توجية اتهام للنيابة من المتهمة كارمن
نرجو من هيئة المحكمة تدويين هذا عند النطق بالحكم وشكرا
اللهم انى لا أسألك رد القضاء ولكنى أسألك اللطف فيه
بعد ان اصبحتى من مشرفين الماجيك ماهو شعورك اتجاة ذلك؟؟
فخوره جدا انى مشرفه فى هذا المنتدى الرائع اللى بحبه وبحترم كل أعضاءه
واية الى نفسك تعملية للمنتدى ؟؟
نفسى أعمل مواضيع مبتكره وكويسه تساعد فى نمو المنتدى وأحاول أفكر فى أى أفكار تفيده عن أقسام جديده وما الى ذلك وهكلم كل الناس اللى أعرفهم يشتركوا فى المنتدى من أجل مزيد من التقدم
محتاجة مساعدة من الادارة او المشرفيين او المراقبين؟؟
أكيد طبعا محتاجه مساعدات كتيره جدا عشان أنا لسه جديده وفى حاجات معينه مش هعرف أعملها لوحدى زى دمج موضوعين أو نقل موضوع الى السله وكل وظائف المشرفين الأخرى لازم طبعا أستشير المختصين فيها عشان أقوم بدورى على أكمل وجه (السؤال مش عيب)
اية فى ايدك تعملية من غير مساعدة؟؟
مفيش فى ايدى فى الوقت الحالى غير انى أحاول أقدم مواضيع جيده وأفكر فى اقتراحات مفيده
حركة التنقلات الجديدة فى الاشراف بتاعت المنتدى ؟ رايك اية فيها؟؟
حركه مفيده جدا بتشجع الأعضاء على الاستمرار فى التقدم وأنا شايفه ان الأدمن اختار كل واحد فى المكان الناسب ليه وان شاء الله كل واحد يكون عند حسن ظن المنتدى
من احد المواضيع الى انتى كتباهة
هل معلوماتك عن الحب صحيحه؟؟؟؟؟؟
هلىحصلتى انتى من الدرجات
على أكثر من 25 درجة
على اكثر من 13 درجة
على أقل من 10 درجات
؟؟؟؟؟؟
اذا حصلت على أكثر من 25 درجة
معلوماتك عن الحب ممتازة وصحيحة وهذا سيقودك حتما الى الاختيار الصحيح لشريك الحياة والى السعادة بإذن الله ، فالحب عندك هو المشاعر الحلوة والصراحة والتسامح والإتزان ، والزواج هو بداية الحب وشرط الحب هو رضا الله
يمكن أن تنشا صداقة بين الشاب والفتاة ... فهي غالبا ما تنقلب لنوع من الحب ؟
أنا من وجهة نظرى انه ربما
يعنى محتمل تتقلب الصداقه لنوع من الحب واحتما انها متتقلبش حسب ارتياح واحساس الطرفين ببعضهم البعض
لايمكن وجود حب من طرف واحد وإن وجد فلابد من الانتهاء منه بسرعة ؟
من وجهة نظرى انه نعم لازم طبعا أى حد بيحب من طرف واحد ينهى العلاقه دى عشان هى هتكون علاقة تعذيب أكتر منها علاقة حب وهتكون علاقه غير مثمره فى كل الأحوال
أحب وأرجوا أن أتزوج شخصا لم تسبق له علاقات عاطفية ؟
من وجهة نظرى انه ربما يعنى عادى مش شرط المهم فى الوقت الحالى طالما هو بيحبنى بجد يبقى خلاص ونستشهد بهذا المثل الحكيم للأستاذ عمرو دياب (ما بلاش نتكلم فى الماضى الماضى ده كان كله جراح وما دمت بحبك أنا راضى هندور ليه على شئ راح)
كلمة الحب تعني مشاعر صرفة لامكان فيها للماديات الملموسة ؟
قلت لا لأن مافيش حاجه اسمها مشاعر صرفه كل شئ له جانب مادى ملموس حتى لو كان بسيط جدا
العاطفة عند المرأة هي الرومانسية والمشاعر بينما عند الرجل تترجم العواطف الى عمل وماديات في أغلب الأحيان ؟
أنا قلت نعم لأن غالبا بتكون هى دى الحقيقه ان المرأه عايشه فى برج لوحدها أو فى عالم أخر تتعامل فيه بالمشاعر والأحاسيس بينما الرجل عملى بطبعه وأنا أعتقد ان الرجل فى ذلك بيكون أحسن من الست طالما بيعبر عن حبه بأفعال وليس أقوال