السلام عليكم ايها الكرام
ارجو المعذره فى التاخير
اهلا بكم من جديد فى حلقه سريعه من النشره
ومع النشره يقدمها لكم هيما من امام جهاز الكمبيوتر بمنزله نظرا لحرارة الجو وعدم استطاعته للوصول الى الاستوديو
ومع عناوين وتفاصيل النشره على طول مش هنطول
حملة شد حيلك يا مان فى امتحانات العام
تقوم احدى الجمعيات الغير مسماه بتبنى حملة شد حيلك فى امتحانات العام علشان تعدى بسلام وتوصل لبر الامان حيث اكد جميع الطلاب ان امتحانات العام فيها جنان وعرفان وعدم الطمأنينه للنتيجه النهائيه
أسعد الله مساء دكاترة موادكم
لان لو الدكتور سعيد اخو الدكتور تعيس لو هما سعداء فى حياتهم وخصوصا الزوجيه هتلاقى الدنيا زى الفل معاك فى الامتحانت لذا اناشد الزوجات فى هذه الايام بالتخفيف عن الازواج من النكد العام الزائد
تقديرات جديده تطرحها جامعة ساهر للنجاح الباهر
(ر.ل) تقدير جديد من نوعه يطرح بالاسواق تماشيا مع مود العصر فى الامتحانات حيث ان الابناء نسوا طريق البيت فتقديره يكون روح لماما
(ر.ن) ايضا تقدير جديد روح نام احسن يجيلك زكام
(ل) تقدير مبلول لانه لسه على الحافه ما غرقش وبقى (ض.غ ) اى ضعيف غرقان ومحتاج لبان علشان يخرجه من الادمان
(ض.ف) اخيرا وصل تقدير ضعيف فحت لان الطالب يعنى زهق ما بيعملش حاجه قالك خالص ضعيف ضعيف بقى وانزل افحت شويه يمكن الاقى تقدير اعلى من وزارة البترول
واقعدوا فى الامتحانات على كراسى متينه علشان تستحمل اللف والدوران وما تقلقوش لو حد كان بيبرشم ما يقلقش يروح مع المراقب عادى وخليك شديد ومش هيقدر يعملك حاجه اخره ايه يعنى هيشيلك الماده وماده بعدها او المواد الى بعدها واقعدوا بالعافيه
التعديل الأخير تم بواسطة golden man ; 2009-05-31 الساعة 03:07 PM
|