شجرة لو
يا اماني يا شجره ف بستاني
بتفرع يا ما وتعلو
وبيستناها الفكهاني
ولا تطرح غيركلمه لو
لوأغمض وافتح تانى
الاقينى طاير فى الجو
والشمس عروسه مقابلانى
بالطرحه الدهبي وبالضو
لاخطف طرحتها وفرحتها
وانزل فى اللحظه وفى التو
ابدر انورها واشواقي
ع الارض تنور تحلو
والمس بالكف المتحني
ع الزرع يبشر ويمني
والحب يرعرع
ويغني
والعمر يهني
ويغلو
ويقوموا الناس فى الفجريه
والصبح بيضحك هأ او
والليل بعيونه الحراميه
بيعيط خايف م العو
وامانى كتيره مشاغلانى
ممكن تتحقق يوم او
على راي صاحبنا البستانى
لو تطرح يوم شجره لو