بسم الله الرحمن الرحيم
اولا نحدد كلامنا فى نقط
اولا
الظروف:
الفريق لعب ماتشين مع ابطال عالم فى اسبوع واحد
وكل الناس لعبوا باداء كلنا حبناه
وكل الناس كانت مبسوطه
وغير الاداء الفرقة عملت نتايج عاليه
انت لما تحط فى البرازيل 3 اهداف
و فى ايطاليا هدف
دى فى حد ذاتها حاجة جميلة جدا
الماتشين دول شكلوا عامل مهم كل الناس بتغفل عنه
الاجهاد
اللعيبه اجهدو علشان هما مش واخدين على كده
ثانيا
التشكيل و المدرب:
تشكيل الفريق فى اول ماتشين
كان تشكيل نموذجى
بس المشكله فى دكة الاحتياطى
المفروض زى مامعاك فريق سوبر
لازم دكة البدلاء تبقى سوبر
لو على الاقل 3 او 4 لاعيبه فى الاحتياطى
لاعب زى المحمدى ده معلش فى الكلمة ممكن يفتح محل كشرى احسن ليه وربنا يوفقه فى المحل بتاعة
انا ماشوفتش المحمدى لعب كورة صحيحة طوال ال90 دقيقة
مش ممكن فيه لاعيب كده
وحتى الكور اللى تتباصاله اوت على طول
كان ممكن ابو كف يلعب بفتحى باك يمين مكان المحمدى وينزل حمص فى خط المنتصف
ويلعب ب اوكا فى الدفاع
ونيجى لاحمد عبد الغنى
ممكن يشتغل مع المحمدى فى نفس المحل يعنى ممكن يتشاركوا سوا
وكفايه عليهم كده الصراحة
فى مهاجم مش بيجرى فى الدنيا؟؟؟؟
طيب فيه لاعب بكرش؟؟؟؟؟
انا مشفتش ولا هدى لنفسى الفرصة انى اشوف
هنا بقى كان لازم ينزل بابو جريشة من اول المباراه
لانة احسن بكتيييير من عبد الغنى
على الاقل بيجرى وبيعمل ازعاج لدفاعات الفريق المنافس
كان ممكن شحاته يرحم نفسه من كل ده
ويجيب ميدو
ميدو لاعب محترف ويعرف يسد مع اى فرقه تلعب ضده
بس تقول ايه بقى
المحسوبيه و (الكوسة) وحشة واخرتها اوحش منها
شحاته كان المفروض يتفرج على مباراة امريكا مع البرازيل ومع ايطاليا
ويشوف ان اللعب معاهم مينفعش غير على الارض
مينفعش لعب الكرات العاليه اللى كان هو القانون السائد فى المباراة
علشان الفريق التانى كلهم اجسام
ومش بيلعبوا كوره
بالبلدى كده(مالهمش فيها)
كانت لازم يغير طريقة اللعب على الاقل فى الشوط التانى
بس تقول ايه بقى
الاستهتار اخرته وحشه زى ماشوفنا
ثالثا
الفريق المنافس:
امريكا مكنش عندها حاجة تبكى عليها
ودى نقطة مهمة كان لازم ابو كف ياخد باله منها
يعنى الفريق هينزل بكل اللى عنده علشان على الاقل يعمل ماتش كويس و يودع البطولة وهو كويس مش وحش
بس لما جابو اول جول اتجراوا
وتانى جول طمعوا فى المتش و التاهل
وده اللى حصل
ده غير ان لياقتهم عاليه جدا جدا جدا
احنا كنا بنشوف الفريق كله بيهاجم و الفريق كله يرجع يدافع
بس هما اشتغلوا ويسحقوا التاهل
اخيرا
اللى عجبنى فى الماتش
عصام الحضرى احسن حارس فى البطوله
و ابو تريكة
و وائل جمعه
و المدرب الامريكى اللى (لعبها صح)
وشكرا
اسف طولت عليكوا لكن تقبلوا مرورى
وان شاء الله هنصعد كاس عالم