|
هل تنتهي الصداقه بموقف أو كلمه
أحببت أن تشاركوني في:
الصداقة تحدثنا عنها كثيراً ....... وجميعنا نعلم عنها الكثير ...... أسألتي موجهه لكل شخص انتهت صداقته ... بصديقه ........ هل تفاجأت يوما بكلمة من صديق أدت إلى إنتهاء هذه الصداقة؟ هل من المعقول أن كلمة تنهى أجمل علاقة صداقة قد دامت لسنوات؟ هل الصداقة بروابطها المتينة متوقفة على كلمة ؟ كيف ذلك ألا يغفر له ماضيه معك؟ سنوات الطفولة .. سنوات المراهقة .. سنوات عشتم فيها حلو الحياة ومرها .. سنوات قد مرت بها أجمل لحظات بحياتكم.. هل ينتهي كل هذا بمجرد كلمة؟ قد قصد قائلها ماقاله ولكنها أتت في لحظة غضب وقد ندم عليها بعد ذلك هل ستتفهم موقفه وتسامحه ؟ أم تنتهي علاقتك به في تلك اللحظة؟ وإذا تكرر منه الإعتذار ووسط الوسائط لكي تعود تلك الصداقة هل ستسامحه ؟ وإذا سامحته هل ستعود تلك العلاقة كما كانت؟ أم إنها ستعود ولكن بحدود؟ |
الأول كدة توبيك روعة بعد كدة بقى اقول رأى بصى يا لمحة انا هقولك حاجة الصداقة فى حد ذاتها معنى وعلاقة جميلة جدا ملهاش حل بجد وعلاقة قوية جدا ممكن تربط اى اتنين ببعض الصداقة من اسمى الكلمات والمعانى اللى ممكن نقابلها ونعرفها فى حياتنا بس طبعا الصداقة اللى مش قايمة على اى مصلحة الصداقة اللى بجد انا والله مش عارف اقول ايه بس الصداقة حاجة حلوة اوى وبخصوص الاسئلة بيتهيقلى الصداقة اللى بجد مفيش اى حد تقدر تفرقها اه فى لحظات غضب بتعدى علينا واى اتنين اصحاب ممكن يزعلوا من بعض بس بسرعة بيرجعوا لبعض تانى ما ينفعش يبعدوا لما بتبعدى عن حد صاحبك بتحسى انك محتجاله تانى ما نفعش تسيبوا بعض بتحسى انه خلاص بقى حتة منك انا عن نفسى كدة مع اصحابى هما حتة منى ما اقدرش ابعد عنهم وبحبهم اوى اوى مش ممكن اتخيل دنيتى من غيرهم دول اصحابى واخواتى وكل حاجة فى حياتى وربنا يخليهم ليا يارب عاوز اقولك حاجة كمان مفيش اى زعل فى الدنيا ممكن يفرق اصحاب عن بعض والا سورى يعنى دى ما كانتش صداقة بجد من الأول شكرا للتوبيك الجميل يا لمحة |
| الساعة الآن 01:46 AM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com