منتدي q8-one.com - فلسفه غريبه بين ولد وبنت

(أغنيه لمودى راب)
(فلسفه غريبه)

الولد:

لمّا أنقد فيكي مش بتكلم عن عيوبك
أنا بردو ليّه عيوبي وإنتي ليكي أسلوبك

وهروبك من الكلام معايا في المسائل ديّه
مش هيحل أي حاجه ده هيزود القضيه

إنتي دايما راكبه دماغك مش بتسمعي كلامي
أنا عايزك تبقي أحسن تبقي دايما قدامي

إستحملت عنادك دايما كنت بكلم الحجر
البرد سايل من صوابعي من اللعب عالمطر

مشكلتك إنك مبتسمعيش غير نفسك
عايشه ف عالم غير الواقع ومخللي خيالك حابسك

المجادله في البديهيات فلسفه غريبه
مش عشان أحقق حلمي لازم أدفع الضريبه

إستنيت إني أسمع صوتك بيتكلم بحياديه
مطلوب أتنازل حتى عن شخصيتي العاديه

المبادئ اللي في دماغي مضاده للتفتيت
اللوايح والقواعد أنشف جرانيت

أيام أحلام
أيام أحلام

البنت:

كل ما أقولك حاجه تطلعني غلطانه
نفسي أحس إنك مهتم بالظروف اللي حطانه

في سكه صعبه
حبي مش لعبه

عاوزه أبقى مرتاحه بتكلمني كأني جاهله
بصالك بتناحه

بتحطني جوه قيد
إعملي ده متعمليش
إنت مالك بيّه جرب مره تكلمني بشويش

كام مره إتكلمت فيها معاك وتتفق معايا
بتكبر دماغك عن كلامي من كل الزوايا

الحاجات اللي بحبها كام مره خيالك شافها
آجي أحلم معاك بحاجه بتحسسني إني تافهه

أنا حره ف حياتي كمان حره ف تصرفاتي
مش عاوزه حد يمشيني على كيفه ويغير ذاتي

راضيه عن نفسي ومقتنعه بدماغي وهي كده
إنت حاسم قرارك أنا متأكده

أنا مش هتغير
هسيبك تفكر
راجع نفسك تاني يمكن ساعتها تعرف تقرر

أيام أحلام
أيام أحلام

نهايه:

ياللي عرفت الحب يوم وإنطوى
حسك تقول مشتاق لنبع الهوا
حسك تقول مشتاق لنبع الغرام
ده الحب من داق منه قطره إرتوى