منتدي q8-one.com - الغربة صعبة

مين فيكم داق طعم الغربة
تصوروا ان الواحد يبعد عن اهله واصحابه وعن كل اللى يعرفهم
وكل دا علشان ايه
تلاقى الواحد يخلص دراسة من مصر وتلاقيه صاروخ على الخليج
مع ان مفيش احسن من مصر ولو سألته يقولك:
عشان اكون نفسى والموال ده
بس المفروض ان الواحد يكافح فى بلده امال الواحد ليه بيدرس ويتعب نفسه؟؟
عشان يكون فلوس ولا عشان يبقى غنى لالالالا
الاول الواحد يفكر ازاى يفيد بلده
يفكر ازاى يخلى بلده تبقى احسن بلد فى العالم
واللى بقوله دا مش حلم
لا دا هيتحقق باذن الله لو الشباب يكافحوا فى بلدهم
ممكن نقول ان مفيش شغل والواحد مش عارف يجيب فلوس
عشان يفتح مشروع فى بلده
دى حجة فاضية فى ام الدنيا ممكن تشتغل اى حاجة
هى دى ميزتها
هديكوا مثال:
واحد اتخرج من كلية الطب مش لاقى شغل
ممكن يشتغل اى حاجة بس يكون فى باله ان الشغلانة دى
تجيبله فلوس عشان يفتح مشروع مستشفى مثلا
وتشغل ناس تانية فيها يبقى انت كده فدت بلدك
ممكن تقولولى دكتور مثلا يعد يبيع اى حاجة على الرصيف
او يتاجر فى حجات بسيطة بدل ما يسافر؟
هجاوب واقول ايوة
حتى لو اشتغلت زبال هتفيد بلدك
ارجوكم مفتكروش فى نفسكم وبس
فكروا فى بلدكم وازاى تفيدوها

واتمنى من كل واحد يدينى رأيه فى الموضوع:-*