منتدي q8-one.com - " دعوه " تعالى نبطل سجاير سواا

بسم الله الرحمن الرحيم

أكيد موجود هنا في المنتدى مدخنين وانا باقول اكيد وانا مدايقه اوى http://www.egyguys.com/vb/images/ahmed/a%20(113).gif
المهم مش هاقعد اعاتب بقى واقول الكلام بتاع كل المواضيع اللى في الدنيا اللى بتتكلم عن التدخين
ومش هاقعد اغنيلك واقولك دا حرام ودا قتل ودا .. ودا .. والكلام الكتير دا :-@

وبرضه مش هاقولك بيعمل ايه ولا هاجيب سيره الامراض اللى بيجيبها ولاااااا اي حاجه من دي

* * *

انا هاكون هنا معاك علشان تبطل السجاير وتكون انسان جديد http://www.egyguys.com/vb/images/ahmed/biggrin2.gif

طبعا انت دلوقتى عمال تسأل في نفسك وتقول عبيطه دى والا ايه ؟ وهاتخليني ابطل السجاير ازاى والعبط دا ؟؟

هاجاوب عليك بقى واقولك : انا مش هاقولك طريقه تبطل بيها السجاير في خمس ايام ولا طريقه تبطل السجاير في ربع ساعة وكلام ***** والشعوذه ده ههههههههه

ولا هاقولك كل طماطم ولبان واعمل بلونات والكلام اللى انت اكيد جربته وماجبش نتيجه

كفايه رغي ندخل في الموضوع بقى ( بيتهيألي انت كدا وصلك ان الفكره مختلفه عن كل مواضيع التدخين )

المهم

اول حاجه انا عايزاها منك ومن كل الاعضاء اللي بيشربوا سجاير وعايزين يبطلوا بجد انهم يدخلوا هنا ويقلولوي ايه متوسط عدد السجاير اللي بيشربوها يوميا ويقولولى برضه اكبر كميه وصلوا ليها .. ومايجيش واحد خفيف يجي يقولى هو انا باعدهم ؟؟ والكلام الفاضي دا << اه اه انا بازعق فيك .. مالك مستغرب ليه ؟؟
انا الكبيره في الموضوع ده http://www.egyguys.com/vb/images/ahmed/biggrin2.gif

نرجع للموضوع .. يعنى عاوزاك
تقولى بالتقريب بتشرب اد ايه في اليوم ماشي؟؟؟
وتقولى عندك استعداد تقلل بمقدار قد ايه
* * *
لو حاجه مش واضحه في الكلام اللى فوق هابينها بالمثال اللي جاي ده
7
7
7
مثلا: انت بتشرب في اليوم علبه = 20 سجاره وعندك استعداد تقلل بمقدار 3 سجاير

هاتعمل ايه بقى ؟؟ هاقوم متفقه معاك اتفاق كدا وكلام رجاله انك تشرب في الاسبوع ده كله 17 سجاره بس ماتزودش على ده . وعلشان يكون في متابعه وتقدر تكمل تيجي كل يوم بالليل قبل ما تنام وتدخل الموضوع هنا وتقولى يا شاطر شربت اد ايه وان زودت عن الكميه اللى اتفقنا عليها قولى برضه مش هازعل http://www.egyguys.com/vb/images/ahmed/a%20(30).gif وهااستمر معاك ونشوف بقى اخرة الدلع هههههه.

واضح كدا ؟؟ والا لا ؟؟ لو في حاجه مش واضحه قول لي في ردك

* * *
وطبعا في حاجات هاتساعدك منها :

.خلي كل حاجه ليها علاقه بالسجاير بعيد عنك على أد ماتقدر (الولاعه ـ الكبريت ـ الطفايه ـ وطبعا علبه السجاير ).
.حاول تشغل ايدك دايما.
"النقطه دي مهمه جدا
لانك واخد دايما ان في ايدك السجاره"

.وبرضه يعنى ابعد عن الحاجات اللى بتخليك تشرب سجاير كتير لو لما بتتنرفز بتشرب منها كتير فحاول تكون هادي وقيس على كدا .

.اغسل سنانك كتير اوى وحافظ على ده.

.واصحابك الحلوين الطعمين اللذاذ الرايقين لو هما بيشربوا برضه عرفهم انك بتبطل سجاير دلوقتى علشان يراعوا الموقف ومش كل لما يشوفك تاخد سجاره يا اسماعيل ؟؟ والكلام دا وعشان برضوا يحاولوا على اد مايقدروا مايشربوش سجاير قدامك.

.وافتكر انك عايز تبطلها وافتكر كمان انك واخد معايا وعد واتفاق وكلام رجاله هايبقى شكلك وحش اوووووووى لو ما عملتش اللى وعدت بيه << بامسكك من الايد اللى بتوجعك هههههههه .

* * *
قبل ماتكتب رد املى الاستماره دى هههههههه << كأنك داخل مصحه ، معرفش انت لو كنت مدمن مخدرات انا كنت عملت فيك ايه ؟؟ هههههههه

جاوبنى بقى ع الأسئله دي : << ماتخافش مش هاقولك عاوز تبطل السجاير ؟؟ والكلام القديم دا

بتشرب كام سجاره في اليوم (تقريباً )؟؟

وعندك استعداد تقلل بمقدار كام سجاره ؟؟ << بلاش تضغط على نفسك وتقولى 10وتعمل فيها بتاع http://www.egyguys.com/vb/images/ahmed/no_1.gif ههههههه

وهاتكون اد كلمتك وتحاول على قد ما تقدر والا كلام عيال ؟؟ http://www.egyguys.com/vb/images/ahmed/biggrin2.gif

هاتدخل كل يوم تقولى شربت كام واحده والا هاطنشني ؟؟؟؟http://www.egyguys.com/vb/images/ahmed/a%20(56).gif

* * *
على فكره اكيييد هاتعدى علينا اوقات صعبه واحتمال تيجي مره وتقولى مش قادر او ممكن كذا مره ماتعملش اللى اتفقنا عليه .. عايزه اقولك ان كل دا عاااادى وانا مش هادايق منه وهاستمر معاك بكل الطرق ( على فكره انا بالي طويييييل بشكل يغيظ ههههه ) وافتكر انك مش هاتكون لوحدك ان شاء الله هايكون معاك كتير من الأعضاء اللى بيشربوا سجاير وهانشجع بعض ..
* * *
عاوزه تفاعل بقى .. ماشي ؟؟ والا لازم ازعق ؟؟ http://www.egyguys.com/vb/images/ahmed/a%20(113).gif
* * *

( مستنياكم ) ..