إتفضل حضرتك إدخل .....عشان تنفذ الأوامر وبعدين تخرج
هاي عليكم يا ماجيكاويه
بصوا وأنا قاعده كده مع نفسي وكنت بفكر إزاي ننشط المنتدى أكتر وأكتر جاتلي فكره هحاول أنفذها وأظبطها بس ساعدوني يا حلوين ياللي أنا عارفه انكم بتحبوا النوم في العسل ومفيش نشاط خالص الفكره:: هختار عضو كل مره العضو ده هعمل معاه إيه شوفوا بقى هجيبله روابط عشرين موضوع من المنتدى يكون مردش عليهم يعني مشاركش فيهم هتقولولي اشمعنى عشرين؟ هقولكم أنا حره أنا فكرت ولاقيت عشرين كويس ولا هو كتير اوى يعني فوق طاقة العضو ولا هما قليلين اوى المهم العشرين موضوع دول هيكون مضطر انه يرد عليهم كلهم بس طبعا مش يدخل يقول مشكور ويخرج هيشوف المواضيع ويرد فعلا بما يتطلبه الموضوع وطبعا فيه مواضيع ميتقلش فيها غير مشكور فميش مشاكل عادي بس انا اقصد بس انه ميدخلش يقول مشكور وخلاص يخرج لكن لو كان مش لاقي رد غير كده يبقى عادي وطبعا العشرين موضوع دول هيكونوا منوعين من المنتدى العام والرياضي والاسلامي والبرامج و............إلخ عشان يكون فيه تنشيط فعلا لكل المنتدى لأني شايفه ان النشاط بيكون في المنتدى العام بس وبقيت الاقسام ناااااااااااااااااايمه في العسل ثانياً هطلب من العضو ده بعد الرد على العشرين موضوع انه ينزل موضوع واحد عالماجيك وهقوله 3 أقسام ممكن ينزل فيهم موضوعه وهو عليه يختار قسم منهم اللي شايف انه طبعا هيقدر ينزل فيه موضوع ويقوم بتنزيل موضوع مناسب للقسم وبس كده بعد ما ينزل موضوعه هنقوله سلاموا عليكوا ونودعه وأختار واحد تاني وبكده نبقى عملنا بعض التنشيط للمنتدى ككل وليس القسم العام فقط وطبعا بعد ما اخلص كتير من الأعضاء ممكن أرجع أختار الحبوب اللي انا اختارته قبل كده يعني كله هيتكرر مش مره والسلام ياللا يا حلوين ساعدوني عشان أنشط المنتدى واللي أختاره ياريت ينفذ المطلوب وبلاش كسل ونوم في العسل |
الفكره فوق الرائعه أهنيكي على ذكاءك الحاد بس ممكن نزود حاجه تانيه على الحوار ده احنا العضو ده لو مكنش معروف نحاول نعرفه ونعرفه للباقي علشان نبقى كلنا أسره مع بعضينا وأنا اول واحد هشارك معاكي |
طب تمام إضافه كويسه يا ALSKA والله ما أنا كسفاك دبست نفسك يا معلم وبم انك عضو جديد والأغلبيه مش عارفينك ولسه مشاركاتك قليله فأنا هساعدك تزود مشاركاتك وتكون معروف في المنتدى واهو منها تنشيط للمنتدى واللي مش معروف يتعرف أولا قول اسمك سنك منين بتدرس واللا لا ولو اه بتدرس ايه واي تعريف تاني تحب تقوله وبعد كده هنزلك روابط العشرين موضوع ياللا |
يعطيك العافيه ياقمر واحنا معاكي في اي حاجه تفيد المنتدي
|
ثانكس على الفكره الفكره دى كنت بفكر فيها انا واسامه من كام يوم بس بطريقه مختلفه شويه على العموم كله فى صالح تنشيط المنتدى |
والله فكره حلوه
ودايما سباقه ياريت العضو الى عليه الدور يختار العضو الى بعده وانتى عليكى الموضع وركزى بقى على اى قسم غير العام بالتوفيق |
طب أوكي ميرسي ليكم
عالعموم أنا هختار عضو وهسيبه يوم عشان يبدأ في التنفيذ ولو مجاش هختار غيره علطوووووول ودلوقتي الدور على ALSKA هنستناه يوم ويا ترى إيه هي فكرتكم يا فينديزل وأسامه ياريت تعرفوهالنا |
تمام يا كارمن على الفكره وانتى كمان محتاجه شوية مقويات كسلتى انتى كمان
|
الموضوع جميل جدا يا كارمن كالعادة وربنا يوفقك |
جامده جدا الفكرة دي علي فكره وفعلا هتنشط بقيت اقسام المنتدي وانا عن نفسي معاكو ف اي حاجه عشان خاطر منتدانا ربنا يوفقنا يارب
|
الساعة الآن 05:33 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com