:::: دعاء مصري مطحون وطالع عين أمه :::
اللهم أنقذنا من نفسية الز ملاء.. وغباء الأصدقاء
اللهم ارحمنا من استبياع الجيل الجديد..
واستقصاد كل مدير.. وندالة القرايب
اللهم أغثنا من كل عميل .. ومن فواتير موبينيل
اللهم أرحمنا من تشريفة عربيات المسئولين ,
وسحب الرخص في كل كمين.. من الغلبان مش م المتين
اللهم أهدى لنا سواقين الميكروباص
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
وشر شلل البنات.. ولؤم الستات
والمينيمم تشارج كافيهات..
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقــــوع السيــرفـــر وقفلـــة السايتـــات
اللهم ارفع مستوى الزمالك ..
لمستوى انبى والحدود.. أو حتى مستوى أسمنت أسيوط
أو أرسل يارب عليهم صاعقة..
اللهم سدد أقساطنا .. وضلل عنا مآمير الضرايب
اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
اللهم ارزق كل بنت بعريس هدية..
وكل شاب بوظيفة وشقة وعربية
حتى ولو كان في التربية الموسيقية
وحصن ابو تريكة من قر الزملكاوية
وانصر حسن شحاتة على فتوات الجبلاوية
آآآميين آآآميين
مع العلم أني زملكاوي