عسى يومي قبل يومك

----------

عسى يومي قبل يومك وروحي فدوة لروحك
يابو وجهٍ يشعّ النور منّه واتقدّابه
أكحّل بك عيونٍ تستمد الشوف من ضوحك
وأعيش بحسّك العامر بتقوى الله وأحيا به
أصح لصحتك وأفرح بها وأبوح مـن بوحـك
وأضيق لضيقتك وأرضخ لحكم الله وأرضابـه
عساها لك طهور ومغفره والشـر مطروحـك
يزيل الباس رب الناس عنك ويذهِـب أسبابـه
لاونْ العافيه تعطى نـذر ماتقصـر شبوحـك
عطيتك عافية جسمي ودمّي وانته أولـى بـه
تهون النفس من شانك وترخص لجل مصلوحك
على حب ورضاء يابـوي مافيهـا ولا جابـه
أقدّمها فدى وأرفع كفوفـي وأشكـي جروحـك
علـى ربٍ كريـمٍ دون خلقـه مانقفـل بابـه
أساله يلطف بحالك ويرفـع عنـك ساموحـك
ويجعل لك على الطاعه مديـد العمـر والثابـه
وأشوفك مثل الاول يقصر المنعورعن شوحـك
على درب الوفاء والطيب والمعروف وأصحابه
مشاعر صادقـه عبّرتهـا والعـز بصروحـك
ترفرف رايتـه مادمـت يـا بابـه ومحرابـه

نشيد // عسى يومي قبل يومك ,, بصوت // عبدالله القزلآن

https://www.youtube.com/watch?v=E7XzaKaYlQps

لمزيد من الاناشيد

https://www.youtube.com/user/MgardFakrh/videos