[كونان]

ازيكم يا شباب ويا بنات
شفت قطه بتاكل فار ؟


اه عادى

طيب شفت انسان بياكل قطه ؟
ايه ؟؟؟؟!!!!!


طيب عمرك انت كلت قطه ولا حمار ؟
انا ؟!!؟؟!!







اه انت متستغربش كده
اكيد كلنا مش واحد بس فينا اكل قطط وكلاب وحمير
فينا اللى اكل جزء وفينا اللى بسم الله ما شاء الله مخلص على حمير البلد






استنى بس كده ....... فهمنى بقى بتقول ايه
اكيد كلنا اكلنا فى مطاعم واكلنا فيها همبورجر وكبده وشاورمه و و و


عارفين بقى اهى نص المطاعم دى
من اصحاب لافته جمع الحمار تكسب سندوتش
اه اه متستغربش مش كده وبس





اكيد كلنا كمان اتفرجنا على برنامج 90 دقيقه للاستاذ معتز
سمعتوا بقى عن الصحفيه اللى اتنكرت وراحت تشتغل فى مجزر وصورت دبح الحمير والكلاب
اه صورتهم



لالا امسك نفسك ده احنا لسه فى الاول
المهم المحلات اللى صورتها ( اه ما هى مش محل واحد ) كانت محلات مشهوره جدا ونص المطاعم بتشترى منها




طبعا بعد ما الصحفيه صورتهم وبعتت الصور للتلفزيون قفلوا بسرعه ونضفوا المكان وظبطوا كل حاجه
بس بعد ايه اتصورتوا يا حلو
وهنذيع يعنى هنذيع




طيب
شويه جد بقى


ازاى اصحاب المجازر دى جالهم قلب انهم يأكلونا كلاب وقطط وحمير

هى الناس دى ملتها ايه


طيب ما دمتوا بتأكلونا خلاص كلوا منها انتوا كمان
انما طبعا لا حياه لمن تنادى
واحنا من هنا بننادى
يا جدعااااااااان


متسترخصش

وتعرفوا

فى محل فى ميدان رمسيس اسموا ( ........ ) بيبيع سندوتشات كبده
الواحد بخمسين قرش
ليه ان شاء الله كبده ايه دى
ولو تشوف الاقبال اللى عليه
ربنا يرزقه كمان


وفى الاخر احب اعرفك بقى ازاى تعرف ان منطقتك بيدبحوا الكلاب ولا لا????







لو لاقيت الكلاب اللى عندكم بيهتموا بيها وبيأكلوها وكده




تبقى يا معلم بتاكل هوت دوج بقالك كتييييير
لو عندك تجربه بقى قولها او شفت حد بيعمل كده
او سمعتم اللى انا قلته ده
كلمنا عنه






انا حاسس ان القطط هيه بعد كده والكلاب هتجري ورنا علشان بنموتهم



سلام بقى لان سندوتش الكبده ابو نص جنيه هيبرد