منتدي q8-one.com - حاجات هبله بنعملها كتير ومش حاسيين

في حاجات هبله بنعملها كتير ومش حاسيين

مـثــــــــــــلا:

*ليه بعد ما نشرب كانز البيبسي ونخلصها نهز العلبه؟؟

يعني مستنى عفريت يطلعلك من الكانز يقولك مبروك كسبت كمان شفطه ..؟؟!!

*ليه اذا شفنا على حيطه او عامود نور عبارة: احترس من الدهان؟...مانصدقش ونجرب بأصابعنا؟؟..

يعني لازم يحلفوا ..؟؟!!

ليه لو كنت في خناقه مع حد وراح شتمك تقولوا.....انت بتشتم مين؟!!
هو في حد غيرك بيتخانق معاه

* ليه اذا كانت بطارية الريموت كنترول ضعيفه نضغط بقوووووه على الزراير؟؟؟؟

يعني هو كده هنشحن البطاريه؟؟!!!

*ليه اذا تأخر الاسانسير نضغط على الزرار ومنشلش ايدينا من عليه؟؟؟

يعني كده خلاص هيحس على دمه وينزلك اسرع

*ليه بنوطي صوت الكاسيت في السيارة اذا كان الطريق زحمه او لو تهنا؟؟؟

يعني كده الطريق هيفضى ولا هنعرف فين الطريق ؟

*ليه لما بنكون قاعدين في مكان عام ونسمع رنة مسج ولارنة موبايل على طووووول نشوف موبايلنا؟؟

يعني انت مش عارف رنة موبايلك عشان كل ما واحد يرن تبص عندك؟؟

*ليه اذا لعبنا بلاي ستيشن (لعبة عربيات) نلف مع العربية
اذا تحرك يمين ويسار؟!!

كده مش هنخسر يعني!!!

* ليه إذا جينا نشكر واحد على موضوع حطه بالمنتدى نمد الحروف ونكتب

مشكوووووووووووووووووووووووووووووووووووووووور

يكون كده شكرناه من القلب يعني ؟!!!

*ليه لو ماشي في شارع وحد وراك بينادي علي واحد تاني خالص تبص وراك؟؟؟

خلاص يعني بينادي عليك انت وغلط في الاسم

*ليه لما تقرا الموضوع ده تقعد تضحك على نفسك لما تفتكر انك بتعمل الحاجات دى برضه؟؟؟

يعنى مكنتش عارف انك بتعمل الهبل ده قبل كده؟

ولو حد عنده حاجات هبله تانيه ممكن يقولها لنا علشان ناخد بالنا منها