منتدي q8-one.com - سيجـارة تايهـة

سيجـارة تايهـة
http://graphics.hotmail.com/greypixel.gif

سيجارة تايهة
وببصّلك
وما بين شفايفي بحط جسمك
والهموم اللي تزعل ميت بلد..
وافتح عليكي من نيران الكون لهب
على أدّ جسمك والتعب
راسك بتولع
نفسي تولع زيها راس المنافق
وقبل منُّه أبو لهب

*******
دخان يشعلل جوا منِّي مِيِتْ عجب
على حال مهبِّب زيّ حالي
واللي يِشْبِهْ شلِّتي
واضرب كمان كفِّين عجب
واشفط شياطك بالعجب
وأبصّلك برضه بعجب
واتمنى منك حاجة تطفي حرقتي
بس اللي عارفُه انك كده
مالكيش في شيئ إلا اللي كان بيفكني
من قهر نفسي والهموم
مالكيش في شيئ غير تبقي تايهة
زيِّ ما بِتْتَّوِّهِي
مليون ولد

*******
انا برضه عارف إني عارف قدرتك
بس اعمل ايه
بضحك على نفسي بهبل
وبصدقك.. لو يوم تقولي هاروّقك
وهانَسِّي عينك رسمتك
وباصدَّق الواد اللي قال
إنك قوية وتقدري
إنك تنسِّيني الألم
دانا لما بشفط حرقتك
باتعب أوي
باتعب أوي
باتعب أوي بس بهدووووووء
*******
يمكن عشان بتأخري جوه صدور التعبانين
إن الحطب يصبح عليهم نار جحيم
يمكن عشان لو فقت يوم
مش راح الاقي في البلد
إنسان غبي إلا أنا
علشان باصدق كدبهم
إِطَّمِنِي
أحسن لي إني أصدقك
هارجع بسرعة أحنّلك
تايهة وبتوّه في الفضا
كل اللي كان بيبوس قدم
لسجارة تايهة زيهم
*******
طولت انا؟
هاسكت بقى

*******