|
لما ركبت المترو
انهاردة طلبت معايا مرحش الشغل واعمل اى حاجة مجنونة قلت اركب المترو من حلوان لغاية المرج وارجع تانى ولما ركبت المترو لقيت بنت بتشرب كانز (بريل) قلت يمكن الكلى تعباها لكن لقيتها بتقول والله مفيش حاجة بتخلينى امخمخ زى البريل لما ركبت المترو لقيت ست عجوزة عدت سن ال50 واقفة وماسكة فى الحديد وكمية شباب ورجالة قاعدين وعاملين عبدة العبيط ومركبين الهبلولة لما ركبت المترو لقيت بنات صغيرة هاربنين من المدرسة وماشيين مع عيال من سنهم واكبر والمشكلة ان الاتنين يا دوبك راسهم طايلين كتفى بالعافية ومش باينين من الارض لما ركبت المترو لقيت كل محطة فى أخرها قاعدين شباب وبنات الكامحة(الجامعة) وياعينى على مسك الايادى وسند الراس على الكتف و..... لما ركبت المترو لقيت اى اتنين مخطوبين ولا مرتبطين ولا الله اعلم بيهم واقفين مفيش مابينهم 10سم وياسلام لو المترو بقى زحمة هتلاقى طوق من الايادى ملفوف حولينها عشان محدش يخبط فيها(راجل) لما ركبت المترو قلت الحمد لله انى خلصت الجامعة السنة اللى فاتت ومبقتش اركب المترو لما ركبت المترو لقيت شاب زى الفل بيعمل بلونة باللبانة وصحبته جايبة جورنال الاهلى وبتقراه والله الكلام دة كله حصل انهاردة واللى مش مصدقنى يبقى يركب المترو |
رووعه يا اميره موضوع مميز بحق وكل ده في المترووو تسلمي حبوبه.؛× |
واللى مش مصدقنى يبقى يركب المترو
هههههههههههههههههههه والله مصدقينك يا أحمد وأكتر من كده كمان دي الدنيا بقت مليانه مهاااااااااااااازل ميرسي كتير عالتوبيك يا أحمد |
لقيت اى اتنين مخطوبين ولا مرتبطين ولا الله اعلم بيهم
واقفين مفيش مابينهم 10سم وياسلام لو المترو بقى زحمة هتلاقى طوق من الايادى ملفوف حولينها عشان محدش يخبط فيها(راجل) ان لله وان اليها راجعون |
| الساعة الآن 11:05 AM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com