احب اشكرك يا اميره على فكره الموضوع
واحب اشكر اسامه على ردوده اللى بتعبر عن شخصيته الحلوه
واحب اشكر اسامه واميره مع بعض على انهم اختارونى انى ارد على الموضوع
بس انا والله العظيم اول ما شفت الموضوع كنت هرد عليه اول ما نزل بس لما لقيت طلب اميره ان اسامه يكون اول واحد يرد فكان لازم احترم رغبتها
يعنى انا كده كده كنت هرد على الموضوع
ويلا علشان مطولش عليكم وارد على الموضوع
/ مكان الميلاد أين كان؟
اسطنها بلد الامن والامان والرجاله والجدعان
2/حياة الطفوله من كان المؤثر الأول بها؟
اللعب فى الشارع من الساعه سته الصبح
3/موقف من الطفوله مازال عالق في ذهنكـ؟
علقه جامده جدا اخدتها من بابا علشان موقف عملته انا واصحابى
4/هل كان يوجد معامله مختلفه لاخواتك البنات عن الذكور؟
ابدا مكنش فيه اى تفرقه بين الصبيان والبنات فى البيت عندنا
5/اليوم الدراسي الأول هل تتذكر حالكـ فيه؟
لو تقصدى الحضانه كنت فرحااااااااان ومش عاوز اروح البيت
انما لو تقصدى المدرسه كنت عمال اعيط ومش عاوز اقف الطابور حتى
ياااااااااااه فكرتينى بالذى مضى
6/عبث الطفوله كيف تصفه في بضع كلمات؟
شقاوه بريئه
7/أصدقاء الطفوله هل مازلوا على تواصل؟
الحمد لله تقريبا كلهم على علاقه طيبه بيا واسامه يشهد على كده لانه واحد منهم
1/أول مرة تسوق سيارة في اي سن ؟
كان عندى 17 سنه
2/مرحلة المراهقه كيف كان تعامل الأهل فيها؟
تغيير بسيط كان متمثل فى التوجيه الصحيح للصح والغلط
3/غالباً مايكون الحب الأول في مرحلة المراهقه فكيف تصفه إن وجـــد؟
لم احب فى فتره المراهقه ولم يخطر على بالى هذا الموضوع اصلا فى هذه الفتره
4/إلى ماذا كنت تطمح وهل وصلتَ لطموحكـ؟
كان نفسى ابقى ظابط زى والدى بس هو اللى بعدنى عن السكه دى وانا زعلت منه وقتها بس شكرته بعد كده لما شفت اصحابى اللى دخلوا سلك القوات المسلحه وشفت انى الحمد لله احسن منهم على الاقل عندى حريه
5/عنفوان المراهقه مالذي تبقى منه اليوم في ذاكـرتـِك؟
شقاوه الثانوى ومنها موقف مش قادر انساه يوم ما اخدنا العجله "الدراجه" بتاع الموجه بتاع الاحياء وقعدنا نلف بيها وهو يلف ورانا هو واستاذ الماده وبعدين لما اتقفشنا كانت العجله متجيبش اكتر من ربع جنيه بعد اللى حصل لها من كسور وخدوش و.. و.. ههههههههههههه
1/كيف هي نظرتكـ للحياة اليوم؟
الحياه اليوم صعبه جدا بس ان شاء الله مع الاراده والصبر وشكر الله هيبقى كله تمام
2/كيف هي حياتكـ بعد الزواج وتحقيق حلم الأبوة؟
على وشك الخطوبه اليومين الجايين دول بس ادعولى
3/هل وجدت حلاوة المسؤليه مابين واجباتكـ العملية والعائليه؟
حتى الان انا مسئول عن نفسى فقط
4/هل ستربي أبنائكـ بنفس أسلوب تربية والديكـ لكـ؟
اعتقد ان الطريقه اللى اتربيت بيها هى اللى انا هربى بيها اولادى ان شاء الله لانها تربيه قائمه على الصداقه وليس طريقه اب وام وابناء اللى بيبقى فيها سيطره وتحكم
5/ماأكثر مايشغلكـ تفكيركـ في ظل مرحلة النضج؟
ربنا يوفقنى فى شغلى ويتمم لى الخطوبه بتاعتى على خير ومن بعدها الزواج ان شاء الله
1/المرأة ماذا يعني وجودها في حياتكـ اليوم؟
الزواج نصف الدين يعنى الزوجه او المراه نصف حياتى والرسول قال الجنه تحت اقدام الامهات يعنى الجنه تحت اقدام امراه وخير المتاع فى الدنيا الزوجه الصالحه والرسول وصى الناس بامك ثم امك ثم امك ثم اباك
معلش يا اسامه مقدرتش اكتب احلى من الكلام اللى انت كتبته وبعدين فى بيتها احنا اخوات برضه
2/من هي الشخصية الأنثوية التي تعجبكـ؟
اولا امى
ثانيا اختى
ثالثا واحده زميلتى فى الجامعه زى اختى بالظبط
3/من هو الرجل التي تــود أن يكون قدوة لكل رجال الأرض؟
سيدنا محمد صلى الله عليه وسلم
4/بعد الأخلاق الحسنة ماأكثر مايلفت انتباهكـ في المرأة شكلاً؟
أكثر مايلفت انتباهى الجمال الطبيعى بدون اى مكياج او اى حاجه تبوظ خلقه ربنا
وعلى فكره مهما الواحده كانت مش حلوه فهى بتبقى احلى بطبيعتها من انها تحط مكياج وكلام مقرف من الحاجات دى
5/مارأيكـ بالمرأة الذي اهتمامتها كمتابعة الموضه والازياء؟
واحده فاضيه ودماغها صغيره
بس مش معنى كده انها تهمل نفسها وتلبس مبهدل
6/خانتكـ حواء فأصبحتَ مابين المنصدم والمنتقم كيف ستكون ردة فعلكـ؟
الله يسهلها ويسامحها
7/بيت شعر تهديه لحواء؟
البيت ده انا قاصد بيه واحده معينه بس للاسف مش معانا فى المنتدى
تعلمت بغيابك كيف أعالـج مـا تألمتـه****تعلمت بغيابك كيف أقاسم همـي البلـور
8/كلمة توجهها لحوآء سواء كانت الأم او الزوجة أوالاخت ؟
مفيش اجمل منك فى الدنيا دى كلها وطبعا انتى النص الحلو اللى منقدرش نعيش من غيره