|
حاسس انى مش فى مصر
والله انا حاسس انى مش فى مصر ولا حتى فى اى دولة عربية ولا حتى فى دنيتنا دى هو ايه اللى حصل فى الدنيا وايه اللى حصل فى شبابنا وايه اللى بيحصل كل يوم دة كل يوم بنزل وأأقعد مع صحابى وبشوف بلاوى ما يعلم بيها الا ربنا نسبة 80 %ويمكن اكتر من الشباب مقضينها حشيش ومسكنات وغيرة وغيرة وغيرة بقى عادى جدا ان واحد يقول انا رايح (أأقضى) ودى كلمة شراء الحشيش وفيه غيرها كتير واللى بيبيع الحشيش بقى اسمه (مدعى) وليه علامة مميزة وهى (الشال)على دماغه كأنها عمة على دماغة وزيادة عليها انا يبقى معاه موتسيكل انا قلت يمكن دة عادى فى منطقتى ولا فى المنطقة اللى جنبى ولا اللى جنبها ولا اللى جنبها كنت فى حتة تانى عند ناس صحابى لقيت نفس المشهد بيتكرر بنفس الاوصاف ورحت فرح فى حتة تانية لقيت نفس الموضوع ونفس الاوصاف وكأنها راكور فيلم واللى زاد وغطى ان افراح (المجال) زى ما بيتقال عليها بقت اكتر من الافارح اللى فى القاعات واللى مش عارف شكل الافراح دى يتفرج على فيلم(الفرح)هيعرف شكلها ومنظرها والشرب والحشيش واللف والرل وكل حاجة على عينك يا تاجر والشباب اغلبيتها بقى يديها (ترمال)(ترمادول)(تيمول)(فراولة)(ابوصليبة)(توماندين)(ترماجاك) دة بيحصل كل يوم وكل ساعة ولو حد قال غير كدة يبقى انا عايش فى بلد تانية وفى زمن تانى انا عاوز اعرف ليه اللى احنا وصلنا ليه دة وايه اللى خلانا نبقى كدة ولغاية امتى هنبقى كدة ولو قامت حرب هى دى الشباب اللى هتدافع عنا؟؟؟!!! |
يعطيك العافيه على الموضوع والعيب مش بس على الشباب العيب في البلد الي وصلت الشباب لكدا بس هما اختاره انهم يوصلو نفسهم لكدا الشباب دول لو انتبه لنفسهم حيكون شي تاني بس للاسف اختار اسهل طريق علشان ينسو ويهربو من ضغط ومشاكل الحياه الشباب دول في دوووووومه وربنا يعنهم على نفسهم وعلى البلد
|
والله مش عارف العيب فى مين
بس اكيد مش كل الناس كده زة كا قولت 80% بس ممكن نقول البعد عن الدين وسوء التربيه ربنا يهدى اللهم ما احفظنا |
العيب ف البلد اوك بس بردو ده مش سبب ان الشباب تعمل كده هما ما صدقوا يعملو الغلط لانهم حبوه وعجبهم بينسيهم وبيعمل راحه مؤقته لكن مع الوقت الراحه دي بتروح وبيفوقوا وبيروحو للمسكن تاني والغلط هما حبوا ده ده ضعف واستسلام ومعتقدش دي من سمات الرجوله ومينفعش راجل يبقي مستسلم وضعيف ويروح يحارب بس ده رائي
ميرسي يافينديزل ع طرح الموضوع ده للنقاش |
شوفو يا جمااعه احنا مينفعش نحدد الغلط في مين لان الغلط في حكومة بلدناا ... سوء التنظيم ... ضيااع فرص العمل ....في البيت اللي بيربي .... في الشباب نفسهم في حجات كثيير قوي لكن الاكبر على الشباب مهما كانت حياتنا صعبه مهما كنا عايشين في الم وعذااب وفقر ده ميدينااش حق واحد في المليوون علشان ندمر حياتنا وصحتنا في حجاات مدمره بالمره كمان في ناس كتير قوي عايشين في فقر لكنهم عايشين عيشه صح انا باشكرك جدا فنديزل على موضوعك وطرحك متاابعه لبقية وجهات النظر تحياتي |
|
اقتباس:
ثانكس لمحه حب على الرد احترم رأيك |
اقتباس:
اعتقد ان الرأى ده محدش ممكن يعترض عليه شكرا اسامه |
اقتباس:
ثانكس اميره واعتقد ان كلامك مقنع برضه |
اقتباس:
شكرا ليكى ستار وانا متفق معاكى تماما فى كل اللى انتى قلتيه |
| الساعة الآن 12:18 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com