|
مـ تسمعوا الكلامـ بقى .. @
السلامـ عليكمـ عوده من جديد و قضيه جديده .. هنا طبعاّ انما هى موجوده و من زمان ... و باينه اوى على شعبنا اللذوذ ده اللى بجد جابلى مرض يلا .. بعد الشر عليا .. عشان الشعب ده مبيحرمش ام هند بقى مش عارف ليه الناس عندها حب عناد او ماشيين بنظامـ خالف تعرف .. مش فاهمـ يعنى لو فى قوانين تخص حاجه معينه تلاقيهمـ عادى ولا حطينها فى دماغهمـ و بيتعاملوا على انها مش موجوده و ابسط الامثله دى ..... اتوبيس القاهره العامـ بجد الاتوبيس ده بيصعب عليا .. لما بشوفه ببقى عايز اقوله الله يعينك او ببقى عايز اخده على جنب و اجبله شويه بنزين يهدوه كده و يروق حاله اولاّ الاتوبيس بيبقى مليان على اّخره و برضه الناس مدلدله منه http://img199.imageshack.us/img199/7...1b604d7365.jpg .و اللى يغيظ بقى تلاقى السواق بدقن و شكله عارف ربنا و كل شويه يقف يحمل ناس و الناس مبتنزلش ... و اكتر جمله تغيظ الواحد يا جماعه الاتوبيس فاضى ورا .. و تلاقى الاتوبيس اصلاّ عامل زى علبه التونه و كله ملزق فى بعضه و مفيش حاجه اسمها ستات و رجاله .... مش قله ادب دى :black eye::black eye::black eye: يا عمو ده الناس بتدلق فى الشارع .. و المضحكـ بقى ان الناس عامله ركوب الاتوبيس ده مسابقه اللى يلحق يبقى فااااااز و مش مشكله ركب فين المهمـ انه شابط فى الاتوبيس لدرجه انه ممكن يركب على حجر السواق http://img253.imageshack.us/img253/3278/egybus2.jpg و من صعوبه الركوب بيبقى مش عايز ينزل و يضيع المجهود اللى عمله عشان يركب .... و زى مـ انتوا شايفين فى الصوره اللى فاتت .. لازمـ يكون مكتوب ( رحله سعيده ) الرحله السعيده دى بقى لو بالمناظر دى ليها نهايه واحده لاقدر الله http://img193.imageshack.us/img193/1...30z01acae4.jpg ربنا يهدى فعلاّ .. يا جماعه فى بلاد بره ... سواق الاتوبيس لما بيعدى على المحطه بيشاور بإيده بعدد الاماكن اللى فاضيه و الناس بتبقى واقفه طابور على حسب اللى جاى الاول لو السواق شاور بــ 3 يبقى 3 بس بيطلعوا يركبوا ... هنا بقى لو شاور بــ 3 بتلاقى 63 ركبوا http://img198.imageshack.us/img198/9797/32783943.jpg ياريت نلتزمـ يا جماعه ... ياريت نتحضر شويه ممنوع السير على المسطحات http://img142.imageshack.us/img142/8859/dfsfdb.jpg بنلاقى كتير الكلمه دى خصوصاّ فى الاماكن اللى فيها مسطحات خضراء .. عشان اصحاب المكان عايزين يحافظوا على الشكل الجميل اللى بيريح الاعصاب بجماله تلاقوا بقى ناس غلسه بوظت المنظر ده http://img32.imageshack.us/img32/9155/gfjhjhg.jpg طيب ليه .. كل ده عشان البيه عايز يركنها فى حته ضله و يكون تحت البيت بالمره و مش فى دماغه المسطح الاخضر ده http://img521.imageshack.us/img521/5369/63229249.jpg ممنوع اصطحاب المأكولات برضه نفس الحكايه .. تلاقى مكتوب على بوابه اى نادى مثلاّ او اى مكن كويس ( ممنوع اصطحاب المأكولات ) مش هنقول عشان عايزين الناس تشترى من جوه .. بس لأن فى ناس بتنسى نفسها يعنى مش ياخدوا ساندويتشات و كده و يقضوا الموضوع لاااااااااااااا ... ليه و ليه .. لازمـ صوانى المحشى تنتشر و تعبى فى المكان كله و السمكـ برضه و ساعات فراخ و مكرونات و ما ادراكـ يعنى ولا كأنهمـ فى راس البر على البلاج http://img39.imageshack.us/img39/4938/dfggfdgdfg.jpg و كلنا عارفين الاّثار الجانبيه و العدوانيه فى نفس الوقت للمحشى و خصوصاّ محشى الكرنب :black eye::black eye: طابور العيش http://productnews.link.net/reuters/...GYPT-BREAD.jpg الناس بقت مش طايقه بعض و بنسمع طبعاّ عن المجازر اللى بتحصل بسبب طوابير العيش http://farm4.static.flickr.com/3268/...22bb4973_o.jpg و ياريت بعد كل ده الواحد بياخد عيش يستاهل الوقفه و التعب و المرمطه دى .. لدرجه ان الناس جتلها حاله هيستيريه من الطوابير http://img263.imageshack.us/img263/6011/15065709wz9.jpg و محدش بقى عارف الحل فين .. بس انا مش هتكلمـ عن ان لو فى تقصير او مشاكل كلامى هنا عن النظام و الالتزامـ ... و ليه الناس مبقتش طايقه بعضها و لا حد مستحمل حد .. يمكن من همـ الدنيا و المشاغل و الحياه .. بس لو الموضوع مشى بنظامـ شويه الحياه هتمشى برضه كويس .. يا اما كل واحد يشد كرسى فى ايده و هو رايح http://img248.imageshack.us/img248/3554/52948047.jpg بس محدش عارف ظروف حد ... و يمكن اللى انت بتتخانق معاه ده تبقى ظروفه اقوى من ظروفك ... نقول الحمد لله و نهدى شويه و نستحمل بعض عشان عيب اللى احنا بنعمله ده معلش طولت عليكمـ انا عارف .. .بس دى شويه مشاكل من ضمن حاجات كتيـــر جداّ و انتوا عارفين و على فكره صور المسطحات الخضراء كلها من تصويرى انا ههههههههههه شويه صحافه بقى ... اّسف على الاطاله مره تانيه و يارب الموضوع يعجبكمـ http://img406.imageshack.us/img406/5606/thaaanxxx.gif |
|
زيــــزو
اقتباس:
متشكر .. ربنا يخليكـ و يارب منورنى دايماّ كده .. و ان شاء الله فى التوبيكـ الجديد اللى جاى |
شكرا على الموضوع الاكثر من رائع واتمنى لك التوفيق فى مواضيعك القادمة |
شكرا على الموضوع الرائع والمفيد والمؤثر
بس المشكلة مش فى الناس بس البلد بقت زحمة اوى ومبقاش فى تحكم فى البلد يلا ربنا مع الكل |
زيــــزو
اقتباس:
شكراّ ليكـ انت يا مودى .. و كنت عايز اعرف رأيكـ و تعليقكـ |
زيــــزو
اقتباس:
معلش يا برنس .. هنعمل ايه فى الناس نقضى عليهمـ .. ولا نوعيهمـ بس المشكله انهمـ مهما وعيتهمـ او نصحتهمـ .. هتلاقى منهمـ كتيييييييييير ولا بيهتموا و كأنكـ متكلمتش خالص .. بالظبط زى اعلان السكه الحديد اللى بييجى فى التليفزيون حتى هما شوف بيقولوا ايه .... ( تفتكروا الاعلان ده هيغير حاجه ... لأ ) يعنى هما كمان عارفين ان الشعب ده مهما تنصح و توعى فيه ... ولا فى الدماغ شكراّ يا برنس على الرد الجميل ده |
والله يا أحمد كل موضوع من دول كان عاوز يتحط فى موضوع لواحده
بجد المشكله كبيره بالنسبه لموضوع الأتوبيس والمواصلات الناس غلابه يا زيزو وكلهم بيبقوا رايحين شغلهم او جامعاتهم ولو حد اتأخر يا إما بيتعاقب يا اما بيتخصمله نص يوم يا اما يا اما يبقى المفروض الحكومه هى اللى تزود المواصلات أو تنظم حركة الركوب فيها بالنسبه للمسطحات الخضراء فعلا دى سماجه وغتاته من الناس وبالنسبه لطابور العيش أعتقد ان المصريين بطبعهم شعب همجى صعب أوى انك تغير أسلوب حياته اللى اتعود عليه من زمن وبرضو ده كله بسبب نقص العيش لو فيه كميه وفيره مش هيحصل كده وبالنسبه لإعلان السكه الحديد فعلا هما بيتكلموا صح ان الاعلان ده مش هيغير حاجه فى كتير من الناس لكن هيغير حاجه فى بعض الناس وده لواحده بيدعوا الى التفاؤل كويس أوى ان فيه شوية ناس حتى لو كانوا قليلين جدا استحقوا ان الاعلان يتعمل عشانهم شكرا زيزو |
هى قاعدة وماشيين عليها " خالف تُعرف " مين اللى بيستنى الإشارة تبقى خضرا ؟!! ولا مين اللى بيدور على مكان عبور المشاه ؟!! وانا استنى ليه ولا ادور ليه ... عدى ياعم وخلاص وهو شايفنى ... يهدى هو ... عدى ياعم بص كده على أى صندوق زيالة هتلاقى الصندوق فاضى والزبالة أكوام حواليه يعنى شوف اللى جه يرمى فى الصندوق كسل يرمى جوه الصندوق ... عجبى دى أمثلة بسيطة من بحر الأمثلة بس ياريت حاجة تتغير تسلم يازيزو |
زيـــــزو
اقتباس:
شكراّ ليكى انتى يا كارمن بس برضه الناس كبيره و المفروض انهمـ عندهمـ وعى كافى يخليهمـ يميزوا الصح من الغلط و ايه اللى يتعمل من اللى ميتعملش مش كل حاجه نتعامل بهمجيه و فوضى .. عمرنا مـ هنتقدمـ خطوه باللى احنا فيه ده و نبقى احنا اللى جنينا على نفسنا و خلينا نفسنا من الشعوب الناميه المتخلفين عن تقدمـ كبير دول تانيه ماشيه فيه ربنا يستر علينا بقى ... ميرسى يا كامرن مره تانيه ......... |
| الساعة الآن 02:24 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com