهو خاطب عمل كدة امال المجوزين يعملو اية عجبي
|
لا المتجوزين ربنا يتولاهم برحمته
هههههههههههههه ميرسى يا محمود عالمرور |
اوكي
|
اوك
|
هو ايه اللى أوكى
أوك عاوز تزود مشاركاتك شارك فى مواضيع كتيره مش تكتب اى كلام |
للااسف رد غير حضاري |
بص انا مش عاوزه أعمل مشكله
عشان أصلا المنتدى اللى فيه مكفيه الأيام دى بس لو انت شايف ان ردى غير حضارى ادخل شوف المواضيع بتاعتى واى مواضيع انت شاركت فيها فى المنتدى وشوف ردودك بتبقى داخل عالموضوع وقلت شكرا تدخل تانى على نفس الموضوع مره واتنين وتلاته وبرضو تقول شكرا طب ايه لزمتها يعنى غير انك عاوز تزود مشاركاتك آسفه يا محمود متخدش الكلام على اعصابك بس دى وجهة نظر انا شايفاها ياريت تحترمها دافع عن نفسك بالمنطق لكن متقوليش للأسف رد غير حضارى دافع انت عن نفسك بالرد الحضارى وزى ما بطرح عليك وجهة نظرى اطرح انت كمان وجهة نظرك |
هههههههههههههههههههههه
صدقينى هحرم اخطب ربنا يستر مع المتجوزين ههههههه شكرا على الموضوع الرائع |
السلام عليكم ورحمه الله ياحرام ياحمد اكيد دي نهايه طبيعيه للنوع ده من النساء بجد صعب عليه هومن الاول كان يختصر المسافه وينط النيل من اول الميعاد اللي بعز الشمس بطل يا احمد بس مني ها تتجوز علي طول شكراااا كارمن موضوعات اللي باقراءها جميله http://i8.glitter-graphics.org/pub/5...k29tzntp6m.jpghttp://glitter-graphics.com/images/empty.gif |
| الساعة الآن 06:11 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com